2 Juan 1:3 - Bible in Tzotzil de Chamula

³ Ti Jtotic Diose xchi'uc ti Cajvaltic Jesucristo Xnich'on ti Jtotic Diose, ac'o sva'an sba ta atojolic ta yac'beloxuc ti slequilal yutsilale, xchi'uc ti slamajemal avo'ntonique, ti jech oy ta atojolic ti bu ja' melele, xchi'uc ti syail xcuxul avo'ntonique.

Tzotzil Zinacantan

³ Ti achꞌunojic li scꞌop Rioxe, ti acꞌanoj abaique, acꞌu yacꞌboxuc crasia ti Jtotic Riox ta vinajele xchiꞌuc ti Cajvaltic Jesucristoe, jaꞌ ti Xchꞌamale. Acꞌu xcꞌuxubinoxuc. Junuc me avoꞌonic, mu me cꞌusi xal avoꞌonic.

Bible in Tzotzil de Chenalhó with Deuterocanon

³ Ac'o xc'uxubinoxuc li Dios Totile, xchi'uc li Jesucristoe, ja' li Xnich'on Jtotic Diose. Ac'o spasboxuc o ta jun avo'ntonic ta sventa li c'usi melele xchi'uc ta sventa ti jc'anoj jbatique.

Tzotzil San Andres

³ Yuꞌun ti jchꞌunojtic o li scꞌop Dios ti jaꞌ melele schiꞌuc ti cꞌux chcaꞌi jbatique, jaꞌ yuꞌun chijyacꞌbutic ep slequilal yutsilal li Jtotic Diose schiꞌuc li Cajvaltic Jesucristoe, jaꞌ li Snichꞌon li Jtotic Diose. Chiscꞌuxubinutic, chispasbutic ta jun coꞌontic li jujunutique.

Tzotzil de Huixtán

³ Mi ti jch'untic ti c'op ti ja' melele, mi chijc'uxubinvane, hech yu'un chijyac'bucutic bendición ti Jtotic Diose xchi'uc ti Jesucristoe, ja' ti Snich'on ti Jtotic Diose. Chixc'uxubinucutic, ja' chijyac'bucutic jun co'ntontic ti jujunucutique.

2 Juan 1:3 Iomraidhean Croise

Zacarías 8:19

“Ta xjoybij liquel ta muyubajel sc'oplal ti ictaej vaj c'alal ta xc'ot sc'ac'alil ti jujun chanchan (4) ue, ti yo'obal (5) ue, ti yucubal (7) ue, ti slajunebal (10) ue. Ta xc'ot liquel ta q'uin ta smuyubajel yo'ntonic snitilultac ti Judae. ¡Ja' yu'un un cha'e, oyuc ta avo'ntonic ti bu ja' melele, xchi'uc ti lamajem ti c'op avu'unique!”

Romanos 1:7

Jech o xal ta jts'ibaboxuc talel jvun ti li' nacaloxuc ta Romae, ti c'uxubinbiloxuc yu'un ti Diose, ti t'ujbiloxuc yo' xac'otic ta yu'untaque. Ich'beic slequilal yutsilal yo'nton ti Jtotic Diose xchi'uc ti Cajvaltic Jesucristoe, lamajemuc avo'ntonic.

Gálatas 5:6

Yu'un ta stojol ti Cristo Jesuse, ma'uc tsots sc'oplal mi ich'bil circuncisión, mi mu'yuc. Ti tsots sc'oplale, c'otuc ta o'ntonal ta xch'unel ti Cajvaltique, ti vinajuc oyuc ti syail xc'uxul o'ntonal ta sventa ti yacal ta x'abtej ti oy c'usi c'otem ta o'ntonal ta xch'unele.

1 Timoteo 1:14

Mu no'ox albajuc yepal laj xc'uxubinun ti Cajvaltique, yu'un laj stic' sba ta jtojol yo' c'ot ta co'nton ta xch'unel, xchi'uc col no'ox yalbotic ti Cristoe ti laj yac'botic ti syail xc'uxul co'ntontique.

1 Timoteo 1:2

Ta jts'ibabot talel jvun ta atojol, Timoteo, ti bats'i jnich'onot ta sventa ti co'ol c'otem ta co'ntontic ta xch'unel sc'op ti Cajvaltic ti laj calbote. Ta jc'an ac'o sva'an sba ta atojol ti Jtotic Diose xchi'uc ti Cajvaltic Jesucristoe, ti ac'o xc'uxubinote, ti ac'o yac'bot ti slajemal yo'nton ta atojole.

2 Timoteo 1:13

Jech xachanubtasvan o jech c'u cha'al ti lequil chanubtasel laj cac' avile. Staojuc o yav avo'nton xtoc ti c'otemuc ta ch'unel avu'un ti Cajvaltique, ti oyuc syail xc'uxul avo'nton ti jtaojtic ta sventa ti oyotic ta stojol ti Cristo Jesuse.

1 Juan 4:10

Ti syail c'uxul o'ntonale, xi s'elane: yu'un ma'uc vo'otic ba'yel c'ux laj ca'itic ti Diose, yu'un ja' stuc ba'yel laj xc'uxubinotic ta sventa ti laj stac talel ti Xnich'one, yo' jech ta jtatic ti ch'aybil ta xc'ot ti jmultic ta sventae.

2 Juan 1:1

Ti mol jtunelune ta jts'ibabot talel ti jvun li'e, ti vo'ot xchi'uc ti avalabe, ti t'ujbiloxuc yu'un ti Diose. C'uxoxuc ta co'nton ta j'ech'el. Ma'uc no'ox ti vu'une, ja' jech xtoc, c'ux ta xa'ioxuc ti buch'utic laj xa yojtiquinic ti bu ja' melele.