1 Juan 4:5 - Bible in Tzotzil de Chamula

⁵ Yu'un ti stuquique sventainojic ti sba banomile. Jech o xal naca sc'oplal sba banomil ta xalic. Ti buch'utic sventainojic ti sba banomile ta xa'ibeic ti sc'ope.

Tzotzil Zinacantan

⁵ Ti muchꞌutic chalic yilel li scꞌop Rioxe snopoj stuquic. Scꞌop crixchano li chalique. Li crixchanoetique lec chaꞌiic li cꞌusitic ch-albatique yuꞌun scuenta noꞌox sba balamil.

Bible in Tzotzil de Chenalhó with Deuterocanon

⁵ Yu'un li stuquique oyic ta sventa banamil, ja' yu'un ja' chalilanic c'usi sventa banamil. Jech ec li boch'otic oyic ta sventa banamile toj lec cha'yic.

Tzotzil San Andres

⁵ Li scꞌop Dios ti chalic ti yalojique yuꞌun stuc noꞌox snopojic. Scꞌop noꞌox crixchano li ta xalique. Li crixchanoetique jaꞌ lec chaꞌiic li cꞌustic ch‐albatique yuꞌun sventa noꞌox osil balumil.

Tzotzil de Huixtán

⁵ Ti much'utic chalic sc'op Dios ti scuyojique, ja' sp'ijil no'ox crixchanoetic. Ja' no'ox hech chaj c'u che'el sp'ijil crixchanoetic ti smantalique. Hech yu'un tspasbat ti muc' ti sc'opique yu'un ti crixchanoetique.

1 Juan 4:5 Iomraidhean Croise

Salmos 17:4

jech c'u cha'al ta spasic ti yane. Ma'uc jtamoj batel sbelel ti c'usitic chopol ta pasele, co'ol jtamoj ta spasel jech c'u cha'al ta xal ti amantale.

Jeremías 29:8

Ti Ajvalilun scotol xu' cu'une, Dios yu'un ti Israele, xi ta st'abboxuc ava'iique: Mu aq'uelojuc no'ox abaic ta xalajic ta lo'lael yu'un ti j'alc'opetique, ti jt'unvanejetic ti nacal ta atojolique. Mu xavich'ic ta muc' ti oy c'usi laj yil ta xvaichic ta xalique.

Jeremías 5:31

Ti c'usi ta scaj'alic ti j'alc'opetique, naca jutbil. Ti paleetique, ja' no'ox yac'ojbeic yipal ta spasel mantal ti c'usi xloc' venta ta xa'iique. Loc' ta sa'el avu'un le' une, cuni lumal. Xcaltic taj une, ¿c'usi ta xapasic xana' mi c'ot ti yorail une?’ ”

Miqueas 2:11

Mi oy buch'u xi ta xlic esomajuc sjol ta sjutel ti c'ope: “Ti vu'une ta xcalbe sc'oplal ti lec ti vinoe xchi'uc ti uch'bajele”, ti jech slo'il ya'yej ti j'alc'op taje, ja' xa xyal o ta xa'iic ti jteclum li'e.

San Lucas 16:8

Ti ajvalile laj yil ti ech'em sbijil ta sventa no'ox banomil ti chopol jbainej abtel ti sna' c'usi xut sba ti c'usi ta xtun yu'une. Yu'un ti li' ta banomile, oy sbijilic, sna'ic lec c'u s'elan ta scolta sbaic ta jujun tal yo' lec oyic. Ja' mu sta sbijilic ti buch'utic ti oyic ta saquilal osile.

San Juan 17:14

Yu'un laj xa calbe ya'i ti ac'ope. Ja'uc le'e, contrainbilic yu'un ti jnaclejetic ta banomile, yu'un mu co'oluc yo'ntonic xchi'uc ti buch'utic oyic ta banomile, jech c'u cha'al ti vu'un mu co'oluc co'nton xchi'uque.

San Juan 17:16

Jech c'u cha'al mu co'oluc co'nton xchi'uc ti buch'utic oyic ta banomile, ja' jech ti stuquique, ma'uc xa co'oluc yo'ntonic xchi'uc ti buch'utic oyic ta banomile.

San Juan 3:31

Ti Buch'u ta xlic talel ta vinajele, sbainoj scotol. Ti buch'u ayanem li' ta banomile, sba no'ox banomil, naca sba banomil ti sc'ope. Ti Buch'u ta xlic talel ta vinajele, sbainoj scotol.

San Juan 8:23

Xi laj yal ti Jesuse: —Ti vo'oxuque, ta banomil oyoxuc, yan ti vu'une, ta ac'ol liquemun talel. Ti vo'oxuque, jnaclejoxuc ta banomil. Ja'uc ti vu'une ma'uc c'otem ta jventa ti sba banomile.

2 Timoteo 4:3

Yu'un ta sta sc'ac'alil ta xtavan xa'iic lequil chanubtasel ti jnaclej ta banomile. Yu'un ja' ta xlic spasic ti c'usi lec ta xa'iique, naca jtoyobbaetic, yepal no'ox ta sa'ic jchanubtasvanejetic ti jech ta xich'ic chanubtasel jech c'u cha'al oy ta yo'ntonique.

Apocalipsis 12:9

Laj yich' jipel loq'uel ta vinajel ti muc' ta tsajal jti'oval chon ta vo'nee, ja' ti banquilal pucuje, ti Satanás sbie, ti buch'u naca slo'la no'ox scotol ti jnaclejetic ti oy ta sjoylej banomile. Ti stuque xchi'uc ti xchi'iltaque, jipatic yalel talel ta banomil.