1 Juan 4:6 - Bible in Tzotzil de Chamula

⁶ Ja'uc ti vo'otique, yu'unotic xa ti Diose. Ti buch'u ta xojtiquin ti Diose ta xa'i ti jc'optique. Ti buch'u ma'uc yu'un ti Diose, mu sc'an xa'i ti jc'optique. Ti jech taj une, ja' jech xu' ta ojtiquinel buch'u ja' xnich'nabtac ti Diose, xchi'uc buch'u ja' xnich'nabtac ti jlo'lavaneje.

Tzotzil Zinacantan

⁶ Yan li voꞌoticotique jaꞌ chcalticotic ti cꞌusi yaloj ti Rioxe. Ti muchꞌutic yichꞌojic ta mucꞌ ti Rioxe ta xchꞌunic li cꞌusi chcalticotique. Yan ti muchꞌutic maꞌuc yichꞌojic ta mucꞌ ti Rioxe mu xchꞌunic li cꞌusi chcalticotique. Yechꞌo un jaꞌ chcaꞌitic o ti muchꞌutic yech li cꞌusi chalique xchiꞌuc ti muchꞌutic chloꞌlovanique.

Bible in Tzotzil de Chenalhó with Deuterocanon

⁶ Yan li vu'utique xnich'nabutic xa li Diose. Li boch'otic xotquinic Diose ta xa'ibutic li jc'optique. Yan li boch'o mu xotquinic Diose mu xich'ic ta muc' li jc'optique. Ja' jech ta xcotquintic li boch'otic ja' ventainbilic yu'un li Espíritu ti ja' melele. Jech ta xcotquintic noxtoc li boch'otic ja' ventainbilic yu'un jlo'lavaneje.

Tzotzil San Andres

⁶ Yan li joꞌoncutique acꞌbil cabtelcutic yuꞌun Dios, jaꞌ yuꞌun jaꞌ scꞌop Dios li chcalcutique. Li buchꞌutic xojtaquinic xa li Diose chaqꞌuic ta venta li jcꞌopcutique. Yan li buchꞌutic mu xojtaquinic li Diose mu xaqꞌuic ta venta li jcꞌopcutique. Jaꞌ yuꞌun ta xcojtaquintic o li buchꞌutic ta melel jaꞌ scꞌop Dios ti chalique. Ta xcojtaquintic o nojtoc li buchꞌutic jloꞌlovanejetique.

Tzotzil de Huixtán

⁶ Ti ho'ucutique yol snich'onucutic ti Diose. Hech yu'un ti much'utic yol snich'on uc ti Diose, ja' chispasbucutic ti muc' jc'optic. Ti much'utic mu yol snich'onuc ti Diose mu xispasbucutic ti muc' jc'optic. Hech chcojtiquintic ti much'utic chalic ti sc'op Diose ti mero melel. Hech chcojtiquintic uc ti much'utic chlo'lavanique.

1 Juan 4:6 Iomraidhean Croise

2 Crónicas 18:21

Ti ch'ulelale laj yal ti ta stic'be jutbil c'op ta sjol scotol ti j'alc'opetic yu'un ti ajvalile. Va'i un, albat yu'un ti Diose ti ta xc'ot ta pasel ti ta xlaj ta lo'lael yu'unique, ti batuc ta spasele.

Isaías 29:10

Laj yac' taluc vayel ta atojolic ti Dios ti ta xbat ach'ulelic yu'un ta j'ech'ele. Ti j'alc'opetique, ac'o mi c'otem ta jtojobtasvanejetic yu'un ti jteclume, ja'uc le' une, macbat satic ta jlic poc' yu'un ti Diose.

Isaías 8:20

yo' jech ta staic tojobtasel, mi ja' ti oy c'usi xu' ta x'albatique?” Ta j'ech'el jeche' ono'ox ti ta xc'opojique, ti c'usi ta xalique, jeche' no'ox lo'il a'yej.

Oseas 4:12

Ti jteclumale ta sjac' sba ta stojol ti c'usi loc'tabil ti meltsanbil ta te'e. Ta st'un sbaic ta jtel jich'il te'. Me'inem xa ti mulivajel ta stojole, ti xi s'elan ch'ayemic ti bu stamojic batel ti jteclumale: Laj xch'ac sbaic ta stojol ti Dios yu'unic ti laj yac' sbaic ta stojol yane.

