1 Juan 4:1 - Bible in Tzotzil de Chamula

¹ Jchi'iltac, mu xach'unbeic scotol ti ta xalic ti ja' liquem talel ta stojol ti Diose. A'yibeic yo'nton ba'yel yo' jech ta xvinaj mi ja' Ch'ul Espíritu yu'un Dios ti oy ta stojolique, mi ma'uc. Yu'un ti banomil avi tana li'e, nojem ta epal jutc'opetic.

Tzotzil Zinacantan

¹ Voꞌoxuc ti jcꞌanojoxuque, mu me xachꞌunic ta ora ti cꞌusitic chaꞌalbatique; aꞌyic mi xcoꞌolaj xchiꞌuc scꞌop Riox ti cꞌusi chalique. Yuꞌun ep xa ti muchꞌutic chalic yilel li scꞌop Rioxe.

Bible in Tzotzil de Chenalhó with Deuterocanon

¹ Quermanotac, vo'oxuc ti lec jc'anojoxuque, mu me xach'unic c'usi chalic me oy boch'o chayalboxuc ti ja' ac'bil sna'ic yu'un Ch'ul Espiritue. Ja' lec q'uelic ba'yuc me ja' Espíritu yu'un Dios oy ta stojolic, o me ma'uc. Yu'un oy xa ep jlo'lavanej j'alc'opetic li' ta banamil.

Tzotzil San Andres

¹ Li joꞌoxuc li coꞌol quichꞌojtic ta mucꞌ li Cajvaltique, ti cꞌuxoxuc ta coꞌone, mu me xachꞌunic cꞌusiuc noꞌox chaꞌalbatique. Aꞌiic lec baꞌi mi jmoj schiꞌuc scꞌop Dios li cꞌusi ta xalique. Yuꞌun oy ep jloꞌlovanejetic liꞌ ta balumile ti scꞌop Dios chalic spꞌisoj sbaique.

Tzotzil de Huixtán

¹ Ho'oxuc ti c'uxoxuc ti co'ntone, mu me xach'unic c'uc no'ox c'op chava'yic. P'ijanic me, a'yic me mi chco'olaj xchi'uc ti sc'op ti Diose. Yu'un ep ti much'utic li' ti balumile chalic sc'op Dios ti scuyojique.

1 Juan 4:1 Iomraidhean Croise

1 Reyes 13:18

Ja'uc ti mol une xi lic yalilan ti naca ta sjute: —J'alc'opun ec jech c'u cha'al ti vo'ote. Ta sventa ti jun yaj'anjel Diose laj yalbun mantal ti ta xquic'ot batel ta jnae, ti ta xcac'bot ave'el avuch'ome.

Proverbios 14:15

Ti buch'u pimunebe, tac'al no'ox ta xc'ot yu'un scotol ti c'usi ta x'albate, ja'uc ti buch'u yich'oj sba ta c'ac'ale, ta sq'uel lec ti bu stamoj batele.

Jeremías 14:14

Va'i un, ti Diose xi laj stac'bune: “Ta sjutic ma' ti j'alc'opetic ti jech ta xalic ta jventae, yu'un mu'yuc jtac'ojic batel. Mu'yuc c'usi calojbeic jset'uc. Mi ja'uc oy bu laj jchi'inic ta lo'ile. Naca no'ox ta xalic ti oy c'usi laj yilique. Naca lo'lavanej xal o ti oy c'usi ac'bat yilique. Naca yesomal sjolic ti xtal no'ox ta alel yu'unique. Ja' jech ma' ti oy c'usi ta xalic ti j'alc'opetic taj une.

Jeremías 23:16

Xi ta xal ti Ajvalil ti scotol xu' yu'une: “Israeletic, mu xatac'beic ti c'usitic ta xalic ti j'alc'opetique. Ti c'usitic ta xalique, naca yesomal sjolic. Laj svules ta sjol stuquic, mu'yuc jc'oponojic.

Jeremías 5:31

Ti c'usi ta scaj'alic ti j'alc'opetique, naca jutbil. Ti paleetique, ja' no'ox yac'ojbeic yipal ta spasel mantal ti c'usi xloc' venta ta xa'iique. Loc' ta sa'el avu'un le' une, cuni lumal. Xcaltic taj une, ¿c'usi ta xapasic xana' mi c'ot ti yorail une?’ ”

Marcos 13:21

“Mi oy buch'u xi ta xalboxuque: ‘A'yio ava'iic, li' xa oy ti Cristoe’, o mi mo'oje: ‘Le' xa oye’, mu xach'unic.

San Lucas 12:57

“¿C'u cha'al mu xanop atuquic ti c'usi oy slequil stuq'uil ta pasele?

San Lucas 21:8

Ti Jesuse xi laj yale: —Bijanic, mu xalajic ta lo'lael, yu'un yepal ti buch'utic ta stunesic ti jbi ti xi ta xalique: ‘Vu'unun ti Cristoune.’ Oy yan ti xi ta xalique: ‘Xtal xa ma' ti Cristo une.’ Ja'uc le'e, mu xats'acliic.

Hechos 17:11

Ti israeletic teye ja' lec yo'ntonic, ja' mu sta ti oyic ta Tesalónicae, yu'un ta yutsil yo'ntonic laj yich'ic ta muc' ti lequil ach' c'ope. Yu'un jujun c'ac'al ta sq'uelic ta sc'op Dios yo' ta sna'ic mi melel ti c'usi ta x'albatique.

