Apocalipsis 1:9 - Bible in Tzotzil de Chamula

⁹ Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Tzotzil Zinacantan

⁹ Voꞌon Juanon, ti jchiꞌil jbatic ta xchꞌunel li scꞌop Rioxe, ti coꞌol abol jbatic ta ilbajinele, ti coꞌol chispasotic ta mantal ti Jesucristoe, ti coꞌol chistsatsubtasbotic coꞌontique yoꞌ ti mu xquicta o jbatic ta smalael ti cꞌusi ora chicuxiotic ta sbatel osile, tey ay yaqꞌuicon ta jun cꞌox balamil ta oꞌlol mar, Patmos sbi. Yuꞌun ti tey ay yaqꞌuicone, jaꞌ ijmulin ti ical aꞌyuc cꞌusi yaloj ti Rioxe, jaꞌ ti chacꞌ jcuxlejaltic ti Jesucristoe.

Bible in Tzotzil de Chenalhó with Deuterocanon

⁹ Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Tzotzil San Andres

⁹ Joꞌon Juanun, quermano jbatic yuꞌun coꞌol quichꞌojtic ta mucꞌ li Cajvaltique, schiꞌuc coꞌol chquichꞌtic vocol ta sventa li Jesucristoe, schiꞌuc coꞌol yichꞌojutic ta venta. Coꞌol chijyacꞌbutic stsatsal coꞌontic yoꞌ jech mu xchibaj coꞌontic ta smalael ti cꞌu ora chijcole. Li joꞌone te a yaqꞌuicun ta jun biqꞌuit balumil cacal ta nab, Patmos sbi. Te a schuquicun ta sventa ti la jpuc li scꞌop Diose, jaꞌ ti chijcol ta sventa li Jesucristoe.

Tzotzil de Huixtán

⁹ Ho'on Juanun, ho'on ti quermano jbatic ti sventa ti Jesuse. Ho'on ti co'ol chquich'tic vocol ti sventa ti Jesuse, ti co'ol chispasucutic ti mantal ti Diose, ti co'ol chijyac'bucutic yip co'ntontic yu'un hech chcuch cu'untic ti vocole. Ho'on te oyun ti balumil Patmos sbi. Ja' joyubtabil ti ho' ti Patmose. Te chuculun ti sventa ti laj jchol ti sc'op ti Diose, ja' ti sc'opilal ti Jesucristoe.

Apocalipsis 1:9 Iomraidhean Croise

San Mateo 20:23

—Melel, ta xavich' avocolic jech c'u cha'al ta xquich'e. Ti ta xavalic ta jchotanoxuc jun ta jbats'i c'obe, jun ta jts'et c'obe, ma'uc cabtel ta xcac' taje. Ta x'ac'batic ti buch'utic chapanbil sc'oplalic yu'un ti Jtote —xi tac'batic yu'un ti Jesuse.

Marcos 10:39

—Xu' cu'uncutic —xi laj staq'uique. Xi tac'batic yu'un ti Jesuse: —Jech ono'ox ta xataic ti vocol jech c'u cha'al ta jta ti vu'une. Jech ono'ox ta xavich'ic milel jech c'u cha'al ta xquich' ti vu'une.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

Hechos 1:15

Ti jech ta stsobilan sbaique, va' xi liquel ti Pedro ta yalel ti c'op ta stojol ti jch'unolajeletic ti nopol van vacvinic (120) ta vo' oyique, ti xi laj yale:

Hechos 14:22

Ti bu taje, ech' stsatsubtasbe yo'ntonic ti jch'unolajeletique, ti mu stsiq'ues yo'ntonic ta xch'unel ti Cajvaltique, xchi'uc laj yalbe ya'iic ti buch'u ta x'ochic batel ta ventainel yu'un ti Diose, ta xc'ot ta stojolic ti vocole.

Romanos 8:17

Ti jech xnich'nabotic ti Diose, ta xquich'tic ec ti rextoil ti yaloj ono'ox ti Dios ta xaq'ue, ti co'ol ta xquich'tic xchi'uc ti Cristoe. Co'ol ta jtatic jlequilaltic xchi'uc Cristo mi co'ol ta xquich' jvocoltic xchi'uque.

Romanos 8:25

Mi ta to jmalatic ti c'usi mu'yuc quilojtique, ts'ico no'ox ava'i vocol ta smalael.

2 Corintios 1:7

Jpatoj co'ntoncutic ta atojolic ti mu xchibaj avo'ntonique. Yu'un jna'cutic ti c'alal jech ta xavich' avocolic jech c'u cha'al ti vu'uncutique, ta xavich' patbel avo'ntonic yu'un ti Dios xtoque.

Filipenses 1:7

Xloc' venta ti jech ta jnop ta atojolic acotolique, yu'un oyoxuc ta co'nton, yu'un avac'oj avoc ac'obic ta yabtelanel ta sventa ti c'uxubinel laj yac'botic ti Diose, manchuc mi tiq'uilun ta chuquel, mi yacalun ta spaquel jc'oplal ta stojol ti jchapanvanejetique, mu ja'uc xquicta jba ta yalel ti lequil ach' c'ope.

Filipenses 4:14

Manchuc mi jech un, jun yutsil laj apasic yu'un laj acoltaicun c'alal oyun ta vocole.

2 Tesalonicenses 3:5

Ac'o xa scoltaoxuc ti Cajvaltique yo' jech ta xac'uxubinvanic jech c'u cha'al ta xc'uxubinvan ti Diose, yo' jech ta xavich'beic smuc'ul stsatsal yo'nton ti Cristoe.

