1 Juan 5:1 - Bible in Tzotzil de Chamula

¹ Scotol ti buch'u c'otem ta yo'nton ta xch'unel ti ja' Cristo ti Jesuse, ja' xnich'on Dios ec. Ti jech c'ux ta xa'i ti Totile, c'ux ta xa'ibe xnich'nab ti Totil taje.

Tzotzil Zinacantan

¹ Mi jchꞌunojtic ti jaꞌ stꞌujoj Riox chispasotic ta mantal ti Jesucristoe, xchꞌamalotic xa Riox. Mi jcꞌanojtic ti Jtotic Riox ta vinajele, jcꞌanojtic noxtoc ti muchꞌutic coꞌol xchꞌamalotic xchiꞌuque.

Bible in Tzotzil de Chenalhó with Deuterocanon

¹ Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.

Tzotzil San Andres

¹ Mi jchꞌunojtic ti jaꞌ tꞌujbil yuꞌun Dios ti chventainvan li Jesucristoe, snichꞌnabutic xa Dios. Jech chac cꞌu chaꞌal mi cꞌux chcaꞌitic li jvoqꞌuebal totic liꞌ ta balumile, jaꞌ noꞌox jech cꞌux chcaꞌitic li jchiꞌiltactic ta voqꞌuele.

Tzotzil de Huixtán

¹ Mi jch'unojtic ti ja' t'ujbil yu'un ti Diose ti Jesucristoe ti ja' Jcoltavanej cu'untique, hech cha'anemucutic xa ti stojol ti Diose obi, hech yol snich'onucutic ti Diose. Li' ti balumile mi c'ux chca'itic jun jchi'iltic, hech c'ux chca'itic uc ti xnich'nabe.

1 Juan 5:1 Iomraidhean Croise

San Mateo 16:16

—Vo'ot Cristo, Xnich'onot ti cuxul Diose —xi ti Simón Pedroe.

San Lucas 7:5

yu'un xc'uxubinojuncutic ti muc' ta lum israeluncutique, xchi'uc ja' laj yal mantal ti meltsajuc ti jch'ul na cu'uncutique.

San Juan 1:3

Ta sventa ti Jesucristoe, meltsaj scotol ti c'usitic oye. Mu'yuc buch'u yan laj smeltsan.

San Juan 15:23

Yu'un ti buch'u xti'et sjolic ta jtojole, xti'et sjolic ta stojol ti Jtote.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

San Juan 6:69

Ti vu'uncutique c'ot xa ta co'ntoncutic ta xch'unel. Yu'un laj xa jna'cutic vo'ot ti Cristoe, Xnich'onot ti cuxul Diose.

San Juan 8:42

Xi tac'batic yu'un ti Jesuse: —Ti ja'uc Atotic ti Diose, c'ux ta xava'iicun ti jechuque. Yu'un liquemun talel ta stojol Dios ti li' oyune. Ma'uc talemun ta jventa jtuc, yu'un ja' tacbilun talel yu'un ti Diose.

Hechos 8:36

C'alal yacalic ta xanobale, c'otic bu oy ti vo'e, xi laj yal ti vinic ti yich'oj tsots yabtele: —Oy li' vo'e, ¿mi xu' ta xquich' vo' xana'?

Hechos 8:37

Xi laj stac' ti Felipee: —Mi c'otem ta sjunul avo'nton ta xch'unel ti Cajvaltique, xu' unbi. Xi laj stac' ti vinique: —C'otem ta co'nton ta xch'unel ti ja' Xnich'on Dios ti Jesucristoe.

Santiago 1:18

Yu'un laj xa yac' jcuxlejaltic ta sventa sc'op ti bu ja' melele, yo' jech x'ech' to cajal ta xijc'ot ta stojol scotol ti c'usitic laj xa smeltsane. Jech loc' ta nopel yu'un ti Diose.

1 Pedro 1:3

Lequil c'optabiluc cu'untic ti Diose, Stot ti Cajvaltic Jesucristoe. Yu'un ta sventa ti mu no'ox albajuc ti xc'uxul yo'ntone, laj svoq'uesotic ta ach' ta sventa ti cham cha'cuxi ti Jesucristoe. Ti jech taje, ta xac' spatobil co'ntontic ti ta xquich'tic ti jcuxlejaltique,

1 Juan 2:10

Ti buch'u c'ux ta x'a'yivane, oy ta saquilal osil. Mu'yuc xa c'usi chopol oy ta stojol yo' ta xyalese ta mulil.

1 Juan 2:29

Ti vo'oxuque xana'ic lec ti oy stuq'uil yutsil yo'nton ti Jesucristoe. Sc'an ta xana'ic xtoc, scotol ti buch'utic oy slequil stuq'uil ti c'usi ta spasique, ja' xnich'nabtac ti Diose.

1 Juan 3:14

Ti vo'otique, lijelavotic xa batel ta lajebal chamebal, lij'ochotic xa batel ta sventa cuxlejal. Jna'tic lec un, yu'un c'ux ta xca'itic ti jchi'iltique. Ti buch'u mu'yuc c'ux ta xa'i ti xchi'ile, chamem.

1 Juan 3:17

Mi oy buch'u staoj scotol ti c'usi ta xtun yu'un yo' jech ta xcuxie, mi mu'yuc ta stic' sba ta scoltael ti xchi'il c'alal ta xil ti oy c'usi tsots sc'oplal ta xtun yu'une, ¿c'usi xut ta xal ti oy xc'uxul yo'nton Dios ta stojole?

1 Juan 3:9

Ti buch'utic xnich'nabtac ti Diose, mi junuc ma' ti staoj yav ta sa'ilanic ti smule, yu'un yich'ojbeic xcuxlejal Dios. Jech o xal mu staojuc yav ta sa'ilan ti smule, yu'un xnich'on xa Dios.

1 Juan 4:2

Xi s'elan ta ojtiquinel ti buch'u yich'oj Xch'ul Espíritu ti Diose: scotol ti buch'u ta xal ti tal yich' sbec'tal ti Cristo jech c'u cha'al jun vinique, yich'ojbe Xch'ul Espíritu ti Diose.

1 Juan 4:20

Mi oy buch'u ta xal: “Ti vu'une c'ux ta xca'i ti Diose”, mi xti'et sjol ta stojol yan xchi'iltaque, ja' jun jutc'op. Yu'un mi mu'yuc c'ux ta xa'i ti xchi'il ti ta xil ta sate, mi ja' xa la c'ux ta xa'i ti Dios ti mu xil ta sate.

1 Juan 4:7

Tsots sc'oplal ti c'uxuc xca'i jbatic ta jujun tale, Jchi'iltac, yu'un ti syail xc'uxul o'ntonale, ja' liquem talel ta stojol ti Diose. Buch'uuc no'ox ti oy syail xc'uxul yo'ntone, ja' xnich'on Dios, xchi'uc xojtiquin ti Diose.

1 Juan 5:18

Jna'tic lec ti buch'u stotinoj ti Diose, mu teyuc no'ox ta sa'olan ti smule, chabibil yu'un ti Xnich'on Diose, mu x'aq'ue ta piquel yu'un ti pucuje.

1 Juan 5:4

Yu'un ti buch'utic xnich'nabtac ti Diose, laj xa stsalic ti sba banomile. Ti jech stsal cu'untic ti sba banomile, ja' ta sventa ti c'otem ta o'ntonal ta xch'unel ti Jesucristoe.

1 Juan 5:5

Ti buch'u ta stsal ti sba banomile, ja' no'ox ti buch'u c'ot ta yo'nton ta xch'unel ti ja' Xnich'on Dios ti Jesuse.