Apocalipsis 1:5 - Bible in Tzotzil de Chamula

⁵ xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Tzotzil Zinacantan

⁵ Acꞌu yacꞌboxuc crasia, acꞌu spas ta jun avoꞌonic ti Jesucristo uque ti yech scotol ti cꞌusi liyalbotique, ti jaꞌ primero iꞌachꞌub spat xocon ti cꞌalal ichaꞌcuxie, ti jaꞌ tspas ta mantal scotol preserenteetic xchiꞌuc scotol jyuꞌeletic liꞌ ta sba balamile. Jaꞌ ti scꞌanojotic tajmeque, jaꞌ ti iyacꞌ sba ta milel yoꞌ itoj o li jmultique.

Bible in Tzotzil de Chenalhó with Deuterocanon

⁵ xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Tzotzil San Andres

⁵ Schiꞌuc ta sventa li Jesucristo ti jaꞌ melel scotol li cꞌusi laj yalbutique, ti jaꞌ baꞌi ichaꞌcuxi loqꞌuel ta smuquenal sventa sbatel osile, schiꞌuc ti jaꞌ sventainoj scotol li ajvaliletic li liꞌ ta balumile. Jaꞌ ti toj cꞌuxutic ta yoꞌone, laj yacꞌ sba ta milel ta jcojtic yoꞌ jech lischꞌaybutic o jmultic.

Tzotzil de Huixtán

⁵ Ja' ti sventa uc ti Jesucristoe ti jun yo'nton cu'untic hech xu' ti jch'untic ti c'usi chijyalbucutique. Ja' ti primero icha'cuxi loq'uel ti ch'en, ja' ti sventainoj scotol ajvaliletic li' ti balumile. Ja' ti c'uxucutic ti yo'nton, laj spocbucutic loq'uel jmultic ti xch'ich'ele.

Apocalipsis 1:5 Iomraidhean Croise

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Salmos 72:11

Squejanuc sbaic scotol ti ajvaliletic ta stojole. C'otuc ta yajtuneltac scotol ti muc'tiquil lumetique.

Salmos 89:27

Ta xcac'be yich' un, jech c'u cha'al oy sc'oplal ti ba nich'onile; stuc no'ox cajal ta xc'ot sc'oplal ta stojol ti yan ajvaliletic ta banomile.

Proverbios 14:5

Mu sjut c'op ma' ti buch'u lequil bats'i rexticoe; ti chopol rexticoe, lec sna' sjut ti c'usi ta xale.

Isaías 55:4

C'ot ta rextico cu'un ta stojol ti muc'tiquil lumetique. C'ot ta banquilal, c'ot ta jchanubtasvanej yu'un ti jteclume.

Daniel 2:2

Ja' yu'un un, ti ajvalile laj sta talel ta iq'uel ti viniquetic ti xilic cajal toyole, ti jt'unvanejetique, ti buch'utic oy c'usi xu' yu'unic ta yesomtaele, xchi'uc ti bijil viniquetique. Taje, ja' ta sbainic ta yalbel smelol ti jaytos vaichiletique. Jech ti stuquique batic, c'otic ta stojol ti ajvalile.

Daniel 7:14

Ac'bat yich' ti jelavem smuc'ul stsatsale, ti yutsilal slequilale, ti ventainel yu'une. Jech o xal ta xac' sbaic ta tunel ta stojol scotol ti jnaclejetic ta jujun muc' ta lume, ti ta jujuchop ti sc'opique. Yu'un jech sbatel osil ti oy smuc'ul stsatsale. Mi jutebuc ta xc'ot ta tubel ti c'u s'elan ta spas mantale.

Levítico 13:58

Ja'uc ti ta c'u'ile, ti jolobile, ti c'usiuc no'ox meltsanbil ta nucule, mi ch'ay o batel ti c'usi le'bel ti c'alal laj yich' chuq'uele, ac'o to yich' chuq'uel yan velta xtoc, ja' to jech ta xlecub o.”

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

San Juan 13:1

Ta yac'ubalil xa ti q'uin Colele, sna'oj xa ti Jesuse ti c'ot xa yorail ta xicta comel ti banomile, ti ta sut batel ta stojol ti Stote. Ti jech mu tuch'baj jipbaj ta xa'i ti yu'untac li' ta banomile, jech o staoj o yav c'ux ta xa'i ti c'uxi ta xc'ot ta tsutsele.