2 Timoteo 1:8

Ja' yu'un un, mi ja'uc xaq'uexav ta yalbel sc'oplal ti Cajvaltique. Mi ja'uc xaq'uexav xtoc ti jech tiq'uilun ta chuquel ta sventa ti Jesuse. Ta sventa ti coltabilot yu'un ti Diose, ts'icuc cuchuc avu'un ti avocol ta sventa ti colebal lequil ach' c'ope.

Hebreos 10:36

Ti vo'oxuque ta sc'an oyuc yipal avu'unic yo' jech oy smuc'ul avo'ntonic ta sts'iquel ti vocole, yo' ta xapasic ti c'usi oy ta yo'nton ti Diose, xchi'uc ta yich'el ti c'usi yaloj ti Dios ta xaq'ue.

1 Pedro 5:1

Ti jech quich'oj cabtel ta sbainel ti jch'unolajeletique, xchi'uc ti rexticoun ti c'u s'elan laj yich' svocol ti Cristoe, xchi'uc ti oy ta jventa ta yich'el ti slequil ti c'alal ta xvul ta loq'uele, xi ta jbijubtas ti jchi'iltac ti buch'utic co'ol quich'oj cabtelcutic ta sbainel ti jch'unolajeletic ti oy ta tsobobbail avu'unique:

Apocalipsis 1:1

Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.

Apocalipsis 1:2

Jech ti Juan eque, jamal laj yal scotol ti c'usi laj yile, yu'un ja' rextico yu'un ti sc'op Dios ti laj svinajes ti Jesucristoe.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 1:6

Yu'un ta sventa Cristo, lijc'ot ta ajvalil, ta pale yo' jech ta xijtun ta stojol ti Diose, Stot ti Cajvaltic Jesucristoe. Jechuc o sbatel osil, ich'biluc ta muc' ti slequil yutsile, ti smuc'ul stsatsale. Jechuc.

Apocalipsis 11:7

C'alal mi tsuts ti yabtelique, ja' o ta xloc' talel ta xa'ab ti jti'oval chone. Tey ta xlic spasic c'op xchi'uc ti rexticoetique, ti tsalbil ta xc'otic, yu'un ta stsaqueic ta milel yu'un ti jti'oval chon ti loc' talel ta natil xa'abe.

Apocalipsis 12:11

Laj stsalic ti jchi'iltique, ta sventa xch'ich'el ti jcot ta Uni Chije, xchi'uc ti laj sva'an sbaic ta yalel ti xch'ul c'op yu'une. Mu'yuc laj xi'taic mi ta xac' o ti sjol sbaquilic xchi'uque, yu'un chapalic lec manchuc mi ta xchamic.

Apocalipsis 12:17

Ti jech taj une, ti muc' ta tsajal jti'oval chone, x'ech' to cap sjol ta stojol ti antse, ba stsac ta leto snitilultac ti antse, ti buch'utic ti c'otem ta pasel yu'unic smantaltac ti Diose, xchi'uc ti buch'utic jamal ta xalic ti c'otem ta yo'ntonic ta xch'unel ti Jesucristoe.

Apocalipsis 13:10

“Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Apocalipsis 14:12

Ti buch'utic ja' yu'untac ti Diose, sc'anuc xa no'ox yip yo'ntonic ti c'otem ta ch'unel yu'unic ti smantaltaque, xchi'uc ti jun yo'ntonic ta stojol ti Jesuse.

Apocalipsis 19:10

Laj jquejan jba ta yoc ti anjele yo' ta xquich' ta muc', ja'uc le'e, xi laj yalbune: “Mu jechuc xapas, ja' ich'o ta muc' ti Diose. Ti vu'une, naca yajtunelun Dios jech c'u cha'al ti vo'ote xchi'uc ti achi'iltac ti buch'utic jun yo'ntonic ta stojol c'u s'elan yaloj comel ti Jesuse.” Ti tijbil sjol yo'ntonic ti j'alc'opetic ta yalbel sc'oplal ti Jesuse, ja' ta xac' ta na'el stuc ti Jesuse.

Apocalipsis 20:4

Laj quil chotlebaletic. Ti ta chotlebaletique, chotajtic ti buch'utic ac'bat yich' yabtelic ta chapanvaneje. Laj quil xch'ulelic xtoc ti buch'utic laj yich' c'ocbel snuq'uic ta sventa ti laj sva'an sbaic ta yalbel sc'oplal ti Jesuse, xchi'uc ti laj yalic c'u s'elan ta xac' ta na'el ti sc'op Diose. Yu'un ti stuquique, mu'yuc laj yich'ic ta muc' ti jti'oval chone, mi ja'uc ti sloc'obbaile, mi ja'uc laj yich'beic smarcail ta sti'baic mi ta sc'obique. Cha'cuxiic un, jmoj laj spasic mantal xchi'uc Cristo jmil (1,000) jabil.

Apocalipsis 3:10

Ti jech mu'yuc xchibaj avo'nton c'alal laj avich' avocole, jech o xal ta xajchabi c'alal ta sta yorail ta xich' svocolic scotol ti jnaclejetic oyic ta sjoylej ti banomile, yo' jech ta xich' q'uelbel ti yo'ntonique.

Apocalipsis 6:9

C'alal laj stots yo'obal seyo ti jcot ta Uni Chije, laj quil ta yolon ti altar xch'ulelic ti buch'utic laj yich'ic milel ta sventa laj yalic sc'op ti Diose, xchi'uc jbel ti sc'opic c'usi laj yalique.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.