1 Juan 3:7 - Bible in Tzotzil de Chamula

⁷ Jnich'nab, mu me buch'u xaslo'laoxuc. Ti buch'u yacal ta spasel ti c'usi leque, oy slequil stuq'uil, yu'un ti Jesucristoe oy slequil stuq'uil ec.

Tzotzil Zinacantan

⁷ Voꞌoxuc ti coꞌol xchiꞌuc jchꞌamaloxuc chcaꞌie, mu me xachꞌunic loꞌloel. Ti muchꞌu lec cꞌusi tspase, yuꞌun lec yoꞌon chac cꞌu chaꞌal lec yoꞌon ti Cristoe.

Bible in Tzotzil de Chenalhó with Deuterocanon

⁷ Jnich'nabtac, mu me boch'o xaslo'laoxuc. Li boch'o ja' ta spas c'usitic tuq'ue, ja' tuc' yo'nton, jech chac c'u cha'al tuc' yo'nton li Cristoe.

Tzotzil San Andres

⁷ Quitsꞌinab, mu me xaloꞌloatic. Mi lec li cꞌustic ta jpastique, yuꞌun tucꞌ coꞌontic jech chac cꞌu chaꞌal tucꞌ yoꞌon li Cristoe.

Tzotzil de Huixtán

⁷ Col jnich'nab, mu me much'u chaslo'laoxuc. Mi lec ti c'utic ti jpastique, yu'un toj co'ntontic obi hech chaj c'u che'el toj yo'nton ti Cristoe.

1 Juan 3:7 Iomraidhean Croise

Salmos 106:3

Mu'yuc c'usi sna'ic ti buch'utic ta spasic ti c'usi leque, ta spasel ono'ox xtoc ti c'usi oy stuq'uil smelole.

Salmos 45:7

Oy ono'ox ta avo'nton ti c'usi leque, acontrainoj ti c'usi chopole. Jech o xal laj st'ujot ti Diose, ti Dios avu'une, yepal no'ox laj yac'bot ti smuyubajel avo'ntone, ja' mu sta ac'bat ti achi'iltaque.

San Mateo 5:20

Ta xcalboxuc ava'iic, mi mu xavac' avo'ntonic ta spasel ti c'usi ta sc'an ti Diose, mi jech ta xapasic jech c'u cha'al ta spas ti fariseoetique xchi'uc ti jchanubtasvanejetic yu'un ti mantale, mu cha'beluc xu' xa'ochic batel ti bu ta xventainvan ti Diose.

San Lucas 1:75

Oyuc cutsil jlequiltic ta stojol ti c'u sjalil cuxulotique.

Hechos 10:35

Yu'un buyuc no'ox muc'tiquil lum, ich'bil ta muc' yu'un ti buch'utic ta xi'taique, xchi'uc ti lec c'usi ta spasique.

Romanos 2:13

Yu'un mu'yuc slequil stuq'uilic ta stojol Dios ti buch'utic ja' no'ox ta xa'iic ti oy c'usi tsots albil sc'oplale. Ti buch'u lec x'ileique, ja' no'ox ti buch'u ta xc'ot ta pasel yu'unique.

1 Corintios 6:9

¿Mi mu xana'ic ya'yel ti buch'utic mu'yuc xch'ulel xa'i sbaique, mu x'ochic batel ti bu ta xventainvan ti Diose? Bijanic, mu xalajic ta lo'lael. Yu'un ti buch'u ta xmulivaje, ti jlo'laej jolile, ti ta xrioxinel ti c'usi meltsanbil ta c'abale, ti buch'u ta xmulivajic ti co'ol xchi'il sbaic ta vinicale xchi'uc ti co'ol xchi'il sbaic ta antsile,

Efesios 5:6

Mu aq'uelojuc xavac' abaic ta lo'lael yu'un mi junuc ti buch'utic naca yesomal sjolic ti c'usitic ta xalique. Ta scoj ti jech taje, q'uelel xa talel ta stojol ti tsots tsitsel yu'un ti Diose.

Efesios 5:9

Yu'un ta sventa ti oyoxuc ta saquilal osile, ta x'ayan slequilal yutsilal avo'ntonic, ti stuq'uil jol o'ntonale, ti lec ta q'uelel ti acuxlejalique.

Filipenses 1:11

Ti jech ta x'abtej ti Jesucristo ta atojolique, yo' ta x'ayan ti oyuc yutsil slequil ti c'usi ta xapasique, sventa yich'el ta muc', yo' lec sc'oplal avu'unic ti Diose.

Hebreos 1:8

Ja'uc ti Xnich'on Diose xi ta x'albat ti sc'oplale: “Sbatel osil ta xachoti ta pas mantal, Ch'ul Dios, yu'un tuc' ta xaventainvan ta sventa ti avabtel avich'oje.

Hebreos 7:2

Jech ti Abrahame laj yac'be ti jujun ta lajlajuneb ti c'u yepal laj sta ti c'alal tsalvan ta letoe. Ti biil Melquisedeque ja' smelol ta xal ti “ajvalil yu'un ti lequilale”. Ti jech ajvalil yu'un ti jteclum Saleme, ja' smelol ta xal xtoc “ajvalil yu'un ti lamajesej c'ope”.

Santiago 1:22

Altic no'ox mi ja' no'ox ta xava'i ti lequil c'ope. Yu'un sc'an abtelanel ti c'u s'elan ta xale yo' mu xalo'la abaic.

Santiago 2:19

Toj lec ti jech c'otem ta avo'nton ta xch'unel ti jun no'ox oy ti Diose. Ja' jech xch'unojic ec ti pucujetique. Ma'uc no'ox, ta xniquic ta xi'el xtoc.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

1 Juan 2:1

Jnich'nabtac, ti jech ta jts'ibaboxuc talel li'e, yo' mu staojuc yav ta xasa' amulic. Ja'uc le'e, mi oy buch'u junucal avu'unic laj sta ti smule, oy jun J'et'esej-c'op cu'untic ta stojol ti Jtotic Diose, ja' ti Jesucristo ti oy stuq'uil yo'ntone.

1 Juan 2:26

Ti jech laj jts'ibaboxuc talel ti jvun li'e, yo' mu xalajic ta lo'lael yu'un ti jlo'lavanejetique.

1 Juan 2:29

Ti vo'oxuque xana'ic lec ti oy stuq'uil yutsil yo'nton ti Jesucristoe. Sc'an ta xana'ic xtoc, scotol ti buch'utic oy slequil stuq'uil ti c'usi ta spasique, ja' xnich'nabtac ti Diose.

1 Juan 3:18

Jnich'nabtac, ma'uc no'ox me ti ta xloc' ta alel cu'untic ti c'ux ta xca'i jbatique, vinajuc ti yabtel ta jtojoltique.

1 Juan 3:3

Scotol ti buch'utic spatoj yo'ntonic ta smalael taje, ta sq'uel stuc'ulan sba stuc, jech c'u cha'al ti Jesucristo oy stuq'uil slequil yo'ntone.

1 Juan 4:17

Ti jech taj une, ta xvinaj ta j'ech'el ti oy syail xc'uxul o'ntonal ta jtojoltique yo' jech ta jpat co'ntontic ta stojol c'alal ta xc'ot sc'ac'alil ti chapanele. Ti vo'otic li' ta banomile, yu'un co'ol co'ntontic jech c'u cha'al ti Jesucristoe.