1 Juan 4:12 - Bible in Tzotzil de Chamula

¹² Mi junuc oy buch'u yiloj ma' ti Diose. Mi c'ux ta xca'i jbatic ta jujun tale, oy ti Dios ta jtojoltique, ta xvinaj ta jtojoltic ma' ti syail xc'uxul yo'ntone.

Tzotzil Zinacantan

¹² Ti Rioxe muc muchꞌu yiloj, pero mi jcꞌanoj jbatique, liꞌ xchiꞌinojotique. Jaꞌ noꞌox yech más to ta jcꞌantic ti Riox noxtoque.

Bible in Tzotzil de Chenalhó with Deuterocanon

¹² Mu'yuc boch'o yiloj li Diose, pero me ta jc'anan jbatique, li' nacal ta co'ntontic. Jech yantic ch-epaj batel ta co'ntontic li c'anvanej yu'une.

Tzotzil San Andres

¹² Acꞌo mi mu xquiltic li Diose, pero mi ta jcꞌuxubinan jbatique, liꞌ oy ta coꞌontic li Diose. Jaꞌ yuꞌun xuꞌ cuꞌuntic chijcꞌuxubinvanutic jech chac cꞌu chaꞌal chcꞌuxubinvan li Diose.

Tzotzil de Huixtán

¹² Manchuc mi mu quilojbeticuc sat ti Diose, mi c'ux chca'i jbatique, te oy ti co'ntontic. Hech c'ux chca'itic ti Diose ti mero melel.

1 Juan 4:12 Iomraidhean Croise

Génesis 32:30

Ja' yu'un un, ti Jacobe, Penuel laj yac'be sbi ti bu taje. Yu'un xi laj yale: “Laj quilbe jba jsatcutic xchi'uc ti Diose. Ac'o mi jech un, li' to cuxulun ya'yele.”

Éxodo 33:20

Jamal ta xcalbot ava'i, ti mu xu' ta xaq'uelbun ti jsate. Yu'un mu'yuc buch'u cuxul ta xcom junuc vinic ti buch'u ta xilbun ti jsate.

Números 12:8

Yu'un ti stuque, quilojbe jba jsatcutic ti c'alal ta jc'opone. Jamal que jti'cutic. Ta xil ti jba jsate, ¿c'u cha'al ya'yel un cha'e ti chopol ta xac'opojic ta stojole?”

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

1 Corintios 13:13

Xi s'elan oy oxtos ti mu sna' xlaj sc'oplale: Ti c'otem ta o'ntonal ta xch'unel ti Cajvaltique, ti c'usi jpatoj co'ntontic ta smalaele, ti syail xc'uxul o'ntonale. Ti tsots sc'oplal ta j'ech'el ti ta yoxtosal taje, ja' ti syail xc'uxul o'ntonale.

1 Timoteo 1:17

Sbateluc osil ich'biluc ta muc', albiluc slequilal yutsilal ti Ajvalile, ti jelavem sbijile, ti mu xvinaj ta q'uelele, ti laj to c'op sna' xcham xlaje, ti c'ajomal Dios stuque. Jechuc.

1 Timoteo 6:16

Yu'un stalel o ti jech stalel o cuxule, ti xojobin no'ox ti bu oye, ti mu'yuc buch'u xu' ta xnopaj ech'el ti bu oye. Mi ja'uc jun vinic yiloj ti Diose, mi ja'uc xu' sq'uel xtoc. Yu'un sbatel osil c'otem ta sventa ti ich'biluc ta muc' xchi'uc ti smuc'ul stsatsale. Jechuc.

Hebreos 11:27

Ti jech c'otem ta yo'nton ta xch'unel ti Moisese, mi ja'uc juteb laj xi'ta ti jcapemal-jol ajvalil c'alal laj yicta comel ti Egipto banomile, yu'un laj spas ti Moisés ti c'usi snopoje, yu'un co'ol s'elan laj yil cuxul ti Dios ti mu xvinaj ta q'uelele.

1 Juan 2:5

Ja'uc ti buch'u ta spas ti c'usi ta xale, j'ech'el c'ux ta xa'i ti Diose, ta jna'tic unbi ti junotic xchi'uc ti Diose.

1 Juan 3:24

Ti buch'utic ta xch'unbeic ti smantale, oyic ta stojol ti Diose. Ti Diose oy ta stojolic ec. Xi s'elan ta jna'tic ma' ti oy ta jtojoltic ti Diose: ja' ta sventa ti laj yac'botic ti Ch'ul Espíritue.

1 Juan 4:16

Ti jech taj une, jech ta jna'tic, ta jch'untic ti c'ux ta xijya'iotic ti Diose, yu'un ti Diose c'ux ta x'a'yivan. Ti buch'u oy ta stojol ti syail xc'uxul o'ntonale, oy ta stojol ti Diose, xchi'uc oy ti Dios ta stojol eque.

1 Juan 4:20

Mi oy buch'u ta xal: “Ti vu'une c'ux ta xca'i ti Diose”, mi xti'et sjol ta stojol yan xchi'iltaque, ja' jun jutc'op. Yu'un mi mu'yuc c'ux ta xa'i ti xchi'il ti ta xil ta sate, mi ja' xa la c'ux ta xa'i ti Dios ti mu xil ta sate.

1 Juan 4:6

Ja'uc ti vo'otique, yu'unotic xa ti Diose. Ti buch'u ta xojtiquin ti Diose ta xa'i ti jc'optique. Ti buch'u ma'uc yu'un ti Diose, mu sc'an xa'i ti jc'optique. Ti jech taj une, ja' jech xu' ta ojtiquinel buch'u ja' xnich'nabtac ti Diose, xchi'uc buch'u ja' xnich'nabtac ti jlo'lavaneje.