San Juan 13:34

Xi ta xcalboxuc comel sc'oplal ti ach' mantale: J'ech'el c'uxuc xava'i abaic ta jujun tal jech c'u cha'al laj c'uxubinoxuque. Jechuc c'uxuc xava'i abaic ta jujun tal.

San Juan 15:9

C'ux ta xca'ioxuc ta j'ech'el jech c'u cha'al c'ux ta xiya'i ti Jtote. Staojuc o yav oyuc ta avo'ntonic ti syail xc'uxul co'nton ti oy ta atojolique.

San Juan 18:37

Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

San Juan 3:11

Ta xcalbot ava'i ta melel, ja' ta xcalbecutic sc'oplal ti c'usi jna'cutique, ti c'usi quilojcutique. Ja'uc ti vo'oxuque, mu xac'an xach'unic ti c'usi ta xcalcutique.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

San Juan 3:32

Ta xalbe sc'oplal ti c'usi yiloje, ti c'usi ya'yioj ti bu taje. Ja'uc le'e, mu'yuc buch'u ta xc'ot ta yo'ntonic ti c'usi ta xale.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Hechos 26:23

Ja' laj yalic ti oy sc'oplal ta xcham ti Cristoe. C'alal mi chamem xa oxe, ja' ba'yel ta xcha'cuxi yo' jech ta xa'iic sc'oplal ti saquilal osil ti ja' colebale ta sventa ti steclumale xchi'uc ti jyanlumetique”, xi ti Pabloe.

Romanos 3:25

Ja' yu'un un, ti Diose laj yac' ta milel ti Cristo ti laj smal ti xch'ich'ele sventa yo' ch'aybil ta xc'ot ti mulile. Ta stael ti ch'aybil ta xc'ot ti mulile, ja' no'ox ta sventa ti ta xc'ot ta o'ntonale. Jech laj spas ti Diose yo' ta svinajes ti oy slequilal yutsilale, ti laj xch'aybe smulic ti jnaclejetic ti vo'ne sts'icojbe talel ti c'u s'elan laj c'otuc ta pasele.

Romanos 8:37

Ta scotol taj une, tsalbil ta xc'ot cu'untic ta sventa ti Buch'u mu xijtuch' ta yo'ntone.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

Gálatas 2:20

yo' mu cu'unuc xa jba jtuc ti jech cuxulune, yu'un ja' xa cuxul ti Cristo ta jtojole. Ti jech cuxulun xchi'uc ti jbec'tale, cuxulun xa no'ox ta sventa ti c'ot ta co'nton ta xch'unel ti Xnich'on Diose, ti laj xc'uxubinune, ti laj yac' sba ta milel cu'une.

Efesios 2:4

Ti jech jcuchoj jvocoltic laj yilotic ti Diose, mu jipbaj tenbaj laj ya'iotic, ta sventa ti oy syail xc'uxul yo'ntone, laj xc'uxubinotic,

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Deuteronomio 18:2

Yu'un mi ja'uc ta xich' xrexto osilic jech c'u cha'al ta xich' ti yan svinquileltaque. Yu'un ti xrextoique, ja' ti c'usitic ta x'ac'bat ti Dios ti jech ono'ox yaloje.

Deuteronomio 23:5

Ja'uc le' une, ti Dios avu'unique mu'yuc laj ya'ibe sc'op ti Balaame. Yu'un joybij ta alequilalic ti alajelic ti laj sc'anboxuque, ja' ti c'uxoxuc ta yo'ntone.

Deuteronomio 7:8

Ti Diose, ta smuc'ul stsatsal laj spojoxuc loq'uel talel ta yoc ta sc'ob ti faraón ti bu to ox mosovinbiloxuc ta Egiptoe, yu'un c'uxoxuc ta yo'nton. C'otuc la ta pasel yu'un ti strate ti yaloj no'ox ta stojol ti amolmuc'totic laj ech'icuc ta vo'nee.

Colosenses 1:18

Ma'uc no'ox taj une, yu'un ti Cristoe ja' c'otem ta Banquilal yu'unic ti jch'unolajeletic ti vololic ta stojole. Ta sventa Cristo oy xcuxlejal ti jch'unolajeletique. Ja' jech xtoc ba'yel cha'cuxi yo' jech c'ot ta totil yu'un scotol.

