Apocalipsis 1:11 - Bible in Tzotzil de Chamula

¹¹ ti xi laj yalbune: —Ti c'u s'elan ta xavile, ts'ibao ta jpoc vun. Taco batel ta stojol ti vuc-chop tsobobbail ti oy ta Asia banomile: ti Efesoe, ti Esmirnae, ti Pérgamoe, ti Tiatirae, ti Sardise, ti Filadelfiae, xchi'uc ti Laodiceae.

Tzotzil Zinacantan

¹¹ Jaꞌ yech liyalbe chac liꞌi: ―Voꞌon ijliques scotol, voꞌon chquilbe slajeb noxtoc. Li cꞌusitic chcacꞌ avile, tsꞌibao ta vun. Tacbo echꞌel li muchꞌutic yichꞌojicon ta mucꞌ ta vucub jteclum tey ta estado Asiae. Jaꞌ li jteclum Efesoe, xchiꞌuc li Esmirnae, xchiꞌuc li Pérgamoe, xchiꞌuc li Tiatírae, xchiꞌuc li Sárdise, xchiꞌuc li Filadélfiae, xchiꞌuc li Laodicéae ―xiyut.

Bible in Tzotzil de Chenalhó with Deuterocanon

¹¹ Jech laj yalbun: “Li c'usi chavile, ts'ibao ta vun. Taco batel ta stojol li vuctsob jch'unolajeletic te oyic ta lum Éfeso, ta Esmirna, ta Pérgamo, ta Tiatira, ta Sardis, ta Filadelfia, xchi'uc ta Laodiceae”, xiyutun.

Tzotzil San Andres

¹¹ Jech liyalbe: ―Joꞌon la jliques scotol, jaꞌ yuꞌun joꞌon ta jneles scotol. Li cꞌustic chacacꞌbe avil liꞌi tsꞌibao ta jun chatacbe echꞌel li buchꞌutic yichꞌojicun ta mucꞌ li ta jucub jteclum li te ta Asia balumile. Jaꞌ li te oyic ta jteclumetic Efesoe, schiꞌuc ta Esmirna, schiꞌuc ta Pérgamo, schiꞌuc ta Tiatíra, schiꞌuc ta Sárdis, schiꞌuc ta Filadélfia, schiꞌuc ta Laodicéae ―xiyut.

Tzotzil de Huixtán

¹¹ Hech laj yalbun: ―Ho'on laj jliques scotol. Ho'on ti hu'tes scotol. Ts'ibao ti hun ti c'u che'el yac'oj sba chacac'bot avil ti ora to yu'un chatacbe batel ti hucchop ti jch'unojeletique ti te oyic ti slumal Asiae. Ja' ti te oyic ti jteclum Efesoe, xchi'uc ti jteclum Esmirnae, xchi'uc ti jteclum Pérgamoe, xchi'uc ti jteclum Tiatirae, xchi'uc ti jteclum Sardise, xchi'uc ti jteclum Filadelfiae, xchi'uc ti jteclum Laodiceae ―xiyutun.

Apocalipsis 1:11 Iomraidhean Croise

Isaías 30:8

La' li'e, ts'ibao ta jpech tenel-te'. Bejano comel lec ta ts'ibabil vun yo' ta sq'uelic ti buch'u ts'acal to ta xtale, ti sbateluc osil mu xlaj ta alilanel ti sc'oplal yu'unique.

Jeremías 30:2

“Ti Ajvalile, Dios yu'un ti Israele, xi ta xale: Ts'ibao ta jpoc vun scotol ti c'usi laj xa calbot ava'ie,

Habacuc 2:2

Jech ti Diose xi laj stac'bun talele: “Ts'ibao ta junuc pech-pech patbil lum ti c'usi ta xlic cac'bot avile, yo' jech xcholet no'ox ta q'uelel.

Hechos 16:14

Oy jun ta scotolic ti sbiinoj Lidiae, liquem talel ta jteclum Tiatira, ja' jun jchon lequil poc' ic'-ic' losantic sba stsajale. Ti jech ta xich' ta muc' Dios ti ants taje, ti ts'etel xchiquin ta ya'yiel ti lequil ach' c'ope, tijbat yo'nton yu'un Dios ta sts'etanel xchiquin ta ya'yiel ti c'u s'elan ta xal ti Pabloe.

