Apocalipsis 1:15 - Bible in Tzotzil de Chamula

¹⁵ Ti yoque xojobin no'ox yutsil jech c'u cha'al ti ch'ulbil tsatsal c'anal taq'uin ti laj yich' ch'ulel ta c'oq'ue. Ti sc'opojel xtoque co'ol s'elan yech'omal epal uc'umetic.

Tzotzil Zinacantan

¹⁵ Li yoque stsꞌaytsꞌon tajmec, coꞌol xchiꞌuc covre yilel cꞌalal cꞌaqꞌuem xa scotol li yicꞌubale. Tsots tajmec chcꞌopoj, coꞌol xchiꞌuc bu xpomomet mucꞌta ucꞌum.

Bible in Tzotzil de Chenalhó with Deuterocanon

¹⁵ Li yacane sts'ayayet jech chac c'u cha'al bronce taq'uin c'alal chic'bil ta horno scotol li yic'ubale. C'alal chc'opoje, ja' jech chac c'u cha'al nojelal uc'um.

Tzotzil San Andres

¹⁵ Li yoque stsꞌaytsꞌun tajmec jech chac cꞌu chaꞌal li cꞌanal taqꞌuin mi cꞌaqꞌuem xa li yicꞌubale. Cꞌalal chcꞌopoje, jaꞌ jech chac cꞌu chaꞌal mucꞌtic yalemoꞌ ti xpomomet tajmec chyal li ucꞌume.

Tzotzil de Huixtán

¹⁵ Ti yacane chquevan hech chaj c'u che'el chquevan cobre taq'uin yu'un ti ilecubtasat xa yu'un ti c'oq'ue. Ti sc'ope ja' hech chaj c'u che'el x'i'et no'ox ti uc'ume mi inoje.

Apocalipsis 1:15 Iomraidhean Croise

Salmos 93:4

Le' une, Cajval, jelavem xu' avu'un ti oyot ta toyole, yan ti syuc'benal vo'e, xchi'uc xvo'o'et no'ox syuc'benal ti nabe, ja' mu sta xu' yu'unic.

Isaías 17:13

Ja'uc le' une, ti c'alal ta stsacatic ta c'op yu'un ti Diose, xc'uletic no'ox batel ta jatobal ta nom, jech c'u cha'al junuc jobel ti bec'bil ta xbat ta nom yu'un ti iq'ue, ti co'ol s'elan jech c'u cha'al ti tomal ch'ix ti chechbil ta xbat yu'un ti sutub iq'ue.

Ezequiel 1:24

Xi s'elan laj ca'i ma' ti xvo'o'et no'ox ta spas xiq'uic c'alal ta xanavique: co'ol s'elan ya'yel jun nojemal uc'um xvo'o'et no'ox ti yech'omale, co'ol s'elan sc'opojel ti Buch'u scotol xu' yu'une, co'ol s'elan epal soldadoetic xnic no'ox yu'unic banomil c'alal ta xanavique. C'alal ta xvechan sbaique, ta syales ti xiq'uique.

Ezequiel 1:7

Lec tuc' xiq'uilic ti yoquique. Ti svoyique jech c'u cha'al svoy ch'in tot vacax ti c'on-c'ontic ta xac' xojobal jech c'u cha'al ti c'anal taq'uin cusbil leque.

Ezequiel 40:3

Yic'ojun batel ti Dios ti bu taje. Laj quil jun vinic co'ol s'elan jun c'anal taq'uin yilel va'al ta ochebal ti'na. Sjopoj jchoj saquil xela, xchi'uc stsacoj jtel te' ta stunes ta sbisobiltac yu'un.

Ezequiel 43:2

Laj quil ta sloq'ueb c'ac'ale, lic talel yutsilal slequilal Dios yu'un ti Israele, ti co'ol s'elan yech'omal jun muc' ta uc'ume, sac jaman com yu'un ti banomile.

Daniel 10:6

Co'ol s'elan xojobal c'anal ton ti xlaplun no'ox sjunul yilele. Yan ti sat yelove, co'ol s'elan jech c'u cha'al xjapluj ti sac tsel ta q'uelele. Ja'uc ti sbec' sataque, co'ol s'elan tiletel toj yilel. Jech ti sc'obtaque, ti yacantaque, co'ol s'elan c'anal taq'uin ta xac' ti xojobale. Jech ti sc'opojele, co'ol s'elan ti ep buch'u xvochet ta j'ech'ele.

Apocalipsis 10:1

Laj quil yan tsatsal ánjel xtoc, ti volibil ta toc yal talel ta vinajele, ti cotol talel vacnac'obal ta sjole, ti xojobin sat jech c'u cha'al ti sat c'ac'ale, ti co'ol s'elan junuc leb c'oc' volibil ti yacane.

Apocalipsis 14:2

Laj ca'i ti oy c'usi xpomomet ta xlic talel ta vinajel ti co'ol to s'elan yech'omal epal uc'um ta xanave, mi jech c'u cha'al yech'omal tsots chauc, mi jech c'u cha'al yech'omal arpa ti yepal no'ox oy buch'u ta stijique.

Apocalipsis 19:6

Laj ca'i xtoc ti oy buch'u yepal no'ox ta xc'opojic ti xvochvun ta j'ech'ele, ti co'ol s'elan yech'omal epal uc'um, mi co'ol s'elan tsots chauc xc'avlajet ti xi ta xalique: “Lequil c'optabiluc ti Diose, yu'un och xa ta spas mantal ti Cajvaltique, ti Dios cu'untic ti scotol xu' yu'une.

Apocalipsis 2:18

Xi xats'ibabe batel ta stojol ti buch'u sbainoj ti jch'unolajeletic oy ta Tiatirae: “Xi ta xal ti Xnich'on Diose, ti Buch'u co'ol s'elan leb c'oc' ti sbec' sate, ti xnobobet yoc jech c'u cha'al ti tsatsal c'anal taq'uin ti ch'ulbil loq'uel yic'obal ta c'oq'ue: