1 Juan 3:8 - Bible in Tzotzil de Chamula

⁸ Ja'uc ti buch'u ta sa'ilan ti smule, ventainbil yu'un ti pucuje, yu'un ti pucuje, ta sliquebal ono'ox talel, laj sa'ilan ti smule. Ja' sventa tal Xnich'on ti Diose yo' jech ta slilinbe yabtel ti pucuje.

Tzotzil Zinacantan

⁸ Ti muchꞌu tsaꞌ smule yuꞌun jaꞌ stotinoj ti pucuje. Yuꞌun ti cꞌusitic chopole jaꞌ isliques ti pucuje. Naca mulil isnop ta spasel balamil, yech o cꞌal tana. Ti iꞌay ta sba balamil Xchꞌamal ti Rioxe, yuꞌun jaꞌ ay xchꞌaybe syuꞌel ti pucuje yoꞌ ti mu xa xiloꞌloojotic o yuꞌune.

Bible in Tzotzil de Chenalhó with Deuterocanon

⁸ Yan li boch'o ta to sa'ilan smule te to oy ta sc'ob pucuj. Yu'un li pucuje ja' la sliques li mulil ta sliquebale; ja' jech yabtel o. Ja' yu'un ital ta banamil li Xnich'on Diose, ja' tal slajesbe stsatsal yabtel li pucuje.

Tzotzil San Andres

⁸ Mi ta to jsaꞌ jmultique, yuꞌun te to oyutic ta scꞌob li pucuje. Yuꞌun li pucuje jaꞌ la sliques scotol li cꞌustic chopole. Yuꞌun naca mulil ta snopilan o cꞌalal ilic li balumile, jaꞌ jech cꞌalal tana. Jaꞌ yuꞌun iꞌay ta balumil li Snichꞌon Diose yuꞌun jaꞌ a schꞌaybe stsatsal li yabtel li pucuje.

Tzotzil de Huixtán

⁸ Mi ti jsa' jmultic, oyucutic to ti sc'ob ti pucuje. Yu'un ti pucuje ja' laj sliques ti mulile. Hech yu'un stalel puru mulil oy ti yo'nton asta ti ora to. Ja' yu'un ti ital ti Snich'on ti Diose yu'un tal sjimbe yabtel ti pucuje.

1 Juan 3:8 Iomraidhean Croise

Génesis 3:15

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

Números 21:9

Jech ti Moises une laj smeltsan sloc'ol chon ta jun c'anal taq'uin. Laj sjoc'an ta jun te' ti co'ol s'elan ste'el banderae. C'alal oy buch'u ta xlaj ta ti'el yu'un ti chone, ja' ta sq'uel ech'el ti sloc'obbail ti meltsanbil ta c'anal taq'uine, jech ta xcol.

San Mateo 12:28

Ti jech ta jloq'ues ti pucujetique, ja' ta sventa ti Ch'ul Espíritu yu'un ti Diose. Ti jech li'e, ja' ta xac' ta na'el ti li' xa oy ta atojolic ti ventainel yu'un ti Diose.

San Mateo 13:38

Ti yav ts'unobale, ja' ti jnaclejetic oyic ta sbejel banomile. Ti lequil ts'unobale, ja' ti buch'utic ta xich'ic ta muc' ti ventainel yu'un ti Diose. Ti trigo t'ule, ja' ti buch'utic ventainbilic yu'un ti pucuje.

San Mateo 4:3

Ti pucuje nopaj batel ta stojol ti Jesuse yo' ta slajeltsa ti xi laj yalbee: —Mi melel Xnich'onot ti Diose, paso ta mantal ti tonetic li'e ti joybijuc ta pan avu'une.

Marcos 1:24

—¿C'u cha'al ta xatic' aba ta jtojolcutic, Jesús liquemot tal ta Nazarete? ¿Mi yu'un tal xa avac'bun jvocolcutic? Yu'un xacojtiquinot. Jna'oj lec t'ujbilot yu'un ti Diose.

San Lucas 10:18

Xi laj yal ti Jesuse: —Jech un, yu'un laj quil co'ol s'elan sleb chauc c'alal jipat yalel talel ta vinajel ti banquilal pucuje.

