3 Juan 1:11 - Bible in Tzotzil de Chamula

¹¹ Mu xatamic ta spasel ti c'usi chopole, Jchi'iltac, ja' pasic ti c'usi oy slequil stuq'uile. Yu'un ti buch'u oy slequil stuq'uil ti c'usi ta spase, ja' liquem talel ta stojol ti Diose. Yu'un ti buch'u yacal ta spasel ti c'usi chopole, mu to xojtiquin ti Diose.

Tzotzil Zinacantan

¹¹ Voꞌot ti jcꞌanojote, ti muchꞌutic chopol li cꞌusitic tspasique, mu me xachanbe. Jaꞌ xachanbe li muchꞌutic lec li cꞌusitic tspasique. Ti muchꞌutic lec li cꞌusitic tspasique, jaꞌ xchꞌamaltac Riox. Yan ti muchꞌutic chopol li cꞌusitic tspasique, yuꞌun mu to chichꞌic ta mucꞌ ti Rioxe.

Bible in Tzotzil de Chenalhó with Deuterocanon

¹¹ Vo'ot ti lec jc'anojote, mu me ja'uc xachan li c'usi chopol ta pasele. Ja' chano li c'usi leque. Li boch'o lec c'usi ta spasique ja' xnich'nab Dios. Yan li boch'o chopol c'usi ta spase mu xotquin li Diose.

Tzotzil San Andres

¹¹ Joꞌot ti cꞌuxot ta coꞌone, mu me jaꞌuc xachanbe li buchꞌu chopol li cꞌustic tspase. Jaꞌ me xachanbe li buchꞌu lec cꞌustic tspase. Scotol li buchꞌutic ti lec li cꞌustic tspasique, jaꞌ snichꞌnab Dios. Yan li buchꞌu chopol li cꞌustic tspase, yuꞌun mu xojtaquin li Diose.

Tzotzil de Huixtán

¹¹ Ho'ot ti c'uxot ti co'ntone, mu me xapas hech, yu'un chopol. Ja' xapas ti c'usi leque. Scotol ti much'utic tspas ti c'usi leque, ja' snich'on Dios obi. Ti much'u chopol ti c'usi tspase, ja' mu xojtiquin ti Diose.

3 Juan 1:11 Iomraidhean Croise

Salmos 34:14

Mu xatam ta spasel ti c'usi chopole; paso ti c'usi oy slequil yutsile, ta stamel batel ti junuc avo'ntone, mu xavicta aba un.

Salmos 37:27

Ch'aco aba ta stojol ti c'usi chopole, paso ti c'usi leque, ta xata ta j'ech'el bu ta xacux avo'nton.

Éxodo 23:2

“Mu xachan ta sts'acliel mi ja' yepal ti co'ol chopol sjolique. “C'alal ta xa'ich'bat ave ati' ta xchapel ti c'usitic aviloj lec atuque, ma'uc me ti xasutes ave ta scoj ti ja' yepal ti jvoq'ue, ti tey xa no'ox ts'ijil ta xacom ti c'alal xana' lec ti naca jutbile.

Proverbios 12:11

Ti buch'u ta xabtelan ti yosil sbanomile, sta no'ox ti sve'el yuch'ome, ja'uc ti buch'u mu sventauc sbae, mu ch'ayob c'ac'al xal ti bu stamoj batele.

San Juan 10:27

Ti jchijtaque ta xa'iic ti jc'opojele, xcojtiquinic ec un, ta xists'acliicun.

San Juan 12:26

Mi oy buch'u ta xac' sba ta tunel cu'une, ac'o sts'acliun batel. Ti buyuc no'ox oyune, tey oy ec ti buch'u ta xac' sba ta tunel cu'une. Ti buch'u ta xac' sba ta tunel ta jtojole, ich'bil ta muc' yu'un ti Jtote.

San Juan 3:20

Scotol ti buch'utic ta spasic ti c'usi chopole, xti'et sjolic yu'un ti luze. Mu sc'an xnopajic ta stojol ti luze yo' mu xvinajesbatic ti c'usi chopol ta spasique.

1 Corintios 11:1

Ti vo'oxuque, pasic jech c'u cha'al ti c'u s'elan ta jpase. Ti vu'un eque ja' yacalun ta spasel jech c'u cha'al laj spas ti Cristoe.

1 Corintios 4:16

Jech un cha'e, ta jc'anboxuc vocol ta atojolic, pasic jech c'u cha'al ta jpase.

Efesios 5:1

Ti vo'oxuc xnich'naboxuc ti Dios ti c'uxubinbiloxuc yu'une, ac'beic yipal ta spasel jech c'u cha'al ti stuque.

Filipenses 3:17

Jchi'iltac, pasic jech c'u cha'al c'u s'elan ta jpas ta xavilique. Tuc'ulano avilic lec ti buch'utic yacal ta spasel ti c'u s'elan laj cac'becutic yilique.

1 Tesalonicenses 1:6

Jech ti vo'oxuque laj achan co'ntoncutic xchi'uc laj achanbeic yo'nton ti Cajvaltique. Manchuc mi yepal no'ox ti avocolique, xamuyubajic no'ox ta sventa ti laj yac'boxuc avipic ti Ch'ul Espíritue.

1 Tesalonicenses 2:14

C'alal laj avich'ic ilbajinel yu'un ti avinquilelique, Jchi'iltac, jech c'ot ta atojolic jech c'u cha'al ti buch'utic c'otemic ta yu'untac Dios ti oyic ta Judeae, ti ja' yu'untac ti Cristo Jesuse, yu'un laj yich'ic ilbajinel ec yu'un ti xchi'iltac ja' ti israeletique.

2 Timoteo 3:10

Ja'uc ti vo'ote, ja' atamoj batel ta spasel ti c'u s'elan lichanubtasvane, ti c'u s'elan ti jcuxlejale, ti c'u s'elan jnopoje, ti c'u s'elan c'otem ta co'nton ta xch'unele, ti c'u s'elan oy smuc'ul co'ntone, ti c'u s'elan oy syail xc'uxul co'ntone, ti c'u s'elan oy yipal cu'un ta sts'iquel ti vocole,

Hebreos 6:12

Mi ja'uc ta jc'ancutic ti ta xach'ajubic ta bee. Ja' tamic ta spasel jech c'u cha'al ti buch'utic c'otem ta yo'ntonic ta xch'unel ti ta ono'ox xc'ot ta pasel ta yich'el ti smotonic ti albilic yu'un ti Diose, ti mu xchibaj ta smalaele.

1 Pedro 3:11

Q'uejo abaic ta stojol ti c'usi chopole. Ja' pasic ti c'usi leque. Ac'beic yipal ta stamel batel ti slamajemal avo'ntonique.

1 Pedro 3:13

¿Mi oy la buch'u c'usi chopol ta spasboxuc mi vo'oxuc avac'ojbeic yipal ta spasel ti c'usi leque?

1 Juan 2:29

Ti vo'oxuque xana'ic lec ti oy stuq'uil yutsil yo'nton ti Jesucristoe. Sc'an ta xana'ic xtoc, scotol ti buch'utic oy slequil stuq'uil ti c'usi ta spasique, ja' xnich'nabtac ti Diose.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.

1 Juan 4:1

Jchi'iltac, mu xach'unbeic scotol ti ta xalic ti ja' liquem talel ta stojol ti Diose. A'yibeic yo'nton ba'yel yo' jech ta xvinaj mi ja' Ch'ul Espíritu yu'un Dios ti oy ta stojolique, mi ma'uc. Yu'un ti banomil avi tana li'e, nojem ta epal jutc'opetic.