3 Juan 1:10 - Bible in Tzotzil de Chamula

¹⁰ Jech o xal c'alal mi lic'ot teye, ta xcalbe ya'i ti Diotrefese c'u cha'al ta xislo'iltauncutic, c'u cha'al ta xisjutbun jmulcutic. Ma'uc no'ox taje, yu'un mu xich' ta muc' ti jch'unolajeletic ti buch'utic ta x'ech' ta atojolique. Ja' jech xtoc mi oy to buch'u ta x'ic'van ochel ti jch'unolajeletique, ta xmacbat yo'ntonic yu'un ti Diótrefese, xchi'uc ta xjipatic loq'uel ta tsobobbail.

Tzotzil Zinacantan

¹⁰ Yechꞌo un mi liyule, ta jacꞌbe cꞌu yuꞌun ti mu xiyichꞌoticotic ta muqꞌue, cꞌu yuꞌun ti chisloꞌiltaoticotique. Pero maꞌuc noꞌox ti mu xiyichꞌoticotic ta muqꞌue, mu xotes ta sna noxtoc ti muchꞌutic chalic aꞌyuc li scꞌop Rioxe ti liꞌ ch-echꞌique. Ti muchꞌutic lec yoꞌonique ti ta xꞌotesvanic ta snaique, ta spajes. Mi mu xchꞌunique, ta snuts o loqꞌuel ta templo.

Bible in Tzotzil de Chenalhó with Deuterocanon

¹⁰ Ja' yu'un c'alal me litale, ta xcalbe ya'ay ti chopol c'usi tspase, yu'un chopol chalilan batel jc'oplalcutic. Mu xu' o cha'ay ti jech ta spase. Mu xic' ochel noxtoc li jch'unolajeletic te chc'otique. Li boch'otic ta xotesique ta spajes noxtoc, xchi'uc ta snutsan loq'uel ta stojol jch'unolajeletic.

Tzotzil San Andres

¹⁰ Ta sventa ti jech tspase, mi libate, chcalbe yaꞌi ti chopol li cꞌusi chispasbuncutique, yuꞌun chopol chal jcꞌoplalcutic. Pero maꞌuc noꞌox ti mu xijyichꞌcutic ta muqꞌue, mu xotes ta sna nojtoc li yajtuneltac li Dios li te ch‐echꞌique. Li buchꞌu tscꞌan chotes ta snae tspajes. Li quermanotactic ti chotesic ta sna li yajtuneltac li Diose, li Diótrefese mu xa xacꞌ xꞌochic o ta chꞌulna.

Tzotzil de Huixtán

¹⁰ Hech yu'un mi nitale, chcac'be sna' ti chopol ti c'usi chispasbuntutique yu'un chopol chiyalbuntutic jc'opilaltutic. Ma'uc no'ox ti mu xispasun ti muq'ue, ja' mu xic' ochel ti sna ti much'utic ch-ech' q'uelatuc yu'une. Ja' tspajes ti much'u tsc'an chic' ochel ti sna ti quermanotique ti te oyic uque. Ti quermanotique ti laj yic' ochel ti sna, hech yu'un ja' chtenat loq'uel ti templo yu'un ti Diótrefese yu'un ti laj yic' ochel ti snae.

3 Juan 1:10 Iomraidhean Croise

Proverbios 10:10

Ti buch'u quemel no'ox ti sate, muc'tic no'ox ti c'usi chopol ta xc'ot ta pasel yu'une; ti buch'u oy ta ye ta sti' ta yalel ti c'usi chopole, ta sta svocol xchi'uc.

Proverbios 10:8

Ti buch'u oy sbijile, ta xc'ot lec ta yo'nton ti tojobtasele, ja'uc ti buch'u oy ta ye ta sti' ta yalel ti c'usi chopole, ta sta svocol xchi'uc.

Isaías 66:5

Ts'et chiquintao ava'iic sc'opojel ti Diose. Xi ta xal ta atojol ti ta xavich'beic ta muc' ti sc'ope: “Oy jlom avinquilelic ti xti'et sjolique, ti ilbajinbiloxuc yu'un ta sventa ti xavocoletic ta jtojole, xi ta xalique: ‘Quere, jq'uel xa me ca'i ma' ti yutsilal slequilal ti Dios une. Jq'uel xa me ca'i ti xmuyubajique.’ Ja'uc le' une, ta xc'otic ta j'ac'-lo'il-maxil.

San Lucas 6:22

“Yan yutsil ti vo'oxuc c'alal contrainbiloxuque, c'alal tacbiloxuc loq'uele, c'alal ilbajinbiloxuque, c'alal chopol c'optabil abiic ta jventa ti co'ol j'elantique.

San Juan 9:22

Ti jech laj yal ti stot sme'e ta scoj xi'el. Yu'un ti j'abteletic yu'un ti israeletique laj xa scomonop sc'opic ti buch'uuc no'ox ta xal ja' Cristo ti Jesuse, ta xtenat loq'uel ta ch'ulna yu'unic.

Hechos 1:15

Ti jech ta stsobilan sbaique, va' xi liquel ti Pedro ta yalel ti c'op ta stojol ti jch'unolajeletic ti nopol van vacvinic (120) ta vo' oyique, ti xi laj yale:

2 Corintios 13:2

Ti c'alal ay jq'ueloxuc ta xcha'cojale, laj ono'ox calboxuc ava'iic c'usi ta xc'ot ta pasel ta atojolic. Avi tana li'e, ac'o mi nom oyun, ta jcha'alboxuc ti xichi ono'ox laj calboxuc ava'iique: Scotol ti buch'u vo'ne xa sa'sun ta sa'el ti smule xchi'uc ti buch'utic chlic sa' ti smulique, laj to ta alel ta xich' c'uxubinel.

Gálatas 6:10

Jpastic tsatsal ta spasel ti c'usi lec ta stojol scotol ti yane. Ja'uc ech'em tsots sc'oplal, jpastic ta stojol ti co'ol jchi'il jbatic ta xch'unele.

1 Timoteo 5:13

Ma'uc no'ox taje, yu'un ja' no'ox ta spasic ti bu xva'vunet ta jujubej naetic ti ta xlic ch'ajubicuque. Ma'uc no'ox ti ta xch'ajubique, yu'un ta xjoybijic ta jbolesej-c'opetic. Yu'un ta xba stic' sbaic ti bu ma'uc sventaique, ti mu'yuc smelol ti c'usiuc no'ox ta sbol alique.

2 Juan 1:10

Mi oy buch'u ta svu'lanoxuc ta anaic ti mu co'oluc ta xal ti c'u s'elan chanubtasvan ti Cristoe, mu xavac' ochuc ta yut anaic, mi ja'uc xavich' ta muc'.

2 Juan 1:12

Yepal no'ox ti oy c'usi ta jc'an ta xcalboxuc ava'iique, ti ma'uc xa ta vun ta jts'iba talele. Yu'un jpatoj co'nton ta xtal jq'ueloxuc yo' ta jchi'in jbatic ta lo'il, yo' jech xijmuyubaj jcotoltic.

3 Juan 1:3

Ximuyubaj xa c'alal oy buch'u vul yalbeicun jun chib jchi'iltic ti staoj yav c'otem ta avo'nton ta xch'unel ti bu ja' melele.

3 Juan 1:5

Toj lec ta xatun ti jech avac'oj aba ta tunel ta stojol ti jch'unolajeletic ti oy ta atojole, xchi'uc ti buch'utic buyuc no'ox ta xtalic ta nome.