1 Juan 4:2 - Bible in Tzotzil de Chamula

² Xi s'elan ta ojtiquinel ti buch'u yich'oj Xch'ul Espíritu ti Diose: scotol ti buch'u ta xal ti tal yich' sbec'tal ti Cristo jech c'u cha'al jun vinique, yich'ojbe Xch'ul Espíritu ti Diose.

Tzotzil Zinacantan

² Ti cꞌu xꞌelan chcꞌopojique, jaꞌ chcaꞌitic o mi chiꞌinbilic yuꞌun ti Chꞌul Espíritue ti jun xchiꞌuc ti Rioxe. Mi jamal chalic ti iꞌay ta sba balamil ti Jesucristoe, ti iꞌayan chac cꞌu chaꞌal li voꞌotique, jaꞌ chvinaj o ti chiꞌinbilic yuꞌun ti Chꞌul Espíritue.

Bible in Tzotzil de Chenalhó with Deuterocanon

² Ja' jech xu' chavotquinic me ja' ventainbilic yu'un li Espíritu yu'un Diose: Me jamal chalic ti i'ay yich' sbec'tal li' ta banamil li Jesucristoe, ja' ventainbilic yu'un li Espíritu yu'un Diose.

Tzotzil San Andres

² Ta sventa li cꞌusi chalique, jaꞌ ta xvinaj o mi jaꞌ yichꞌojic li Chꞌul Espíritu ti junic schiꞌuc li Diose. Mi jamal chalic ti iꞌay ta balumil li Jesucristoe, ti iyichꞌ sbecꞌtal jech chac cꞌu chaꞌal li joꞌotique, jaꞌ yichꞌojic li Chꞌul Espíritu ti junic schiꞌuc li Diose.

Tzotzil de Huixtán

² Hech chvinaj ti yich'oj ti Ch'ul Espíritue ti laj stac talel ti Diose. Mi jamal chal ti a yich' sbec'tal li' ti balumile ti Jesucristoe, mi xchie, ja' yich'oj ti Ch'ul Espíritue ti laj stac talel ti Diose.

1 Juan 4:2 Iomraidhean Croise

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

1 Corintios 12:3

Jech o xal un, ta jc'an ta xcac' lec ana'ic ti mu'yuc buch'u xu' xi ta xale: “Mu xtun ti Jesuse”, mi ja' ta xalbe sc'oplal smuc'ul stsatsal ti Ch'ul Espíritue. Mu'yuc ono'ox buch'u xu' xi ta xal xtoque: “Ja' Cajval ti Jesuse”, mi ma'uc ta xalbe sc'oplal smuc'ul stsatsal ti Ch'ul Espíritue.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

1 Juan 1:2

Ti Buch'u yich'oj ta sventa ti cuxlejale, laj yac' sba ta ojtiquinel ta jtojolcutic. Yu'un laj quilcutic, xchi'uc ta xcalcutic ava'iic sc'oplal ti Buch'u yich'oj ta sventa ti cuxlejal sbatel osile. Yu'un xchi'inoj to ox sbaic xchi'uc ti Dios Totile. Laj yac' sba ta ilel ta jtojolcutic avi tana li' une.

1 Juan 2:23

Buch'uuc no'ox ti ta scontrain ti Nich'onile, mu'yuc oy ta stojolic ti Dios Totile. Ti buch'u ta xich' ta muc' ti Nich'onile, ta xich' ta muc' xtoc ti Dios Totile.

1 Juan 4:15

Buch'uuc no'ox jamal ta xal ti ja' Xnich'on Dios ti Jesuse, oy ta stojol ti Diose; oy ti Dios ta stojol eque.

1 Juan 4:3

Ti buch'utic mu jechuc ta xalbe sc'oplal ti Jesuse, mu'yuc yich'ojbe Xch'ul Espíritu ti Diose, yu'un ja' yich'ojbe xch'ulel ti yajcontra Cristoe. Ava'binojic sc'oplal ti ta xtal ti yajcontra Cristoe. Avi tana une, li' xa oy ta banomile.

1 Juan 5:1

Scotol ti buch'u c'otem ta yo'nton ta xch'unel ti ja' Cristo ti Jesuse, ja' xnich'on Dios ec. Ti jech c'ux ta xa'i ti Totile, c'ux ta xa'ibe xnich'nab ti Totil taje.

2 Juan 1:7

Yepal no'ox jlo'lavanejetic ta xanavic ta banomil ti mu xalic ti tal yich' sbec'tal ti Cristo jech c'u cha'al junuc vinique. Ti buch'u jech yo'ntonic taje, ja' jlo'lavanej, yajcontra ti Cristoe.