Apocalipsis 1:1 - Bible in Tzotzil de Chamula

¹ Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.

Tzotzil Zinacantan

¹ Li vun liꞌi jaꞌ liꞌ tsꞌibabil ti cꞌusitic chlaj taluc ta tsꞌacale ti iꞌalbat yuꞌun Riox ti Jesucristoe. Ti iꞌalbate, voꞌotic xa chiyalbotic ti chitunotic yuꞌune. Yechꞌo ti istac tal ti yajꞌanjele, tal yalbon voꞌon li Juanone, ti chitun yuꞌune.

Bible in Tzotzil de Chenalhó with Deuterocanon

¹ Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Tzotzil San Andres

¹ Li jun liꞌi jaꞌ li cꞌustic iꞌalbat yuꞌun Dios li Jesucristoe ti poꞌot xa chcꞌot ta pasele. Ti jech iꞌalbate, yuꞌun jaꞌ chijyalbutic eꞌuc, joꞌotic ti ta jpasbetic li cꞌustic tscꞌane. Jaꞌ yuꞌun la stac talel li yajꞌangele, tal scꞌoponun, joꞌon li Juanune, joꞌon li ta jpasbe li cꞌustic tscꞌane.

Tzotzil de Huixtán

¹ Avi hun to ja' sc'opilal ti c'usi po'ot xa chc'ot ti pasele ti i'ac'bat sna' ti Jesucristoe yu'un ti Diose. Yu'un ti i'ac'bat sna' ti Jesuse, yu'un hech chijyac'bucutic jna'tic ti ho'ucutic ti chcajvalintique. Hech yu'un laj stac talel ti xch'ul abate, tal sc'oponun ho'on ti Juanune, ho'on ti chi'abtej yu'une.

Apocalipsis 1:1 Iomraidhean Croise

Salmos 25:14

Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

Daniel 8:16

Va'i un, ti tey ta uc'um Ulaie, laj ca'i ti co'ol s'elan jc'opojeltic ya'yel ti xi ta xale: “Ti vinic li'e, Gabriel, albo ya'i c'usi smelol ta xac' ta na'el ti c'usi laj yil ti jech jam ti sba sate.”

Daniel 9:21

C'alal yacalun ta c'opojel ti'inele, jech ti Gabriele, ti laj yac' sba iluc ti c'alal jam jba jsat ta ba'yel to oxe, xvilet no'ox talel ti bu oyune. Nopol xa mu ta yorailuc jech c'u cha'al ti ta xich' ac'bel milbil matanal ti Dios ta sventa ti mal c'ac'ale.

Daniel 9:23

C'alal lic c'opojan ti'inane, tac'bil ac'op c'ot yu'un ti Diose. Jech o xal tal calbot ava'i ti smelole. Yu'un laj ata ti lec c'uxubinbilot yu'un ti Diose. Avi tana une, ts'etano me lec achiquin ta ya'yiel ti xi xcholel ta xavich' albele yo' jech ta xana' c'usi smelol ti c'usi laj avil ti c'alal jam ti aba asate:

Amós 3:7

Mu'yuc c'usi ta spas ti Diose ti mi mu'yuc ba'yel ta xac'be yil ti jtunel yaj'alc'optaque.

San Juan 12:49

Yu'un mu ta jmantaluc no'ox jtuc ti c'u s'elan ta xic'opoje. Ti Jtot ti Buch'u laj stacun talele, ja' ta smantal ti c'u s'elan ta xic'opoje, ti c'u s'elan ta xichanubtasvane.

San Juan 15:15

Ma'uc xa ta xcalboxuc ti mosoviloxuque, yu'un ti mosovile mu sna' c'usi ta spas ti yajvale. Lec xquil jbatic xacutoxuc, yu'un laj xa cac'boxuc ana'ic scotol ti c'u s'elan laj yalbun ti Jtote.

San Juan 17:8

Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

San Juan 3:32

Ta xalbe sc'oplal ti c'usi yiloje, ti c'usi ya'yioj ti bu taje. Ja'uc le'e, mu'yuc buch'u ta xc'ot ta yo'ntonic ti c'usi ta xale.

San Juan 8:26

Oy ep ti c'usi xu' ta xcalboxuque xchi'uc ta xchapaneloxuque, yu'un ti Buch'u laj stacun talele, ja' melel ti c'usi ta xale. Ti c'u s'elan ta xcalbe ya'i ti jnaclejetic ta banomile, ja' ta xcal ti c'u s'elan laj yac'bun jna' ti stuque.

Romanos 16:25

Calbetic slequil Dios ti Buch'u xu' yu'un ta yaq'uel yip avo'ntonic jech c'u cha'al ta xal ti colebal lequil ach' c'op ti vu'un ta xcale, ti ja' sc'oplal ti Jesucristoe. Taje, co'ol xchi'uc ti c'u s'elan snopoj talel ti Dios ti mucul to ox yu'un c'alal mu'yuc to ox meltsajem ti banomile.

Gálatas 1:12

Ma'uc jun vinic laj xchanubtasun, laj yac'bun ca'i. Ja' laj yac'bun jna' stuc ti Jesucristoe.

Efesios 3:3

Ti Diose laj yac'bun quil ti c'usi mu xvinaj to ox ta q'uelel yu'une jech c'u cha'al laj jts'ibaboxuc ta yalel ava'iic ti jbel cha'bel ta jlic jvune.

