1 Juan 5:16 - Bible in Tzotzil de Chamula

¹⁶ Mi oy buch'u ta xil ti oy jun xchi'il ti yacal ta sa' smul ti ma'uc sventa ch'ayele, c'oponbeic Dios ta stojol yo' jech ta x'ac'bat xcuxlejal yu'un ti Dios ti buch'ue, ti mi ma'uc jun mulil sventa ch'ayele. Oy mulil ti ta x'ac'van ta ch'ayele. Ma'uc ta xcal ti ta xac'oponbeic Dios ta stojole.

Tzotzil Zinacantan

¹⁶ Mi oy bu iquiltic chopol cꞌusi tspas junuc jchiꞌiltic ta xchꞌunel li scꞌop Rioxe, mi maꞌuc to tspas li mulil ti chꞌabal pertonale, jcꞌoponbetic Riox. Ti Rioxe chacꞌ cuxluc ta sbatel osil. Yan mi jaꞌ tspas li mulil ti chꞌabal pertonale, mu xcal ti ta jcꞌoponbetic Rioxe.

Bible in Tzotzil de Chenalhó with Deuterocanon

¹⁶ Me ta xquiltic ti oy jchi'iltic ta spasilan c'usi chopol ti ma'uc to sventa ch'ayele, ja' sc'an ta jc'opanbetic Dios ta stojol, jech ch-ac'bat xcuxlejal yu'un Dios me ma'uc to sventa ch'ayel li mulil tspase. Yu'un oy mulil ti ja' sventa ch'ayele. Ta sventa le'e, mu'yuc chacalboxuc ti ac'o ac'opanbeic Dios ta stojole.

Tzotzil San Andres

¹⁶ Mi oy chquiltic ti chopol li cꞌusi tspasulan jun quermanotic ti mu ta chꞌayeluc chbat oe, jaꞌ scꞌan acꞌo jcꞌoponbetic Dios ti acꞌo yicta li cꞌusi chopol tspase. Li Diose chacꞌ chcuxi sbatel osil. Yan ti mi jaꞌ tspasulan li cꞌusi chopol ti ta chꞌayel chbat oe, muc bu chacalbeic ti acꞌo xacꞌoponbeic Dios ta stojole.

Tzotzil de Huixtán

¹⁶ Mi oy quermanotic yac'oj sba tsa' smul chavilic, mi mu yu'unuc ja' stamoj o ti sbelal ch'ayele, ja' chac'opombeic Dios ti stojol. Hech ta to x'ac'bat xcuxlejal sbatel osil. Mi yu'un stamoj o ti sbelal ch'ayele, ma'uc chacalboxuc yu'un chac'opombeic Dios ti stojol.

1 Juan 5:16 Iomraidhean Croise

Génesis 20:17

Jech ti Abrahame lic sta ta c'oponel ti Diose. Jech ti Dios xtoque laj scoles ti Abimeleque xchi'uc ti yajnile. Ja' jech xtoc laj scolesbe ti sme' mosovtaque yo' jech xu' ta xlic alajicuc.

Génesis 20:7

Ja'uc avi tana le' une, ac'bo sutel yajnil ti vinique, yu'un ja' jun j'alc'op ti stuque. Ta xc'opoj xti'in ta sc'anel vocol ta jtojol yo' jech ta to xach'i xac'opoj. Yan mi mu xavac'be sutel ti yajnile, ti vo'ote xchi'uc ti c'u yepal achi'uc ta nacleje, j'ech'el ta xachamic.”

Salmos 106:23

Laj yal ti Diose ti j'ech'el ta stsutsesbe ti sc'oplale. Ti Moisés ti t'ujbil yu'une, laj to spac sutel ti c'ope, lamaj sc'ac'al yo'nton ti Diose, laj spajes sba, mu'yuc stsutses.

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Jeremías 11:14

Ja' yu'un un, Jeremías, mu xatic' aba ta c'opojel ta ti'inel ta sventa ti jteclumetic li'e. Ma'uc me ti utsuc xa xava'an aba ta c'opojel ti'inel ti xavocolet ta sc'anel ti spojelique. Yu'un mu'yuc ta jtac'beic sc'opic ti c'alal ta sc'anic coltael ti ta xvul ta loq'uel ti cuxul j'ilbajinvanej j'ac'-vocole.

Jeremías 14:11

Ti Dios une xi laj yalbune: “Mu xac'anbun vocol ta sventa slequilal ti jteclum li'e.

Jeremías 7:16

“Ti vo'ote, Jeremías, mu xac'opoj xati'in yu'un ti jteclum li'e. Mi ja'uc xavocolet xa xaquejelet xa yu'un ta sventaic. Mu xasuj aba, yu'un mi ja'uc ta jtac'bot ti ac'ope.

Ezequiel 22:30

Laj xa jsa'ilan ta stojol ti jnaclejetique, ti oyuc buch'u spac ti c'op ta sventa ti muc' ta lume, ti oyuc to buch'u xet'es ti c'op ta jtojol yo' mu jtubbe ti sc'oplalique. Mu'yuc bu laj jta un.

Números 12:13

Va'i un, ti Moisese xi xvocolet laj yalbe ti Diose: “Avocoluc, Ch'ul Dios, ta jc'anbot ti abolajan ta xpoxtaele.”

Números 15:30

“Yan mi oy jun ti yolobaj laj sa' ti smule, mi ja' israel, mi ja' jyanlum, laj soquesbun ti co'ntone. Va'i un, ti buch'u taje, tenbil ta xloc' ta stojol ti xchi'iltaque.

San Lucas 12:10

“Ta xch'aybat smul yu'un Dios ti buch'uuc no'ox ta xchopol-c'opoj ta jtojol ti vu'un co'ol j'elantique. Ja'uc ti buch'u chopol ta xc'opoj ta stojol ti Ch'ul Espiritue, mu cha'beluc xch'aybat ti smule.

San Juan 17:9

“Avocoluc ta jc'ubanbot ta atojol ti buch'utic laj avac'bune. Ma'uc ta jc'ubanbot ta atojol ti buch'utic lec xa'i ti sba banomile. Ja' ta jc'ubanbot ta atojol ti buch'utic laj avac'bune, yu'un ja' avu'untac.

2 Timoteo 4:14

Ti jten-taq'uin Alejandroe toj chopol ta j'ech'el ti c'usi laj xa spasbune. Tojbatuc yu'un Cajvaltic ti c'usi laj xa spase.

1 Juan 5:17

Scotol ti c'usi mu'yuc smelol stuq'uil ta xich' pasele, mulil ono'ox. Oy mulil ti mu x'ac'van batel ta ch'ayele.

1 Samuel 12:19

Jech o xal un, scotolic xi laj yalbeic ti Samuele: —C'anbo vocol ti Dios avu'un ta sventa ti avajtuneltac li'e yo' jech mu xichamcutic. Yu'un laj to cac'becutic xchi'il ti jmulcutic ti c'alal laj jc'ancutic ti ajvalil ti c'alal oy xa ono'ox ti jmulcutique.

1 Samuel 2:25

Mi oy buch'u ta xjelav ta stojol ta yilbajinel ti yane, xu' to ta xpojat yu'un ti Diose. Ja'uc ti buch'u ta soquesbe yo'nton ti Diose, ¿buch'u xa la ta xpojat yu'un?” Ja'uc ti stuquique mu'yuc laj yich'ic ta muc' ti va'i s'elan albat yu'un ti stotique, ja' ti chapbil xa sc'oplal ta xch'aybat sts'unubalic yu'un ti Diose.