Hechos 18:24

Ti jech yorail taje, c'ot ta Efeso jteclum jun israelal vinic ti sbiinoj Apolose, ti liquem talel ta Alejandría jteclume. Ti Apolose xtojob lec ta yalel yu'un xojtiquin lec ti sc'op Diose.

Hechos 20:17

C'alal oyuncutic ta Mileto jteclume, ti Pabloe laj stac ta iq'uel ti jbainej jch'unolajeletic ta Efeso jteclume.

1 Corintios 15:32

Ti mu'yucuc ta xcha'cuxi ti animaetique, ¿c'usi ta jta o yu'un ti laj yilbun jvocol ti buch'u co'ol s'elan jti'oval chonetic oyic ta jteclum Efesoe? Ti mu'yucuc ta xcha'cuxi ti animaetique, ja' oy lec srazonic ti xi ta xalic ti yane: “Ve'cutic, cuch'tic vo' avie, yu'un ti oc'ome, ta xijchamotic.”

1 Corintios 16:8

Li' to ta xicom ta jteclum Efesoe. Ja' to ta xiloc' batel c'alal mi ech' ti q'uin Pentecostese.

Efesios 1:1

Vu'un Pablo, loc' ayan ta yo'nton stuc Dios ti jech lic'ot ta jcholc'op yu'une, ti tacbilun yu'un ti Jesucristoe. Ti vo'oxuc nacaloxuc ta jteclum Efesoe, ta jts'ibaboxuc talel jlic jvun ta atojolic ti vo'oxuc yu'unoxuc xa ti Diose, ti c'otem ta avo'ntonic ta xch'unel ti Cristo Jesuse.

Deuteronomio 31:19

“Avi tana li' une, ts'ibao jcojuc q'uejimol. Chanubtaso ti israeletic yo' jech ta sq'uejintaic ta svinajesel ti sc'oplalic stuquique.

Colosenses 2:1

Sc'an xana'ic ti jpasoj ono'ox tsatsal ta atojolic yo' lec oyoxuque, xchi'uc ta sventa ti c'u yepal oyic ta Laodiceae, xchi'uc ti c'u yepal mu to xiyojtiquinique.

1 Timoteo 1:3

C'alal ta xa xibat ta Macedoniae, laj jc'anbot vocol ti ta xacom li' ta jteclum Efesoe yo' jech ta xapajtsanan ti buch'utic ja' no'ox ta snopben stuquic ti c'usi ta xchanubtasvanique,

Apocalipsis 1:17

C'alal jech laj quile, co'ol s'elan chamem liyal ta lum ta sts'el yoc. Ja'uc ti stuque laj scajan talel sbats'i c'ob ta jtojol ti xi laj yalbune: —Mu xaxi', yu'un vu'unun ti sliqueb spajebe.

Apocalipsis 1:19

Ts'ibao ta jpoc vun ti c'usi laj xa avile, ti c'usi syaquil ta xc'ot ta pasele, xchi'uc ti c'usi ta to xc'ot ta pasele.

Apocalipsis 1:2

Jech ti Juan eque, jamal laj yal scotol ti c'usi laj yile, yu'un ja' rextico yu'un ti sc'op Dios ti laj svinajes ti Jesucristoe.

Apocalipsis 1:20

Le'e, xi smelol ma' ti vucub c'anal ti jtsacoj ta jbats'i c'ob laj avile, xchi'uc ti laj avil ti vucub yavil cantila meltsanbil ta oroe: ti vucbej c'anale, ja' sc'oplal ti buch'u sventainojic ti vuc-chop tsobobbaile. Ti vucub yavil cantile, ja' sc'oplal ti vuc-chop jch'unolajeletique.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,

Apocalipsis 1:8

Ti Cajvaltic Dios ti scotol xu' yu'une, ti ja' ono'ox Dios avi tana li'e, ti ta vo'nee, ti oy sc'oplal ta xtale, xi ta xale: —Vu'un ti sliqueb spajebe.

Apocalipsis 10:4

C'alal laj c'opojic ta c'avlajetel ti vucub chauque, ta ox jtsac ta vun ti c'usi laj yalique, ja'uc le'e, laj ca'i oy buch'u c'opoj talel ta vinajel ti xi laj yalbune: “Mu xatsac ta vun ti c'usi laj yalic ti vucub chauque, ch'an uto, mu'yuc c'usi xaval.”