SUN TITO 1:1

Vu'un Pablo, yaj'abtelun ti Diose xchi'uc yajcholc'opun ti Jesucristoe. Tacbilun yu'un yo' jech ta xquic' talel ti buch'utic t'ujbilique, ti c'otuc ta yo'ntonic ta xch'unel ti Diose yo' jech ta xojtiquinic ti ja' melel ti c'usi jch'unojtique,

Apocalipsis 1:19

Ts'ibao ta jpoc vun ti c'usi laj xa avile, ti c'usi syaquil ta xc'ot ta pasele, xchi'uc ti c'usi ta to xc'ot ta pasele.

Apocalipsis 1:9

Vu'un Juan, jchi'il jbatic, jmoj ta xquich' jvocoltic ta sventa ti jmoj laj jtatic ventainel yu'un ti Diose, xchi'uc jmoj ta xac'botic yip co'ntontic ti Jesucristoe. Ti vu'une tiq'uilun ta chuquel ta Patmos banomil ti joyobtabil ta nab ta sventa ti ta xcal ti ch'ul c'op yu'un Dios ti laj yac'bun jna' ti Jesucristoe.

Apocalipsis 17:1

Jun ta yucubal ti anjele, ti oy ta yoc ta sc'ob ti vucub bise, xi tal yalbune: “La' avil li'e, ta xcac'bot avil c'u s'elan ta xlic stoj smul ti ants ti ta sbolomalin sba ti oy ta ba nabe.

Apocalipsis 19:10

Laj jquejan jba ta yoc ti anjele yo' ta xquich' ta muc', ja'uc le'e, xi laj yalbune: “Mu jechuc xapas, ja' ich'o ta muc' ti Diose. Ti vu'une, naca yajtunelun Dios jech c'u cha'al ti vo'ote xchi'uc ti achi'iltac ti buch'utic jun yo'ntonic ta stojol c'u s'elan yaloj comel ti Jesuse.” Ti tijbil sjol yo'ntonic ti j'alc'opetic ta yalbel sc'oplal ti Jesuse, ja' ta xac' ta na'el stuc ti Jesuse.

Apocalipsis 19:9

Xi laj yalbun ti anjele: “Xi xats'ibae: ‘Yan no'ox yutsilic ti buch'utic ic'bilic ta sq'uelel nupunel yu'un ti jcot ta Uni Chije.’ ” Xi to laj sts'ac batel ti lo'ile: “Taje, ja' sc'op Dios ta melel.”

Apocalipsis 21:2

Ti vu'un Juane laj quil ti ch'ul jteclume, sc'oplal ti ach' Jerusalén ti lic talel ta stojol Dios ti oy ta vinajele. Lec smeltsanoj sba ta j'ech'el jech c'u cha'al junuc jmalijel tseb ta snupel ta be ti slecome.

Apocalipsis 21:9

Tal jun ta yucubal ti anjele, ti oy ta sc'ob ti yucubal sbis noj ta slajeb ti vucub cuxul j'ilbajinvanej vocole, ti xi laj yalbune: “La' li'e, ta xcac'bot avil ti jmalijel tsebe, ja' ti yajnil ti jcot ta Uni Chije.”

Apocalipsis 22:1

Laj taj une, ti anjele laj yac'bun quil jun yaxjipan uc'um ti ta xac' ti cuxlejale. Yax jipan no'ox yutsil ti vo'e, co'ol s'elan jech c'u cha'al junuc nen ta xloc' talel bu chotol ti Diose xchi'uc ti jcot ta Uni Chije.

Apocalipsis 22:16

Xi laj yalbun ti Jesuse: “Vu'un Jesús, laj jtac talel caj'ánjel ta xalbe ya'iic ti jch'unolajeletic ta jujun tsobobbail scotol taje. Ti vu'une liquemun talel ta snitilul ti ajvalil Davide. Yu'un co'ol j'elan jech c'u cha'al ti muc' ta c'anal xojobin no'ox ta xloc' talel ta jujun sobe.”

Apocalipsis 22:6

Ti anjele xi laj yalbune: “Ja' patob o'ntonal ma' ti c'op li'e, yu'un ja' melel. Ti Cajvaltic Diose, ti ja' stuc ta sva'an sba ta yac'bel sna' c'u s'elan ta xc'opojic ti yaj'alc'optaque, laj stac talel ti ánjel ta xac'be yil ti yajtuneltac c'usi jutuc xa sc'an ta xc'ot ta pasele.”

Apocalipsis 22:8

Ti vu'un Juane laj ca'i, laj quil ti va'i s'elan ta xc'ot ta pasele. Ti c'alal jech laj ca'i taje, laj jquejan jba ta yich'el ta muc' ti anjele, ta sventa ti jech laj yac'bun quile.

Apocalipsis 22:9

Ja'uc ti stuque xi laj yalbune: “Mu xapas jech, naca yajtunelun Dios jech c'u cha'al ti vo'ote, xchi'uc ti achi'iltac ta xc'opojic ta sventa ti Diose, xchi'uc scotol ti buch'utic ta xich'ic ta muc' ti c'usi ts'ibabil ta jpoc vun li'e. Ja' quejano aba ta stojol ti Diose.”

Apocalipsis 4:1

Laj taj une, laj jtoy sat, laj quil jamal jun ti'na ta vinajele, ti co'ol s'elan yech'omal snuc' corneta ti laj sc'oponun talel ta ba'yel ti xi laj yalbune: “Muyan talel li'e, yu'un ta xcac'bot avil ti c'usi ts'acal to ta xc'ot ta pasele.”

Apocalipsis 5:7

Ti jcot ta Uni Chije, ja' ba stsac ti balbil vune, ti stsacoj ta sbats'i c'ob ti Buch'u chotol ta muc' ta chotlebale.