Hechos 20:29

Jna' lec c'alal mi libate, oy buch'u ta xtal soques ti jch'unolajeletique jech c'u cha'al junuc jti'oval oq'uil ta slilin ta ti'el ti chije.

1 Corintios 12:10

Oy jlom xtoc ac'bilic stsatsal ta yaq'uel iluc ti c'usi ch'ayal ta xc'ot ta o'ntonal yu'une. Oy jlom xtoc ac'bilic sbijilic ta yalel ti c'usi ta x'ac'bat sna' yu'un ti Diose. Ti jlom xtoque ac'bilic sbijilic yu'un Dios ta yojtiquinel mi ja' yabtel pucuj, mi ja' yabtel ti Ch'ul Espíritu ti c'usi c'ot ta pasele. Oy jlom xtoc ac'bilic sbijilic ti xu' ta xc'opojic ta yan c'opetique. Oy to jlom xtoc ac'bilic sbijilic yo' jech xu' ta svinajesbe smelol ti c'usi laj yich' alel ta yan c'opetique.

1 Corintios 14:29

Ja' jech xtoc mi oy buch'u ta xalic ti oy c'usi ac'bat sna'ic yu'un ti Diose, ac'o c'opojicuc cha'vo', mi oxvo'. Ja' jech xtoc ti buch'u ta xa'i ti laj yale, ac'o snopilan lec c'usi laj yich' alel.

1 Tesalonicenses 5:20

Mu xabajic ti buch'utic ta xalic ti oy c'usi ta x'ac'bat sna'ic yu'un ti Diose.

1 Tesalonicenses 5:21

A'yibeic lec smelol mi xco'olaj xchi'uc sc'op Dios ti c'usi ta xalique, ja' aq'uic ta venta ti ja' bu melele.

2 Tesalonicenses 2:2

mu me ta orauc xayanijesic ti snopbenal avu'unic ti c'alal oy bu ta xava'iic ti talem xa ti Cajvaltique. Mu me xaxi'ic yu'un ti buch'u ta xal ti jech ac'bat sna'e. Mu me xava'ibe sc'op ti buch'u jech ta xale. Mu me xavich'ic ta muc' ti oy ta sbisic ta jcaratcutic ti c'alal ma'uc cu'uncutic ti ta xal ti sutem xa talel ti Cajvaltique.

1 Timoteo 4:1

Jamal ta xal ti Ch'ul Espiritue ti c'alal slajebtic xa batel ti c'ac'ale, oy jlom ta xicta sbaic ta xch'unel ti Cajvaltique, ta xbat sts'acliic jlo'lavanej jchanubtasvanejetic ti liquem talel ta stojol pucuj ti c'u s'elan ta xchanubtasvanique.

2 Timoteo 3:13

Ja'uc ti buch'u toj chopol xa'i sbaique, xchi'uc ti jlo'lavanejetique, yacalic ta soquel batel, yacalic ta xlo'lavan ti yalojique ti c'alal xi ta xich'ic lo'lael eque.

2 Pedro 2:1

Ti ta jteclum Israel ta vo'nee, ayan loq'uel ta stojolic jlo'lavanej j'alc'opetic. Jech ta x'ayan loq'uel jlo'lavanej jchanubtasvanejetic ta atojolic ec. Yu'un ta mucul ta xchanubtasvanic ti c'u s'elan nopbil yu'unique yo' ta soquesvanic, ti ta svalopatinic comel ti Cajvaltic ti Jpojvanej Jcoltavanej yu'unique. Ti jech taje, q'uelel xa ono'ox talel ti vocol ta stojolic ti jech ta spasique.

1 Juan 2:18

Jnich'nab, ti li'e, slajeb xa batel ti c'ac'ale. Ava'binojic xtoc ti ta xvul ta loq'uel jun yajcontra ti Cristoe. Avi tana li'e, yepal xa oy buch'u ta scontrainic ti Cristoe. Jech o xal un, jna'tic lec ti slajebtic xa batel ti c'ac'ale.

1 Juan 2:7

Ma'uc ach' mantal ti ta jts'ibaboxuc talel ti sc'oplale, Jchi'iltac, ja' ono'ox ti mantal ti oy ta atojolic ta sliquebale. Ti mantal taje, ja' ono'ox ti laj ava'iic talel sc'oplal ta vo'nee.

2 Juan 1:7

Yepal no'ox jlo'lavanejetic ta xanavic ta banomil ti mu xalic ti tal yich' sbec'tal ti Cristo jech c'u cha'al junuc vinique. Ti buch'u jech yo'ntonic taje, ja' jlo'lavanej, yajcontra ti Cristoe.

3 Juan 1:11

Mu xatamic ta spasel ti c'usi chopole, Jchi'iltac, ja' pasic ti c'usi oy slequil stuq'uile. Yu'un ti buch'u oy slequil stuq'uil ti c'usi ta spase, ja' liquem talel ta stojol ti Diose. Yu'un ti buch'u yacal ta spasel ti c'usi chopole, mu to xojtiquin ti Diose.

Apocalipsis 2:2

Jna' lec scotol ti c'usi ta xapase. Quiloj lec ti avac'ojbe yipal ti abtele, ti oy smuc'ul avo'ntone, ti mu jutebuc lec ta xava'i ti buch'utic chopolique. Jna' lec ti laj aq'uelbe yo'ntonic ti buch'utic sbisoj sbaic ta cajcholc'optac ti c'alal ma'uque, jech laj avil ti ja' jutc'opetique.