Miqueas 2:11

Mi oy buch'u xi ta xlic esomajuc sjol ta sjutel ti c'ope: “Ti vu'une ta xcalbe sc'oplal ti lec ti vinoe xchi'uc ti uch'bajele”, ti jech slo'il ya'yej ti j'alc'op taje, ja' xa xyal o ta xa'iic ti jteclum li'e.

Miqueas 3:8

Ja'uc ti vu'une, oy ta jtojolal xcuxlej ti Diose, yu'un ja' ta xiyac'bun jtsatsal, ti stuq'uil snopbenal cu'une, ti quipale, yo' jech xu' cu'un ta jtic'be ta satic stoyobbailic smulic ti Israele.

San Lucas 10:22

“Scotol ti c'usitic oye, laj yac'bun ta coc ta jc'ob ti Jtote. Mu'yuc buch'u sna' buch'u ti Nich'onile, ja' no'ox sna' stuc ti Totile. Mu'yuc buch'u sna' ti Totile, ja' no'ox sna' stuc ti Nich'onile, ti c'otem ta sventa buch'u sc'an ta xac'be sna' ti Totile.”

San Juan 10:16

Oy to yan jchijtac ti mu'yuc to ochem talel ta corral li'e, ti tsots sc'oplal ta xba jtsob talele. Jech ec un, ta sts'etan xchiquinic ta ya'yiel ti jc'ope, ta xch'unic, ta stsob sbaic ta jmoj, jun no'ox ti j'il-chij yu'unique.

San Juan 10:27

Ti jchijtaque ta xa'iic ti jc'opojele, xcojtiquinic ec un, ta xists'acliicun.

San Juan 10:3

Ta xjambat sti' corral yu'un ti jchabiej ti' corrale, ta x'och batel. Ti j'il-chije, ta jujun ta sloq'uesbe sbi ti xchijtaque. Ti chijetique ta xa'ibeic ti sc'opojele. Ta sloq'ues ech'el ta corral un.

San Juan 13:20

Ta xcalboxuc ava'iic ta melel, ti buch'u ta xich' ta muc' ti buch'u ta jtac batele, ta xiyich'un ta muc'. Ti buch'u ta xich'un ta muq'ue, ta xich' ta muc' ti Buch'u laj stacun talele.”

San Juan 14:17

Ja' ti Ch'ul Espíritu ti ta xac' ta na'el ti bu melele, ti mu lecuc ta xa'iic ti jnaclejetic ta banomile, yu'un mu xilic, mu xojtiquinic. Ja'uc ti vo'oxuque xavojtiquinic, yu'un oy ta atojolic xchi'uc nabal o ta atojolic.

San Juan 15:26

“Ja'uc ti c'alal ta jtac talel ta atojolic ta sventa Jtot ti jpat-o'ntonale, ja' ti Ch'ul Espíritu ti melel c'usi ta xac' ta na'ele, ja' ta xalboxuc ava'iic ti jc'oplale.

San Juan 16:13

C'alal ta xtal ti Ch'ul Espíritu ti melel c'usi ta xac' ta na'ele, ja' ta stojobtasoxuc ta yaq'uel ana'ic ti bu melel scotole. Yu'un mu ta yo'ntonuc stuc ti c'usi ta xale, yu'un ja' ta xal scotol ti c'u s'elan ta x'ac'bat sna'e, xchi'uc ta xac'boxuc ana'ic ti c'usitic ta xc'ot ta pasele.

San Juan 18:37

Xi laj yal ti Pilatoe: —Ati xcaltic un cha'e, ajvalilot. Xi laj stac' ti Jesuse: —Ajvalilun jech c'u cha'al ta xavale. Yu'un ja' jtu ti tal voc'cun ta banomile yo' tal cal ti c'usi ja' melel ta stojol ti jnaclejetic ta banomile. Scotolic ti buch'utic ta xc'ot ta yo'nton ta xch'unel ti c'usi ja' melele, ta xa'iic ti c'usi ta xcale.

San Juan 20:21

Laj taj une, ti Jesuse xi laj yal xtoque: —¡Laetuc, siquetuc avo'ntonic! Jech c'u cha'al laj stacun talel ti Jtote, ja' jech ta xajtacoxuc batel ec.

