Apocalipsis 1:14 - Bible in Tzotzil de Chamula

¹⁴ Ti stsotsil sjole, sac ta j'ech'el jech c'u cha'al ti saquil tsotse, mi jech c'u cha'al ti saquil bote, co'ol s'elan leb c'oc' yilel ti sbec' sate.

Tzotzil Zinacantan

¹⁴ Li stsatsal sjole sac tajmec, coꞌol xchiꞌuc saquil tsots yilel. Li sbecꞌ sate xleblajet tajmec, coꞌol xchiꞌuc lebcꞌocꞌ yilel.

Bible in Tzotzil de Chenalhó with Deuterocanon

¹⁴ Li sjole xchi'uc li stsotsil sjole sac jech chac c'u cha'al saquil tsots, sac jech chac c'u cha'al tayo. Li jujubej sate xpulpun no'ox jech chac c'u cha'al yat c'oc'.

Tzotzil San Andres

¹⁴ Li stsotsil sjole sac tajmec jech chac cꞌu chaꞌal saquil tsots. Coꞌol schiꞌuc taiv nojtoc. Li jupꞌej sate xleblun tajmec jech chac cꞌu chaꞌal yat cꞌocꞌ.

Tzotzil de Huixtán

¹⁴ Sac ti sjole. Sac ti jyalel hech chaj c'u che'el saquil tsots lec chuc'bil. Ti jujup'ej ti sate, chpulpun no'ox chtil hech chaj c'u che'el yat c'oc'.

Apocalipsis 1:14 Iomraidhean Croise

Daniel 10:6

Co'ol s'elan xojobal c'anal ton ti xlaplun no'ox sjunul yilele. Yan ti sat yelove, co'ol s'elan jech c'u cha'al xjapluj ti sac tsel ta q'uelele. Ja'uc ti sbec' sataque, co'ol s'elan tiletel toj yilel. Jech ti sc'obtaque, ti yacantaque, co'ol s'elan c'anal taq'uin ta xac' ti xojobale. Jech ti sc'opojele, co'ol s'elan ti ep buch'u xvochet ta j'ech'ele.

Daniel 7:9

Mu'yuc jch'ay jliqueluc jsat ta sq'uelel c'alal to c'uxi lic yaq'uic ti jun chibuc ti muc'tic chotlebale, ti ja' jun Mol ti tey tal chotluque. Ti Mol taje, co'ol s'elan saquil bot ti sc'u' slapoje, ti sac mesan no'ox jech c'u cha'al saquil tsots ti stsotsil sjole. Ti xchotlebe, co'ol s'elan leb c'oc' ti scarosaltaque.

San Mateo 28:3

Ti ánjele, co'ol s'elan jech c'u cha'al jun sac tselavel xjaplajet ti xojobale. Ti sc'u'e sts'ayts'un no'ox saquil ta jmec jech c'u cha'al saquil ti bote.

Apocalipsis 19:12

Ti sbec' sate xojobin no'ox jech c'u cha'al leb c'oc'. Yepal no'ox sronail sjol slapoj. Ts'ibabil jun biil xtoc ti ja' no'ox xojtiquin ti stuque.

Apocalipsis 2:18

Xi xats'ibabe batel ta stojol ti buch'u sbainoj ti jch'unolajeletic oy ta Tiatirae: “Xi ta xal ti Xnich'on Diose, ti Buch'u co'ol s'elan leb c'oc' ti sbec' sate, ti xnobobet yoc jech c'u cha'al ti tsatsal c'anal taq'uin ti ch'ulbil loq'uel yic'obal ta c'oq'ue: