Apocalipsis 1:6 - Bible in Tzotzil de Chamula

⁶ Yu'un ta sventa Cristo, lijc'ot ta ajvalil, ta pale yo' jech ta xijtun ta stojol ti Diose, Stot ti Cajvaltic Jesucristoe. Jechuc o sbatel osil, ich'biluc ta muc' ti slequil yutsile, ti smuc'ul stsatsale. Jechuc.

Tzotzil Zinacantan

⁶ Jaꞌ ta smantal ti ta jpastic mantal jchiꞌuctique. Jaꞌ ta smantal noxtoc ti chitunotic yuꞌun ti Rioxe, jaꞌ ti Stote, chac cꞌu chaꞌal itunic ti paleetique. Yechꞌo ti stuc noꞌox ta xquichꞌtic ta mucꞌ ta sbatel osil ti Cajvaltic Jesucristoe. Jaꞌ tspas mantal ta sbatel osil. Toj lec ti jaꞌ yech chcꞌote.

Bible in Tzotzil de Chenalhó with Deuterocanon

⁶ Ja' ti laj yac' ochcutic ta pasmantale, xchi'uc ti laj yac' ochcutic ta paleal ta stojol Diose, ja' li Stote. Jech ac'o ich'atuc ta muc' sbatel osil li Cajvaltique; ja' ac'o spas mantal stuc sbatel osil. Jechuc.

Tzotzil San Andres

⁶ Schiꞌuc laj xa yacꞌbutic ti coꞌol ta jpastic mantal jchiꞌuctique. Schiꞌuc laj xa yacꞌbutic cabteltic ta stojol Dios, jaꞌ li Stote, jech chac cꞌu chaꞌal li yabtel li paleetique. Jaꞌ yuꞌun acꞌo ichꞌeuc ta mucꞌ sbatel osil li Cajvaltique yuꞌun jaꞌ ta spas mantal sbatel osil. Toj lec ti jech chcꞌot ta pasele.

Tzotzil de Huixtán

⁶ Ja' ti laj xa st'ujucutic yu'un ti jchi'intic ti pas mantal. Laj xa st'ujucutic yu'un paleucutic nijc'ot xa yu'un hech chij'abtej ti stojol ti Diose, ja' ti Stote. Jun yutsil ti tspasat ti muc' sbatel osil ti Cajvaltique. Ja' tspas mantal sbatel osil. Jun yutsil ti hech chc'ot ti pasel.

Apocalipsis 1:6 Iomraidhean Croise

Éxodo 19:6

Va'i unbi, ta xac'otic ta paleetic, ta t'ujbil calab jnich'nab.” Albo ya'i scotol ti israeletic ti va'i s'elan taje.

Isaías 61:6

Ti vo'oxuc une, ta xa'albat ac'oplalic paleoxuc yu'un ti Ajvalile, jtuneloxuc yu'un ti Dios cu'untique. Ta xatunesic ta sc'upinel sc'ulejal ti yan muc'tiquil lume, xach'aletic no'ox ta xac'otic xchi'uc ti slequilalique.

Daniel 4:34

“C'alal c'ot ta tsutsel ti c'u sjalil chapanbil ta xc'ot ta pasele, ti vu'un Nabucodonosorune lic jtoy jsat. Laj jq'uel muyel ti vinajele. Laj ca'i ti tuq'uib ti snopbenal cu'une. Va'i un, lic lequil c'opojcun ta stojol ti Dios ti oy ta toyole, ti xi s'elan yutsil ti que jti' lic'opoj ta stojol ti Buch'u stalel cuxul ta sbatel osile: “Mu sna' xlaj sbatel osil ti smuc'ul stsatsale. Yu'un ja' no'ox stuc Ajvalil ta spas mantal ta stojol ti jaylajun-coj ti ta xlaj ech'uc ti totil me'iletique.

Daniel 7:14

Ac'bat yich' ti jelavem smuc'ul stsatsale, ti yutsilal slequilale, ti ventainel yu'une. Jech o xal ta xac' sbaic ta tunel ta stojol scotol ti jnaclejetic ta jujun muc' ta lume, ti ta jujuchop ti sc'opique. Yu'un jech sbatel osil ti oy smuc'ul stsatsale. Mi jutebuc ta xc'ot ta tubel ti c'u s'elan ta spas mantale.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

San Juan 5:23

yo' scotolic ac'o yich'icun ta muc' ti vu'un Nich'onilune jech c'u cha'al, ta xich'ic ta muc' ti Jtote. Ti buch'u mu xiyich'icun ta muc' ti vu'un Nich'onilune, mu xich'ic ta muc' ti Jtot ti ja' laj stacun talele.