1 Timoteo 6:13

Avi tana une, ta sba ta sat ti Dios ti ja' yac'ojbe xcuxlejal scotol ti c'usitic oye, ta sba ta sat ti Cajvaltic Jesucristo ti jamal laj yal sba ta stojol ti Poncio Pilatoe,

1 Timoteo 6:15

Ti ja' no'ox stuc Dios ti tsots xu' yu'une, ti jelavem yutsile, ti ja' Ajvalil yu'un ti ajvaliletique, ti ja' Jpas-mantal yu'un ti jpas-mantaletique, snopoj xa ti oy bu ta sta sc'ac'alil ta stac talel ti Jesucristoe.

Hebreos 10:29

Ja' yu'un un, x'ech' ta sta tsots tsitsel ti buch'utic yalel xa ta sju'beic ta teq'uel ti Xnich'on Diose, ti yalel xa ta sbajbeic ti xch'ich'ele, ti c'alal chopol ta xc'opoj ta stojol ti jc'uxubinvanej Ch'ul Espíritu yu'un ti Diose. Ti xch'ich'el taje, ja' ta sventa lic abtejuc ti trate yo' jech veintainbil c'otic yu'un ti Diose.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

1 Pedro 1:19

Yu'un ja' ta sventa ta yutsil xch'ul ch'ich'el ti Cristo ti laj yich' aq'uel ta matanal jech c'u cha'al jcot uni chij ti mu'yuc yic'obale, ti mu'yuc jutebuc xchopolale.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

1 Juan 4:10

Ti syail c'uxul o'ntonale, xi s'elane: yu'un ma'uc vo'otic ba'yel c'ux laj ca'itic ti Diose, yu'un ja' stuc ba'yel laj xc'uxubinotic ta sventa ti laj stac talel ti Xnich'one, yo' jech ta jtatic ti ch'aybil ta xc'ot ti jmultic ta sventae.

Apocalipsis 11:15

C'alal laj yoq'uisan yoq'ues ti yucubal anjele, vinaj ti oy buch'utic tsots ta xc'opojic talel ta vinajel ti xi ta xalique: “Laj sc'oplal ta xventainvanic ti ajvaliletic li' ta banomile, ja' xa ta xlic ventainvanuc ti Cajvaltic Diose xchi'uc ti Cristo yu'une, ja' xa ta xlic pasvanuc ta mantal sbatel osil.”

Apocalipsis 11:3

Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”

Apocalipsis 17:14

Jech ta stsaquic ta leto xchi'uc ti jcot ta Uni Chije. Tsalbil ta xc'otic ti c'alal ta stsaquic ta leto ti jcot ta Uni Chij ti Buch'u c'otem ta Banquilal yu'un ti banquilal ajvalile, xchi'uc ti banquilal ajvalil yu'un ti its'inal ajvaliletique. Yu'un oy ta stojol ti jcot ta Uni Chije ti buch'utic ic'bilic talel yu'un ti Diose, ti t'ujbilic yu'une, ti jun yo'ntonique.”

Apocalipsis 19:11

Laj taj une, jamal ti vinajel laj quile, vinaj jcot saquil ca'. Ti buch'u scajlebinoje, ta x'albat sc'oplal J'ech'el Oy Stuq'uil Yo'nton, yu'un ta stuq'uil slequil yo'nton ta xventainvan xchi'uc ta stuq'uil yutsil yo'nton ta xletovaj.

Apocalipsis 19:16

Ts'ibabil ta sc'u' nopol yac'ol sjol yacan jun biil ti xi ta xale: “Banquilal Ajvalil yu'un ti muc'tiquil ajvaliletique. Banquilal Ajvalil yu'un ti its'inal ajvaliletique.”

Apocalipsis 2:13

Jna' lec scotol ti tey nacalot ti bu ta spas mantal ti pucuje. Manchuc mi jech un, staoj yav jun avo'nton ta jtojol, yu'un mi ja'uc lachibaj ta jtojol c'alal laj yich' milel ti lequil caj'abtel Antipas ti bu snacanoj sba ti pucuje.

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele:

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.