1 Juan 5:10 - Bible in Tzotzil de Chamula

¹⁰ Ti buch'u ta xc'ot ta yo'nton ta xch'unel Xnich'on ti Diose, toj c'otel ta yo'nton ta xch'unel ti c'u s'elan yaloj ti Diose. Ti buch'u mu xc'ot ta yo'nton ta xch'unel ti c'u s'elan yaloj ti Diose, ta sbis ta jun jutc'op, yu'un mu xc'ot ta yo'nton ta xch'unel ti ja' stuc Dios laj sva'an sba ta rextico ta yalbel sc'oplal ti Xnich'one.

Tzotzil Zinacantan

¹⁰ Mi jchꞌunojtic ti jaꞌ istoj jmultic ti Jesuse, jnaꞌojtic ti jaꞌ Xchꞌamal ti Rioxe. Mi mu jchꞌuntique, jaꞌ coꞌol xchiꞌuc jnopcꞌop yaꞌel ti Rioxe yuꞌun mu jchꞌuntic cꞌu xꞌelan yalojbe scꞌoplal ti Xchꞌamale.

Bible in Tzotzil de Chenalhó with Deuterocanon

¹⁰ Li boch'otic ta xch'un li Xnich'on Diose, yu'un oy ta yo'ntonic li sc'oplal albil ti ja' Xnich'on Dios li Jesuse. Li boch'o mu xch'un c'usi yaloj Diose ja' j'epalc'op chc'ot yu'un li Diose, yu'un mu xch'un li c'usi yaloj ta sventa Xnich'one.

Tzotzil San Andres

¹⁰ Mi jchꞌunojtic ti jaꞌ Cajcoltavanejtic li Jesuse, jaꞌ ta jnaꞌtic o ti jaꞌ Snichꞌon Diose. Mi mu jchꞌuntic ti jaꞌ Cajcoltavanejtic li Jesuse, jaꞌ chcꞌot ta jutcꞌop cuꞌuntic li Diose, yuꞌun mu jchꞌuntic ti yaloj ti chijcuxiutic sbatel osil ta sventa li Snichꞌone.

Tzotzil de Huixtán

¹⁰ Mi jch'unojbetic sc'op ti Snich'on ti Diose, hech ti jna'tic ti melel ti c'u che'el yalojbucutic sc'opilal ti Snich'one ti Diose. Mi mu jch'umbetic sc'op ti Snich'on ti Diose, ja' tsnop c'op ti jcuytic ti Diose yu'un mu jch'untic ti c'u che'el yalojbucutic sc'opilal ti Snich'one ti Diose.

1 Juan 5:10 Iomraidhean Croise

Job 24:25

Mi mu jechuc taje, ¿mi oy buch'u ta sva'an sba ta yalel ta svinajesel ta jamal ti ch'ayemun ta be xchi'uc ti jc'ope?

Salmos 25:14

Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

Proverbios 3:32

yu'un ti Diose mu sc'an sq'uel ti buch'utic mu'yuc xch'ulel xa'i sbaique, ja'uc ti buch'u oy slequil yo'ntonique, ta xac'be spatobil yo'nton.

Isaías 53:1

¿Mi yu'un la oy buch'u ta xch'un xana' ti va'i s'elan laj ca'itique? ¿Mi yu'un la oy buch'u ti ac'bil xa yil smuc'ul stsatsal ti Diose?

Jeremías 15:18

¿C'u cha'al mu xc'ot ta tsutsel ti mu albajuc ti jvocole? ¿C'u cha'al mu xcol ti jyayijemale, ti xchi'il no'ox ta xich' c'alal ta xich' poxtaele? Lac'ot ta jtojol jech c'u cha'al junuc beo' ti ta jech yepal taquij c'alal tsots sc'oplal ta xtune.

Números 23:19

Yu'un xi s'elan ti Dios ti mu co'oluc s'elan jech c'u cha'al ti buch'u sna' xcham xlaje: mu sna' sjut, mi ja'uc xtal xbat ti snopobil yu'une. Mi yu'un oy c'usi ta sc'an ta spase, ta xc'ot ono'ox ta pasel yu'un. Mi yac'oj sc'op ti ta spase, ta xc'ot ono'ox ta pasel yu'un.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

San Juan 3:18

“Ti buch'u ta xc'ot ta yo'nton ti ja' Jpojvanej yu'un ti Xnich'on Diose, mu x'ac'bat stoj ti smule. Ja'uc ti buch'u mu xc'ot ta yo'nton ti ja Jpojvanej yu'une, chapal xa sc'oplal ta stoj ti smule, ta scoj ti mu xc'ot ta yo'nton ti yo junomal Xnich'on ti Diose.

