1 Juan 3:5 - Bible in Tzotzil de Chamula

⁵ Ti vo'oxuque ana'ojic xa lec ti tal ta banomil ti Jesucristoe yo' jech tal stub xch'ay ti mulile, ac'o mi mu'yuc smul ti stuque.

Tzotzil Zinacantan

⁵ Li voꞌoxuque anaꞌojic ti voꞌotic ay stojbotic jmultic ti iꞌay ta sba balamil ti Jesucristoe. Ti stuque mu snaꞌ saꞌel smul.

Bible in Tzotzil de Chenalhó with Deuterocanon

⁵ Li vo'oxuque xana'ic xa ti ital ta banamil li Cristoe, ja' sventa tal xch'ayes li mulile, yu'un li stuque mu'yuc smul.

Tzotzil San Andres

⁵ Joꞌoxuque xanaꞌic xa ti jaꞌ ta sventa a schꞌaybutic jmultic ti iꞌay ta balumil li Cristoe. Yuꞌun li stuque muꞌyuc onoꞌox smul.

Tzotzil de Huixtán

⁵ Chana'ic ti yu'un tal xcuchbucutic jmultic hech yu'un ital ti Cristoe. Ti stuque mu'yuc mulil ti yo'nton.

1 Juan 3:5 Iomraidhean Croise

Oseas 14:2

Xiuc c'otel ti ave ati'ic ta c'opojel c'alal ta xasutic batel ta stojol ti Diose: “Ch'aybuncutic scotol ti jmul jcolo'cutique. Tsacbun, ich'buncutic ta yutsil avo'nton ti xilequil-c'opojcutic xa talel ta atojole.

San Mateo 1:21

Ti Mariae ta xil jun squerem, Jesús ta xavac'be sbi. Jech ta xavac'be sbi, yu'un ta spoj ta scolta ti steclumal yu'un ti smulique.

San Lucas 23:41

Ti vo'otique ja' xijtun o ta xquich' ti jvocoltic li'e, yu'un ta jtojtic ti c'usi laj jpastique. Ti vinic li'e mu'yuc c'usi chopol spasoj.

San Lucas 23:47

C'alal laj yil ti banquilal jpas-mantal soldado romanoetic ti jech ic'ot ta pasele, lequil c'opoj ta stojol ti Dios ti xi laj yale: —Ta melel, ti vinic li'e ch'abal ti smule.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 1:31

Mi ja'uc jna' ec ti Buch'ue. Le' une, tsots sc'oplal tal cac' ich' vo' yo' ti israeletic ta xojtiquinic Buch'ue.

San Juan 14:30

“Jliquel xa li' ta jchi'inoxuc ta lo'ile, yu'un tal xa ti buch'u sbainoj ta spasel mantal li' ta banomile, ac'o mi mu'yuc c'usi xu' yu'un spasel ta jtojol.

San Juan 8:46

¿Buch'u junucal avu'unic xu' ta svinajes ti oy jmule? Melel ti c'usi ta xcalboxuque, ¿c'u cha'al mu xc'ot ta avo'ntonic?

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

1 Timoteo 1:15

Scotolicuc, c'otuc ta yo'ntonic ta xch'unel, yu'un ja' melel: Yu'un ti Cristo Jesuse tal ta banomil yo' tal spoj scolta ti jsa'muliletique, Ta scotol taje, vu'un ti banquilal jsa'mulilun to oxe, ja' mu sta ti yane.

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 1:3

Yu'un xojobin no'ox yutsilal slequilal ti Dios ta stojole, yu'un ja' stalel stuc Dios oy ta stojol. Ja' jech xtoc ta sventa smuc'ul stsatsal ti sc'ope, sbainoj scotol ti c'usitic oy x'ayane. C'alal laj stub ti jmultique, bat chotluc ta stuq'uil xocon sbats'i c'ob ti Diose.

Hebreos 4:15

Yu'un ti Banquilal Pale cu'untique ta xc'uxubaj yo'nton yu'un ti jvocoltic ta scoj ch'abal ti yipal cu'untique. Yu'un ti stuque laj ya'i c'u s'elan ti vocol jech c'u cha'al ta xca'itique. Ja' no'ox un, ti stuque mu'yuc x'ech' xjelav ta stael ti smule.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.

Hebreos 9:26

Ti jechuque, ta sliquebal no'ox banomil lic ono'ox yaq'uilan sba talel ta milel. Le'e, c'alal slajebtic xa batel ti c'ac'ale, ja' o vul ta loq'uel ti Cristo ta yaq'uel sba ta milel yo' ta xch'ay ti mulile.

Hebreos 9:28

Ja' jech ti Cristoe, jcoj no'ox aq'ue ta milel yo' jech ta xch'aybe smul scotol. Ts'acal to ta xtal xtoc un, ma'uc ti ta xtal stub ti mulile, ja' no'ox ta xtal scolta ti buch'utic smalaojique.

1 Pedro 1:18

Yu'un ti Diose laj scoltaoxuc loq'uel talel ti bu mu xtun ti acuxlejalic ti laj yac'boxuc comel ti amolmuc'totique. Xana'ic lec, ti stojol ti acoltaelique, ma'uc laj yich' tojel ta oro ta plata ti sna' xlaje.

1 Pedro 1:20

Ti jech taje, c'alal mu'yuc to ox meltsajem ti banomile, jech ono'ox ac'bil talel ti Cristoe, ti ja' to laj yac' sba ta ilel c'alal slajebtic xa batel ti c'ac'ale, ti ja' sventa alequilalique.

1 Pedro 2:22

Ti Cristoe, mi jutebuc laj sta ti smule, mi ja'uc oy buch'u laj slo'la.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

1 Juan 1:2

Ti Buch'u yich'oj ta sventa ti cuxlejale, laj yac' sba ta ojtiquinel ta jtojolcutic. Yu'un laj quilcutic, xchi'uc ta xcalcutic ava'iic sc'oplal ti Buch'u yich'oj ta sventa ti cuxlejal sbatel osile. Yu'un xchi'inoj to ox sbaic xchi'uc ti Dios Totile. Laj yac' sba ta ilel ta jtojolcutic avi tana li' une.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

1 Juan 2:1

Jnich'nabtac, ti jech ta jts'ibaboxuc talel li'e, yo' mu staojuc yav ta xasa' amulic. Ja'uc le'e, mi oy buch'u junucal avu'unic laj sta ti smule, oy jun J'et'esej-c'op cu'untic ta stojol ti Jtotic Diose, ja' ti Jesucristo ti oy stuq'uil yo'ntone.

1 Juan 2:2

Ti jech laj yac' sba ta milel ti Jesucristoe, laj jtatic yu'un ti ch'aybil c'ot ti jmultique. Ma'uc no'ox ti vo'otique, ja' jech c'ot ta stojol scotol ti jnaclejetic ta sjoylej banomile.

1 Juan 2:29

Ti vo'oxuque xana'ic lec ti oy stuq'uil yutsil yo'nton ti Jesucristoe. Sc'an ta xana'ic xtoc, scotol ti buch'utic oy slequil stuq'uil ti c'usi ta spasique, ja' xnich'nabtac ti Diose.

1 Juan 3:8

Ja'uc ti buch'u ta sa'ilan ti smule, ventainbil yu'un ti pucuje, yu'un ti pucuje, ta sliquebal ono'ox talel, laj sa'ilan ti smule. Ja' sventa tal Xnich'on ti Diose yo' jech ta slilinbe yabtel ti pucuje.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.