Apocalipsis 14:13

Va'i un, laj ca'i oy buch'u c'opoj talel ta vinajel ti xi laj yalbune: “Xi tsaco ta vune: ‘Li' ta xlic batel avi tana li'e, ti jun no'ox yutsilic ti buch'utic staoj yav nabalic ta stojol ti Cajvaltic xcham xlajique.’ ” Xi laj yal ti Ch'ul Espiritue: “Jech, tsuts ti yabtelique, ta xa xcux yo'ntonic, yu'un ich'bil c'ot ta venta ti c'u s'elan lec laj spasique.”

Apocalipsis 19:9

Xi laj yalbun ti anjele: “Xi xats'ibae: ‘Yan no'ox yutsilic ti buch'utic ic'bilic ta sq'uelel nupunel yu'un ti jcot ta Uni Chije.’ ” Xi to laj sts'ac batel ti lo'ile: “Taje, ja' sc'op Dios ta melel.”

Apocalipsis 2:1

Xi xats'ibabe batel ta stojol ti buch'u sbainoj ti jch'unolajeletic ti oy ta jteclum Efesoe: “Xi ta xal ti Buch'u stsacoj ta sbats'i c'ob ti vucbej c'anale, ti xva'et ta xanav ta o'lol ti bu oy ti vucub yavil cantila meltsanbil ta oroe:

Apocalipsis 2:12

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Pérgamoe: “Xi ta xal ti Buch'u yich'oj ti jich'il espada ti yich'oj cha'jot yee:

Apocalipsis 2:18

Xi xats'ibabe batel ta stojol ti buch'u sbainoj ti jch'unolajeletic oy ta Tiatirae: “Xi ta xal ti Xnich'on Diose, ti Buch'u co'ol s'elan leb c'oc' ti sbec' sate, ti xnobobet yoc jech c'u cha'al ti tsatsal c'anal taq'uin ti ch'ulbil loq'uel yic'obal ta c'oq'ue:

Apocalipsis 2:24

Ti c'u avepalic nacaloxuc ta Tiatirae, ti mu'yuc xch'unojic c'u s'elan ta xchanubtasvan ti antse, mi ja'uc ta xbat avo'ntonic yu'un ti cajal sc'oplal ta xava'i ti bijubtasel yu'un sc'op ti pucuje, mu'yuc xa c'usi yan mantal ta xcalboxuc ava'iic.

Apocalipsis 2:8

Xi xats'ibabe batel ta stojol ti buch'u sbainoj ti jch'unolajeletic oyic ta Esmirnae: “Xi ta xal ti Buch'u sbainoj ti sliqueb spajebe, ti Buch'u cham cha'cuxie:

Apocalipsis 21:5

Ti Buch'u chotol ta muc' ta chotlebale, xi laj yale: “Vu'un ta jpas ta ach' scotol ti c'usitic oye.” Xi laj yal xtoque: “Tsaco ta vun ti c'op li'e, ja' melel, stac' patel o'ntonal ta stojolal.”

Apocalipsis 22:10

Xi laj yalbun xtoque: “Mu xamuc ti c'usi ta scaj'al ti sc'op Dios tsacbil ta jpoc vun li'e, yu'un po'ot xa sta yorail ta xc'ot ta pasele.

Apocalipsis 22:16

Xi laj yalbun ti Jesuse: “Vu'un Jesús, laj jtac talel caj'ánjel ta xalbe ya'iic ti jch'unolajeletic ta jujun tsobobbail scotol taje. Ti vu'une liquemun talel ta snitilul ti ajvalil Davide. Yu'un co'ol j'elan jech c'u cha'al ti muc' ta c'anal xojobin no'ox ta xloc' talel ta jujun sobe.”

Apocalipsis 3:1

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Sardise: “Xi ta xal ti Buch'u yich'oj ti vuctos stalel ti Ch'ul Espiritue, ti oy ta sc'ob ti vucbej c'anale: Jna' scotol ti c'usi ta xapase. Jna' lec ti chamemote, manchuc mi oy buch'u ta xalic ac'oplal ti ataoj acuxlejal ta stojol ti Diose.

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele:

Apocalipsis 3:4

Manchuc mi jech un, li' ta Sardise oy jlom avu'unic ti mu'yuc sbonoj ta ic'obal ti sc'u'ique, yu'un ti stuquique jun no'ox saquil sc'u'ic ta xchi'inicun ta xanobale, yu'un jech loc' ayan ta yo'ntonic.

Apocalipsis 3:7

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.