1 Juan 3:9 - Bible in Tzotzil de Chamula

⁹ Ti buch'utic xnich'nabtac ti Diose, mi junuc ma' ti staoj yav ta sa'ilanic ti smule, yu'un yich'ojbeic xcuxlejal Dios. Jech o xal mu staojuc yav ta sa'ilan ti smule, yu'un xnich'on xa Dios.

Tzotzil Zinacantan

⁹ Lavi xchꞌamalotic xa ti Rioxe, mu xa jsaꞌ jmultic. Yuꞌun lec xa coꞌontic chac cꞌu chaꞌal lec yoꞌon ti stuque, yechꞌo ti mu xa jcꞌan jsaꞌ jmultique.

Bible in Tzotzil de Chenalhó with Deuterocanon

⁹ Li boch'o ja' xnich'on Diose mu xa sa'ilan smul. Yu'un te xa oy stalel Dios ta yo'nton, jech ja' xa xnich'on Dios c'otem; mu'yuc xa ta yo'nton tsa'ilan smul.

Tzotzil San Andres

⁹ Yuꞌun snichꞌnabutic xa li Diose, mu xa jsaꞌ jmultic. Yuꞌun liꞌ xa oy ta coꞌontic li Diose, jaꞌ yuꞌun mu xa jsaꞌ jmultic.

Tzotzil de Huixtán

⁹ Mi cha'anemucutic xa ti stojol ti Diose, mu xa jc'an jsa' jmultic. Yu'un te oy Dios ti co'ntontic, hech yu'un ti mu xa jc'an jsa' jmultique.

1 Juan 3:9 Iomraidhean Croise

Job 19:28

ti laj ca'i ti xachi laj avalique: “¿C'u s'elan ta lubtsanel le'e? Loc' ta sa'el yu'un stuc ti vi s'elan ti lamal ta stojol ti vocole.”

Salmos 119:3

ti ma'uc oy ta yo'ntonic ti c'usi ta soquesvane, ti stamojic ech'el bu ta x'iq'ue batel yu'un ti Diose.

Levítico 11:37

“Mi oy jtosuc ti chamem chon taje ti ta xbaj ta sba ts'unubil ti ta xich' ts'unele, jech ti ts'unubile staoj yav lec oy.

San Mateo 7:18

Ti lequil te'e mu stac' chopol ta xac' ti sate. Ti chopol te'e mu stac' lec ta xac' ti sate.

San Juan 1:13

Ti buch'u c'otic ta xnich'nab ti Diose, ja' ta xvoq'uesatic ta ach' yu'un ti Diose. Mu xa xco'olaj xchi'uc jech c'u cha'al ta xvoq'uesatic yu'un ti stot sme'ique, mi ja'uc ti c'usi oy ta yo'nton stuc ti jnaclejetic li' ta banomile.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

Hechos 4:20

Ti vu'uncutique mi ja'uc xquicta jbacutic ta yalel ma' ti c'usi quilojcutique, ti c'usi ca'yiojcutique.

Romanos 6:2

¡Bu xata ti ja' jeche! yu'un ti vo'otique chamemotic ta stojol ti mulile. Jech o xal un, ma'uc xa smelol ti jech staoj yav ti ta jsa'ilantic ti jmultique.

Gálatas 5:17

Yu'un ti talelale, contra xil sbaic xchi'uc ti Ch'ul Espíritue. Ti Ch'ul Espíritue, contra xil sbaic xchi'uc ti talelale. Contra xil sbaic ta jujun tal. Jech o xal mu xc'ot ta pasel avu'unic ti c'usi ta xac'anique.

SUN TITO 1:2

ti ja' spatobil yo'ntonic ta stael xcuxlejalic sbatel osile. Ti Diose mu sna' sjut c'op, yu'un c'alal mu'yuc to ox meltsajem ti banomile, yaloj ono'ox ta xac' ti cuxlejale.

1 Pedro 1:23

Yu'un ti vo'oxuque, lavoq'uic ta ach', ma'uc xa ta sventa ti atot ame'ic ti sna' xcham xlaje, yu'un lavoq'uic ta ach' ta sventa ti sc'op Diose, ti j'ech'el o staoj yav cuxul sbatel osile.

1 Juan 2:29

Ti vo'oxuque xana'ic lec ti oy stuq'uil yutsil yo'nton ti Jesucristoe. Sc'an ta xana'ic xtoc, scotol ti buch'utic oy slequil stuq'uil ti c'usi ta spasique, ja' xnich'nabtac ti Diose.

1 Juan 3:6

Ja' yu'un un cha'e, scotol ti buch'u junic xchi'uc ti Jesucristoe, ma'uc xa ta sa'ilan ti smulique. Scotol ti buch'utic ta sa'ilan ti smulique, mu'yuc yiloj, mu sna'be yo'nton ti Jesucristoe.

1 Juan 4:7

Tsots sc'oplal ti c'uxuc xca'i jbatic ta jujun tale, Jchi'iltac, yu'un ti syail xc'uxul o'ntonale, ja' liquem talel ta stojol ti Diose. Buch'uuc no'ox ti oy syail xc'uxul yo'ntone, ja' xnich'on Dios, xchi'uc xojtiquin ti Diose.

1 Juan 5:1

Scotol ti buch'u c'otem ta yo'nton ta xch'unel ti ja' Cristo ti Jesuse, ja' xnich'on Dios ec. Ti jech c'ux ta xa'i ti Totile, c'ux ta xa'ibe xnich'nab ti Totil taje.

1 Juan 5:18

Jna'tic lec ti buch'u stotinoj ti Diose, mu teyuc no'ox ta sa'olan ti smule, chabibil yu'un ti Xnich'on Diose, mu x'aq'ue ta piquel yu'un ti pucuje.

1 Juan 5:4

Yu'un ti buch'utic xnich'nabtac ti Diose, laj xa stsalic ti sba banomile. Ti jech stsal cu'untic ti sba banomile, ja' ta sventa ti c'otem ta o'ntonal ta xch'unel ti Jesucristoe.

3 Juan 1:11

Mu xatamic ta spasel ti c'usi chopole, Jchi'iltac, ja' pasic ti c'usi oy slequil stuq'uile. Yu'un ti buch'u oy slequil stuq'uil ti c'usi ta spase, ja' liquem talel ta stojol ti Diose. Yu'un ti buch'u yacal ta spasel ti c'usi chopole, mu to xojtiquin ti Diose.