1 Juan 5:3 - Bible in Tzotzil de Chamula

³ Ti jech c'ux ta xca'itic ti Diose, ja' smelol ta xich' ch'unbel ti smantale, yu'un ti smantaltaque mu vocoluc ta ch'unel.

Tzotzil Zinacantan

³ Mi jcꞌanojtic ti Rioxe, ta jchꞌunbetic smantal. Mu vocluc ta jchꞌuntic.

Bible in Tzotzil de Chenalhó with Deuterocanon

³ Me jc'anojtic o li Diose, ta jch'unbetic li smantaltaque. Mu'yuc tsots ta ch'unbel chca'itic li smantaltaque.

Tzotzil San Andres

³ Yuꞌun mi oy ta coꞌontic li Diose, ta jchꞌunbetic li smantaltaque. Mu xa vocluc ta chꞌunel chcaꞌitic li smantale yuꞌun oy ta coꞌontic li Diose.

Tzotzil de Huixtán

³ Yu'un mi c'ux chca'itic ti Diose, ti jch'umbetic smantal. Mu vocoluc chca'itic ti jch'umbetic ti smantale yu'un ti c'ux chca'itique.

1 Juan 5:3 Iomraidhean Croise

2 Reyes 18:6

Staoj yav jun yo'nton snabanoj sba ta stojol ti Diose. Mi ja'uc laj xch'ac sba ta stojol. C'ot ta pasel yu'un smantaltac ti Dios ti albil comel ti Moisese.

Salmos 119:140

Ti tsots vocoletic laj vuluc ta loq'uele, vinaj ti tsalbil c'ot ta sventa ti c'usi avaloj ta xapase, ja' yu'un un, mu ictabaj ta xa'i ti avajtunel li'e.

Salmos 119:45

Ja' to jech mu'yuc c'usi jna' ta xicuxi, yu'un jtamoj batel ta spasel ti c'usitic nopbil avu'une.

Éxodo 20:6

Ja' no'ox un, mu'yuc spajeb ta jc'uxubinan ti buch'utic c'ux ta xiya'iique, ti ta xc'ot ta pasel yu'unic ti jmantaltaque.

Proverbios 3:17

Mi tambil batel ti c'usi ta xale, jun yutsil ta j'ech'el; mi tambil batel bu ta x'ic'van batele, ch'iel c'opojel xal unbi.

Daniel 9:4

Xi s'elan xcholet lic cal ti lic'opoj liti'in ta stojol ti Ajvalil Dios cu'une: “Cajval, muc'ul Diosot, jelavem xu' avu'un, ta ono'ox xc'ot ta pasel avu'un ti c'usi loq'uem ta ave ati'e. Ta xavac' ta ilel ti syail xc'uxul avo'nton ta stojolic ti buch'uuc c'ux ta xaya'ie, ti ta xc'ot ta pasel yu'unic ti amantaltaque:

Miqueas 6:8

Uni vinic, xi s'elan albilot yu'un Dios ti smalaoj ac'o apas ti leque: Baino a spasel ti lequil chapanele, ti junuc avo'ntone, xchi'uc ti biq'uituc xavac' aba ta yich'el ta muc' ti Dios avu'une.

San Mateo 23:4

Mu no'ox albajuc yalal ti icatsil ta xaq'uic ti mu'yuc buch'u xlic yu'une. Naca xac'beic no'ox yicatsin ti yane. Mi ja'uc juteb ta stic' sc'obic ta yiquel icatsil ti stuquique.

San Juan 14:15

“Mi c'ux ta xava'iicune, ta xach'unic ti jmantal unbi.

San Juan 15:10

Mi ta xavich'ic ta muc' ta xch'unel ti jmantale, oy ta atojolic ti syail xc'uxul co'ntone, jech c'u cha'al ta jch'unbe smantal ti Jtote, staoj yav oy ta jtojol ti syail xc'uxul yo'ntone.

San Juan 15:14

Mi ta xapasic ti c'usi ta xcalboxuque, lec xquil jbatic.

Romanos 7:12

Ti oy c'usi tsots albil sc'oplale, ch'ul mantal ono'ox. Ti yan mantal xtoque, ech'em yutsil, ech'em stuq'uil, ch'ul mantal ono'ox.

Romanos 7:22

Ti ta yut co'ntone, lec ta xca'i ti smantal Dios ti oy c'usi tsots albil sc'oplale.

Deuteronomio 5:10

Ac'o mi jech un, ja' no'ox ti mu'yuc spajeb sbatel osil ta jc'uxubinan ti buch'utic mu xituch' ta yo'ntonique, ti ta xc'ot ta pasel yu'unic ti jmantaltaque.

Deuteronomio 7:9

Ja' yu'un un cha'e, t'abuc lec ta avo'ntonic ti Dios ti ja' Ajvalil avu'unique, ja' ti bats'i Dios ti jbel sc'oplal ta xc'ot ta pasel yu'un ti strate ta stojol ti jaylajun-chop totil me'il chlaj ech'icuque, ta sventa ti buch'utic mu tuch'baj ta o'ntonal ta xa'iique, xchi'uc ti ta xch'unbat ti smantaltaque.

Hebreos 8:10

C'alal ta xc'ot sc'ac'alile, ta xcac'beic ach' trate ti israeletic jech c'u cha'al li'e: Ta jtic'be ta sjolic ti jmantale, xchi'uc ta jts'ibabe ta yo'ntonic. Ta xic'ot ta Dios yu'unic, jech ti stuquique ta xc'otic ta calab jnich'nab.

1 Juan 2:3

Mi ta jch'unbetic smantal ti Diose, jna'tic lec unbi ti xcojtiquintic leque.

2 Juan 1:6

Ti syail xc'uxul o'ntonale, ja' ti yich'uc xch'unel ti c'u s'elan ta xal smantaltac ti Diose. Ti mantale, ja' ono'ox ti xi laj ava'iic talel ta sliquebale: oyuc ti syail xc'uxul avo'ntonique.