San Juan 3:33

Mi oy buch'u ta xc'ot ta yo'ntone, ta sva'an sba ta yalel xchi'uc ti ja' melel ti c'usi ta xal ti Diose.

San Juan 5:38

Mi ja'uc xc'ot ta avo'ntonic ti sc'ope, yu'un mu xavich'ic ta muc' ti tacbilun talel yu'un ti Jtote.

Hechos 8:37

Xi laj stac' ti Felipee: —Mi c'otem ta sjunul avo'nton ta xch'unel ti Cajvaltique, xu' unbi. Xi laj stac' ti vinique: —C'otem ta co'nton ta xch'unel ti ja' Xnich'on Dios ti Jesucristoe.

Romanos 8:16

Ti Ch'ul Espíritu taje ja' stuc ta xac' jna'tic ta jol co'ntontic ti xnich'nabotic xa ti Diose.

Gálatas 4:1

Xi s'elan ma' ti oy c'usi ta jc'an ta xcale: Ti nich'onil c'alal biq'uit toe, yajval rextoil xa ono'ox, ac'o mi mu'yuc to yich'oj. Yu'un co'ol to s'elan jun mosovil oy ta sna, manchuc mi ja' xa ono'ox yu'un scotol ti c'usitic oy yu'un ti stote.

Gálatas 4:6

Yo' ta xac' ta ilel ti xnich'nabotic xae, ti Diose laj yac' talel ta co'ntontic Xch'ul Espíritu ti Xnich'one. Ta sventa ti Ch'ul Espíritue, xi ta xcaltic yu'une: “Jch'ul Tot Cajval.”

Colosenses 3:3

Ti jech lachamic xae, tana le' une, nac'al q'uejel xa ti acuxlejalic xchi'uc Cristo ta stojol ti Diose.

Hebreos 3:12

Q'uelo me abaic un, Jchi'iltac, ti mu'yucuc buch'u junucal avu'unic toj chopol ti yo'ntone, ti ta xch'ac sbaic ta stojol ti cuxul Dios ta scoj ti mu xc'ot ta yo'nton ta xch'unele.

2 Pedro 1:19

Ti c'u s'elan laj yalic comel ti j'alc'opetic ta vo'nee, jbel sc'oplal mi ja'uc stselbuj un. Jech o xal laj ats'etan achiquinic ta ya'yiel ti lequil ach' c'ope. Yu'un co'ol s'elan junuc lámpara xnobet xojobal ta ic'al osil ti lequil ach' c'ope. Jechuc nobetuc xojobal ta atojolic, ja' to ti c'uxi ta xvul ta loq'uel ti muc' ta c'anal ti xbejet loq'uel talel ta sob ic'lumane.

1 Juan 1:10

Mi ta xcaltic ti mu'yuc jtaoj jmultique, ta jbistic ta jutc'op ti Diose c'alal ta xal ti jsa'mulilotique, mi ja'uc c'otem ta co'ntontic ta xch'unel ti sc'ope.

1 Juan 5:1

Scotol ti buch'u c'otem ta yo'nton ta xch'unel ti ja' Cristo ti Jesuse, ja' xnich'on Dios ec. Ti jech c'ux ta xa'i ti Totile, c'ux ta xa'ibe xnich'nab ti Totil taje.

Apocalipsis 12:17

Ti jech taj une, ti muc' ta tsajal jti'oval chone, x'ech' to cap sjol ta stojol ti antse, ba stsac ta leto snitilultac ti antse, ti buch'utic ti c'otem ta pasel yu'unic smantaltac ti Diose, xchi'uc ti buch'utic jamal ta xalic ti c'otem ta yo'ntonic ta xch'unel ti Jesucristoe.

Apocalipsis 2:17

Ti buch'u oy xchiquine, ac'o ya'i lec ti va'i s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be sve' ti maná nac'bil leque, xchi'uc ta xcac'be jbej saquil ton ti bu tsacbil jun ach' biil ti mu'yuc buch'u xojtiquine, ti ja' no'ox ta xojtiquin ti buch'u ta xich'e.”

Apocalipsis 2:28

Ja' jech xtoc ta xcac'be yich'ic ti muc' ta c'anal ti ta xvinaj jujun sob ic'lumane.