San Juan 8:19

Xi laj sjac'beique: —¿Bu oy ti atote? Xi laj stac' ti Jesuse: —Ti vo'oxuque mu xavojtiquinicun, mi ja'uc xavojtiquinic ti Jtote. Ti yu'unuc xavojtiquinicune, xavojtiquinic ti Jtot jechuque.

San Juan 8:23

Xi laj yal ti Jesuse: —Ti vo'oxuque, ta banomil oyoxuc, yan ti vu'une, ta ac'ol liquemun talel. Ti vo'oxuque, jnaclejoxuc ta banomil. Ja'uc ti vu'une ma'uc c'otem ta jventa ti sba banomile.

Romanos 1:1

Vu'un Pabloun, yajtunelun ti Jesucristoe. Laj staun ta iq'uel yo' ta xi'och ta yajtacbolal ta yalel batel ti colebal lequil ach' c'op yu'un ti Diose,

Romanos 11:8

Yu'un xi ta xal ti ch'ul c'ope: “Ch'ayesbat snopbenic yu'un ti Diose. Jech to staoj yav ta spasic avi tana li'e. Ac'bil satic ta sq'uelel, mu xilic. Ac'bil xchiquinic ta ya'yiel, mu xa'iic.”

1 Corintios 14:37

Mi oy buch'u xch'unoj ti ja' ac'bil sbijil xu' yu'un ta yalel ti c'usi ta x'ac'bat sna' yu'un ti Diose, mi xch'unoj ti tojobtasbil yu'un ti Ch'ul Espíritu yaloje, ac'o ya'i lec ti ja' smantal Cajvaltic ti jech ta jts'ibaboxuc talel ti jvun li'e.

2 Corintios 10:7

Ti vo'oxuque ja' no'ox yac'oj asatic ta sq'uelel ti buch'u xtojob xa yilele. Mi oy buch'u ta xal ti uninbil yu'un ti Cristoe, ac'o stuc'ulan ec ti oyuncutic ta stojol ti Cristo eque.

2 Tesalonicenses 1:8

Ta xtal stsits ti buch'utic mu laj sbic'tajes sbaic ta stojol ti Diose, xchi'uc ti mu'yuc laj xch'unic ti lequil ach' c'op yu'un ti Cajvaltic Jesucristoe.

1 Timoteo 4:1

Jamal ta xal ti Ch'ul Espiritue ti c'alal slajebtic xa batel ti c'ac'ale, oy jlom ta xicta sbaic ta xch'unel ti Cajvaltique, ta xbat sts'acliic jlo'lavanej jchanubtasvanejetic ti liquem talel ta stojol pucuj ti c'u s'elan ta xchanubtasvanique.

2 Pedro 3:2

Vuleso ta avo'ntonic c'u s'elan laj yalic comel ti ch'ul j'alc'opetic ta vo'nee, xchi'uc vuleso ta avo'ntonic smantal ti Cajvaltic Jcoltavanej ti laj yalboxuc ava'iic comel ti jcholc'opetique.

1 Juan 4:1

Jchi'iltac, mu xach'unbeic scotol ti ta xalic ti ja' liquem talel ta stojol ti Diose. A'yibeic yo'nton ba'yel yo' jech ta xvinaj mi ja' Ch'ul Espíritu yu'un Dios ti oy ta stojolique, mi ma'uc. Yu'un ti banomil avi tana li'e, nojem ta epal jutc'opetic.

1 Juan 4:4

Jnich'nabtac, yu'unoxuc xa ti Diose, atsalojic xa ti jutc'opetic taje. Ti Buch'u oy ta atojolique, jelavem smuc'ul stsatsal, ja' mu sta ti buch'u oy ta stojolic ti buch'u sventainojic ti sba banomile.

1 Juan 4:8

Yu'un ti buch'u mu'yuc syail xc'uxul yo'ntone, mu xojtiquin ti Diose, yu'un ti Diose c'ux ta x'a'yivan.

1 Juan 5:19

Jna'tic ti yu'unotic ti Diose. Jna'tic ti pasbilic ta mantal yu'un pucuj scotol ti jnaclejetic ta banomile.

Judas 1:17

Ti vo'oxuc ti c'uxoxuc ta co'ntone, Jchi'iltac, mu xch'ay ta avo'ntonic ti c'u s'elan laj yalic comel ti yajcholc'optac ti Cajvaltic Jesucristoe.