Romanos 11:36

Yu'un scotol ti c'usitic oye, ta xlic talel ta stojol ti Diose, ja' pasbil yu'un yo' ta xtun yu'un. ¡Vinajuc slequilal sbatel osil ti Diose! Jechuc.

Romanos 15:6

yo' jech jun no'ox ac'opic acotolic ta slequil-c'optael ti Diose, Stot ti Cajvaltic Jesucristoe.

Filipenses 2:11

Scotol jamal ta xalic ti ja' Ajvalil ti Jesucristoe, yo' jech ich'bil ta muc' ta xc'ot ti Dios Totile.

1 Timoteo 6:16

Yu'un stalel o ti jech stalel o cuxule, ti xojobin no'ox ti bu oye, ti mu'yuc buch'u xu' ta xnopaj ech'el ti bu oye. Mi ja'uc jun vinic yiloj ti Diose, mi ja'uc xu' sq'uel xtoc. Yu'un sbatel osil c'otem ta sventa ti ich'biluc ta muc' xchi'uc ti smuc'ul stsatsale. Jechuc.

Hebreos 13:21

Ti Dios taje, ti ta xac' jun o'ntonale, ac'o xastojobtasoxuc yo' jech ta xapasic scotol ti c'usi lec ta xile, ti c'otuc ta pasel yu'un ta jtojoltic ti c'usi lec ta xa'i ti stuc ta sventa ti Jesucristoe. Ich'biluc ta muc' sbatel osil ti Jesucristoe. Jechuc.

1 Pedro 4:11

Mi oy buch'u ta xc'opoje, jechuc c'opojuc jech c'u cha'al ta xal ti sc'op Diose. Mi oy buch'u ta xac' sba ta tunele, ac'o spas ta sjunul yip ti bu c'alal ac'bil yu'un ti Diose. Pasic scotol ti c'usi sc'an pasele yo' jech ich'bil ta muc' ta xc'ot ti Dios ta sventa ti Jesucristoe, ti oy ta sventa ti lequilal utsilale, xchi'uc ti smuc'ul stsatsale. Yu'un sbatel osil ta spas mantal. Jechuc.

1 Pedro 5:11

Ac'o spas mantal stuc sbatel osil ti Diose. Jechuc.

2 Pedro 3:18

Ja'uc le'e, ojtiquinic lec c'u s'elan yutsilal ti Cajvaltic Jcoltavanej Jesucristo cu'untique yo' jech ta xach'iic batel ta sventa ti syail xc'uxul yo'ntone. Ich'biluc ta muc' ti Cajvaltic Jesucristo avi tana li'e, ti jechuc o sbatel osile. Jechuc.

Judas 1:25

Ta sventa ti Cajvaltic Jesucristoe, ich'biluc ta muc' ti Dios ti oy slequil yutsile, ti oy smuc'ul stsatsale, ti yich'oj tsots yabtele, avi tana li'e, jechuc o sbatel osil. Jechuc.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 20:6

Yan yutsil ti buch'u oy sc'oplalic ba'yel ta xcha'cuxiique, yu'un c'otemic ta steclumal ti Diose. Yu'un laj to sc'oplal ti q'uelel ta stojolic ta xchamic ta xcha'cojale, c'otemic xtoc ta yajpale ti Diose xchi'uc ti Cristoe, jmil jabil ta spasic mantal xchi'uc.

Apocalipsis 4:11

“Cajval Dios cu'uncutic, ac'otebal o ti ich'bilot ta muq'ue, ti ta xa'albat ti yan avutsile, ti oy amuc'ul atsatsale, yu'un vo'ot laj apas scotol ti c'usitic oye, yu'un loc' ayan ta avo'nton ti jech oy scotol ti c'usitic laj ameltsane.”

Apocalipsis 5:10

Ta aventa li'ochcutic ta ajvalil, ta paleal ta stojol ti Dios cu'untique, xchi'uc ta spasel mantal ta banomil.”