Apocalipsis 1:16 - Bible in Tzotzil de Chamula

¹⁶ Ti ta sbats'i c'obe stsacoj vucbej c'anal. Ja' jech xtoc co'ol s'elan jich'il espada yich'oj cha'jot ye ta xloc' talel ta ye. Sjunul ti sate co'ol s'elan xojobal c'ac'al ti c'alal tsots xnobet ti xojobale.

Tzotzil Zinacantan

¹⁶ Stomoj ta sbatsꞌicꞌob vucpꞌej cꞌanal yilel. Chlocꞌ tal espada ta ye yilel. Lec juxbil xchaꞌjotol ye li espadae. Sjunlej li sate oy xojobal, coꞌol xchiꞌuc xojobal cꞌacꞌal yilel.

Bible in Tzotzil de Chenalhó with Deuterocanon

¹⁶ Stsacoj ta sbats'ic'ob vucbej c'anal, xchi'uc chloc' espada ta ye. Li espadae lec ts'ubts'ub sni', xchi'uc lec juxbil xcha'jotal ye. Li sate xojoban jech chac c'u cha'al c'alal toj c'ux li c'ac'ale.

Tzotzil San Andres

¹⁶ Te stsacoj ta sbatsꞌicꞌob jucpꞌej cꞌanal schiꞌuc ta xlocꞌ machita ta ye. Chaꞌjot ye pasbil li machitae, lec juxbil schaꞌjotol. Li sate xojobian tajmec jech chac cꞌu chaꞌal li cꞌacꞌale.

Tzotzil de Huixtán

¹⁶ Stsacoj ti sbats'ic'ob hucub c'analetic. Ja' chloc' ti ye uc espada. Chib ye ti espadae. Lec ti yee. Sjunul ti sate chquevan hech chaj c'u che'el chquevan tal c'ac'al hech chaj c'u che'el staoj o'lol c'ac'ale.

Apocalipsis 1:16 Iomraidhean Croise

Job 38:7

c'alal xnechetic no'ox ta q'uejimol ti c'analetic ti sac jaman xa talel ti yi'bel vinajele, ti c'alal xmuyubajic no'ox ec ti cajtuneltac oy ta vinajele?

Salmos 45:3

Tsatsal vinic, chuquino xch'a ti avespadae. Tixil to ta xac'ot xchi'uc.

Cantares 6:10

¿Buch'u ya'yel le'e, ti ta xac' sba iluc jech c'u cha'al xcajet vulel ti c'ac'al ta sob ic'lumane? Jun yutsil ta j'ech'el jech c'u cha'al ti ue, ti lajemotic xa yu'un ya'yel jech c'u cha'al ta xtal yaq'uic ti epal soldadoetique.

Isaías 11:4

Ta stuq'uilal ta yutsilal, ta stic' sba ta xchapanel ti buch'utic mu sna'ic c'u s'elan ta spac ti sc'oplalique; ta stic' sba ta spojel ta xchapanbel sc'op ti c'usitic c'otem ta yu'unic ti me'un mu'nat ti oy ta lume. Ta yip sc'op ta stsits ti buch'u cajal ye sti' xa'i sbae, ti co'ol to s'elan jmoj te' ti xc'avlij ta xc'ote; ta yic'al no'ox ye ta xcham yu'un ti buch'u toj chopol xa'i sbae.

Isaías 24:23

Ti Dios ti scotol xu' yu'une, ti c'alal ta xlic ochuc ta Ajvalil ta vits Sione, ti ta lum Jerusalene, ti c'ac'ale, ti ue, ta x'ic'ub. Ti banquilaletic yu'un ti steclumale ta xilic yutsilal slequilal ti Diose.

Isaías 49:2

Ti que jti'e, c'ot ta juxbil espada yu'un. Laj snac'un ta chabiel ta yolon yaxinal yoc sc'ob. Lic'ot yu'un ta jun jich'il sni' abtejebal ti xach'obil yolobe, ti laj stic'un ochel ta xch'amobil yav sni'e.

Daniel 12:3

Ti bijil viniquetic ti ep cuch yu'unic ta stojobtasel batel ta lequil be ti yane, xlaplun no'ox yutsilic ta q'uelel jech c'u cha'al ti yaxts'ijan vinajele. Sbatel osil xojobinic no'ox jech c'u cha'al ti c'analetique.

Daniel 8:10

Muq'uib ta j'ech'el ti c'ot c'alal to ti bu oyic ti c'usitic oy ta vinajele, ti laj slilin yalel tal jvoc'uc ti c'analetique. Laj sju'ilan ta teq'uel.

Malaquías 4:2

Ja'uc ti vo'oxuc une, ti nijil chimiloxuc ta yich'elun ta muq'ue, jech ti pojel c'uxubinel cu'une xtixet no'ox vulel ta atojolic co'ol s'elan xojobal ti c'ac'ale, yu'un ja' ach'iel ac'opojelic ti xtixet no'ox vulel ta atojolique. Jech ti vo'oxuque, natic no'ox xabitic ta muyubajel jech c'u cha'al ti ch'iom vacaxetic c'alal ta xloc' batel ta scorrale.