San Juan 12:31

Ja' xa yorail avi tana li' une, ta xlic yich' chapanel ti jnaclejetic ta banomile. Ja' xa yorail ta xich' jipel loq'uel ti buch'u ta spas mantal li' ta banomile.

San Juan 16:11

Ta x'ac'bat sna'ic ti chapanel yu'un ti Diose, yu'un laj xa yich' chapanel ti buch'u sventainoj ti banomile.

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

Romanos 16:20

Ti j'ac'-jun-o'ntonal Diose, ta jliquel no'ox ta slilinbe yip ti pucuje yo' xu' avu'unic ta xpech'el ta teq'uel. Ac'o sva'an sba ta yaq'uel slequilal ta atojolic ti Cajvaltic Jesucristoe.

Efesios 2:2

Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

Colosenses 2:15

C'alal cham ta curus ti Cristoe, tsalbil c'otic scotol ti buch'u tsots xu' yu'unic ti mu xvinaj ta q'uelele. Ja' aq'ueic ta q'uexlal ti mu'yuc xa bu c'alal xu' yu'unique. Ic'bil batic jech c'u cha'al junuc jchuqueletic c'alal jech tsalbil c'otique.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

Hebreos 2:14

Jech c'u cha'al ti alab nich'nabiletic ti ta xvoq'uic ta jchop nae, ti jun ti sbec'tal xch'ich'elique, jech ec ti Jesuse laj yich' xch'ich'el sbec'tal stacopal yo' jech ta slilinbe yip yabtel ti buch'u jbel sc'oplal ta xismilotique, ti ja' sc'oplal ti pucuje.

Hebreos 9:26

Ti jechuque, ta sliquebal no'ox banomil lic ono'ox yaq'uilan sba talel ta milel. Le'e, c'alal slajebtic xa batel ti c'ac'ale, ja' o vul ta loq'uel ti Cristo ta yaq'uel sba ta milel yo' ta xch'ay ti mulile.

2 Pedro 2:4

Ti ánjeletic ti laj sta smulique, mu'yuc ono'ox ch'aybat smulic yu'un ti Diose, c'ajomal no'ox jipatic yalel ta c'atimbac ti bu nac'bil chucajtic ta cadena taq'uin ictaatic comel ta ic'al osil yo' ta xich'ic chapanel c'alal ta sta sc'ac'alile.

1 Juan 1:2

Ti Buch'u yich'oj ta sventa ti cuxlejale, laj yac' sba ta ojtiquinel ta jtojolcutic. Yu'un laj quilcutic, xchi'uc ta xcalcutic ava'iic sc'oplal ti Buch'u yich'oj ta sventa ti cuxlejal sbatel osile. Yu'un xchi'inoj to ox sbaic xchi'uc ti Dios Totile. Laj yac' sba ta ilel ta jtojolcutic avi tana li' une.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.

1 Juan 3:5

Ti vo'oxuque ana'ojic xa lec ti tal ta banomil ti Jesucristoe yo' jech tal stub xch'ay ti mulile, ac'o mi mu'yuc smul ti stuque.

1 Juan 5:19

Jna'tic ti yu'unotic ti Diose. Jna'tic ti pasbilic ta mantal yu'un pucuj scotol ti jnaclejetic ta banomile.

Judas 1:6

Jech ti anjeletic ti mu'yuc c'usi bal o laj ya'iic ti bu to ox oyique, ti laj yictaic comel ti bu va'anbilique, chucajtic xa sbatel osil ta ic'al osil yu'un ti Diose, ta smalaic ti ta sta sc'ac'alil ti muc' ta chapanele.

Apocalipsis 20:10

Jech ti pucuje, ti buch'u ilo'lavan xae, laj yich' jipel yalel bu ts'anal ti c'oc' ta xtil ta azufree, ti bu laj xa yich' jipel yalel ti jti'oval chone xchi'uc ti jlo'lavanej j'alc'ope. Ti bu taje, sbatel osil, c'ac'al ac'ubal, ta xich' svocol.

Apocalipsis 20:15

Ti bu taje, laj yich'ic jipel yalel ec ti buch'utic mu'yuc tsacal sbiic ta sventa ti jpoc svunal ti cuxlejale.