San Mateo 17:2

Ti bu taje, ta sba ta satic yanij ti c'u s'elan to ox ti Jesuse. Xojobin no'ox liquel ti sat jech c'u cha'al xojobal c'ac'al. Sac lapan ta j'ech'el ti sc'u'e jech c'u cha'al junuc luz.

Hechos 26:13

Ch'ul Ajvalil Agripa, mi lec ta xava'i une, c'alal oyun xa ta bee, joyobtabil lic'ot xchi'uc ti jchi'iltac ta jun xojobal ti lic talel ta vinajel c'alal ja' o o'lol c'ac'ale. Tsots ta j'ech'el ti xojobale, ja' mu sta xojobal sat ti c'ac'ale.

Efesios 6:17

Sc'oplal ti pojel colele, ja'uc c'otemuc ta smac ajolic, xchi'uc ja'uc c'otemuc ta avespadaic ti sc'op Dios ta xac'boxuc ti Ch'ul Espíritue.

Hebreos 4:12

Yu'un ti sc'op Diose, cuxul, oy stsatsal, ja' mu sta jech ti c'usuc no'ox espadail ti yich'oj cha'jot yee. Yu'un ta xc'ot c'alal to yut o'ntonal, ti bu xa c'alal ti c'usi ta snopilane, ta svinajesel ti c'usi oy ta yut yo'ntone.

Apocalipsis 1:20

Le'e, xi smelol ma' ti vucub c'anal ti jtsacoj ta jbats'i c'ob laj avile, xchi'uc ti laj avil ti vucub yavil cantila meltsanbil ta oroe: ti vucbej c'anale, ja' sc'oplal ti buch'u sventainojic ti vuc-chop tsobobbaile. Ti vucub yavil cantile, ja' sc'oplal ti vuc-chop jch'unolajeletique.

Apocalipsis 10:1

Laj quil yan tsatsal ánjel xtoc, ti volibil ta toc yal talel ta vinajele, ti cotol talel vacnac'obal ta sjole, ti xojobin sat jech c'u cha'al ti sat c'ac'ale, ti co'ol s'elan junuc leb c'oc' volibil ti yacane.

Apocalipsis 12:1

Xi s'elan vinaj jun muc' ta senyail ta vinajel: oy jun ants sc'u'inoj ti c'ac'ale, xchi'uc stec'obinoj ti ue, ti slapoj sronail sjol ti yich'oj lajcha'bej c'anale.

Apocalipsis 19:15

Ti Buch'u cajal ta ca'e, ta xloc' ta ye jun espada ti juxbil lec yee, yo' ta syayijesan ti jujun muc'tiquil lume. Co'ol s'elan tsatsal taq'uin, jbel xc'opoj ta spasvan ta mantal. Ti jech mu'yuc xa c'usi x'ech' o ta xa'i yu'un sc'ac'al yo'nton ti Dios ti scotol xu' yu'une, ja' stuc ta st'us ta yacan ti uva oy ta yavile, yo' ta xloc' ti vino ta yac'bel yuch' ti jnaclejetic ta banomil ti ta sta svocolic yu'une.

Apocalipsis 19:21

Ti yane laj yich'ic milel ta espada ti ta xloc' ta ye ti Buch'u cajal ta ca'e. Ech' yo'nton scotol ti mutetic ta sti'bel ti sbec'tal ti buch'u lajic ta milele.

Apocalipsis 2:1

Xi xats'ibabe batel ta stojol ti buch'u sbainoj ti jch'unolajeletic ti oy ta jteclum Efesoe: “Xi ta xal ti Buch'u stsacoj ta sbats'i c'ob ti vucbej c'anale, ti xva'et ta xanav ta o'lol ti bu oy ti vucub yavil cantila meltsanbil ta oroe:

Apocalipsis 2:12

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Pérgamoe: “Xi ta xal ti Buch'u yich'oj ti jich'il espada ti yich'oj cha'jot yee:

Apocalipsis 2:16

Jech o xal un, sutan talel ta stojol ti Diose. Mi mu jechuc ta xapase, ta xital no'ox ta atojol, ta jtsaquic ta contra scotolic ta sventa ti espada ti oy ta que jti'e.

Apocalipsis 3:1

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.

Jueces 3:16

Ja'uc ti Aod une laj smeltsan jun espada ti cha'jot ye yich'oje, ti oy nan o'loluc metro ti snatile, ti xchuquinoj batel ta yolon sc'u' ta sbats'i c'obe.

Jueces 5:31

“¡Jechuc yich' tsutsesbel sc'oplal ti avajcontrae, Dios. Yan ti buch'u c'ux ta xaya'iote, xojobinuc ti yutsilalique jech c'u cha'al xtixixet no'ox xojobal ti c'ac'al ta j'ech'ele!” C'alal ech' taj une, cha'vinic (40) jabil ch'abal c'op ta banomil ti bu taje.