1 Juan 3:2 - Bible in Tzotzil de Chamula

² Xnich'nabotic xa Dios, Jchi'iltac. Mu'yuc to quilojtic ti c'u s'elan ta jtatique. C'alal mi tal ti Jesucristoe, jna'tic xa ti jech ta xijc'ot jech c'u cha'al ti stuque, yu'un ta xquiltic ti c'u s'elane.

Tzotzil Zinacantan

² Voꞌoxuc ti jcꞌanojoxuque, lavie xchꞌamalotic xa ti Rioxe. Jnaꞌojtic ti chicoꞌolajotic xchiꞌuc ti Cristoe ti cꞌalal xtale yuꞌun chquiltic cꞌu xꞌelan ti stuque. Jaꞌ noꞌox ti mu to jnaꞌtic cꞌu slequile.

Bible in Tzotzil de Chenalhó with Deuterocanon

² Vo'oxuc ti lec jc'anojoxuque, xnich'nabutic xa li Diose, ac'o me mu to xvinaj c'u x'elan chijc'otutic. Pero jna'tic xa ti chijco'lajutic jchi'uctic Cristo c'alal ta xtale, jech ta to xcotquintic c'u x'elan.

Tzotzil San Andres

² Joꞌoxuc li cꞌuxoxuc ta coꞌone, snichꞌnabutic xa o li Diose, pero mu to bu quilojtic cꞌu sba chijbat. Jaꞌ noꞌox caꞌiojtic ti ta to xijcoꞌolajutic jchiꞌuctic li Cristo li cꞌalal ta xchaꞌtale, yuꞌun ta to xcojtaquinbetic schꞌulsat li Cristoe.

Tzotzil de Huixtán

² Ho'oxuc ti c'uxoxuc ti co'ntone, yol snich'on Dios c'otemucutic xa. Mu to ti jna'tic c'u x'elan chijc'otucutic. Ja' no'ox ti jna'tic ti co'ol chijc'otucutic xchi'uc ti Cristoe c'alal chtale yu'un ti jq'ueltic c'u x'elan.

1 Juan 3:2 Iomraidhean Croise

Job 19:26

Manchuc mi ta jujuti' ta xt'ol loq'uel ti jnuculile, vu'un jtuc ta to ono'ox xquil ta jba ta jsat ma' ti Dios une.

Salmos 16:11

Ta xavac'bun quil ta stamel batel sbelel ti cuxlejale. Ta atojol, jelavem ta j'ech'el ti muyubajele; sbatel osil xlaet no'ox ti o'ntonal ta atojole.

Salmos 17:15

Melel xcal ti vu'une, xlaet no'ox ta xca'i ta jq'uelbot ti asate, ta xquil ono'ox asat c'alal xiva'et liquele.

Salmos 31:19

Mu albajuc slequil yutsil avo'nton ta stojol ti buch'u ta xayaq'uic ta ich'el ta muq'ue. Achabioj lec jech c'u cha'al jun c'ulejal ti toyol stojole, ti ta sba ta satic ti viniquetic une, ta xavac'be yich' ti buch'u spatoj yo'ntonic ta atojole.

Isaías 56:5

x'ech' to yutsil ma' ti c'usi ta xcac'beique, ja' mu sta sc'oplal ti oyuc ti squerem stsebe. Ta xcac' que jti' ti mu xch'ay sc'oplal ta jch'ulnae, ti bejel ta xcom sbatel osile.

Malaquías 3:2

Ti sc'ac'alil ti ta xvul ta loq'uele, ¿buch'u la xu' to ta stoy ye sti'? ¿Buch'u la xu' to lec va'al ta xcom? Yu'un co'ol s'elan c'oc' ta xvul ta loq'uel yo' ta spoc stusotic. Yu'un co'ol s'elan xabon ta spoc loq'uel ti c'usitic jsoquesoj jbatic yu'une.

San Mateo 5:8

“Yan yutsil ti buch'utic oy slequil stuq'uil yo'ntonique, ti stuquique ta xilbeic sat ti Diose.

San Lucas 17:30

Ja' jech s'elan ti sc'ac'alil c'alal ta xicha'sut talel ti vu'un co'ol j'elantique.

San Lucas 20:36

Yu'un laj sc'oplal ta xchamic. Co'ol xa s'elanic jech c'u cha'al ti anjeletique. Yalab xnich'nabtac xa Dios ta sventa ti cha'cuxiique.

San Juan 1:12

Ja'uc ti buch'u ich'vanic ta muq'ue, ti c'ot ta yo'ntonic ta xch'unele, ac'bat stsatsalic ti c'otic ta xnich'nab Dios yu'une.

San Juan 11:52

Yu'un ma'uc no'ox ta xcham ta sventa ti israeletique, yu'un ja' ta xc'ot ta sventa stsobel scotol xnich'nab ti Dios ti buyuc no'ox tanijemic batele.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

Romanos 8:16

Ti Ch'ul Espíritu taje ja' stuc ta xac' jna'tic ta jol co'ntontic ti xnich'nabotic xa ti Diose.

Romanos 8:18

C'alal yacalotic ta vocol avi tana li'e, co'ol s'elan mu'yuc laj quich' jvocoltic c'alal ta jnoptic ti lequilal ti ta xvul ta loq'uel ti chapal sc'oplal ta xquich'tique.

Romanos 8:19

Scotol ti c'usitic meltsanbile, mu xa malabaj ta xa'iic ti vinajuc xch'a ta j'ech'el ti vo'otic xnich'nabotic ti Diose.

Romanos 8:29

Ti buch'utic vo'ne xa ono'ox ojtiquinbilic talel yu'un ti Diose, ta sliquebal ono'ox banomil yich'ojic ono'ox talel ti ta xc'otic jech chac c'u cha'al ti Xnich'one, yo' ta xc'ot ta banquilal yu'unic ti Xnich'on ta sventa ti c'u yepal tsobolotic ti c'otemic ta yits'inabtaque.

1 Corintios 13:12

Ja' jechotic avi tana li'e, mu xquiltic, mu jna'tic lec, co'ol s'elan ta jq'uel jsatic ta jun nen ti naca xvayet no'oxe. Ja'uc le'e, oy bu ta sta sc'ac'alil ta xcojtiquinbetic ti sate. Ja'uc tana li'e, jutuc no'ox ta jna'betic smelol. Ta sta yorail un ta yojtiquinel ti Dios jech c'u cha'al ta xijyojtiquinotique.

1 Corintios 15:49

Ti vi co'ol j'elantic jech c'u cha'al ti vinic pasbil ta lum ach'ele, co'ol s'elan ta xijc'ot xtoc jech c'u cha'al ti Buch'u liquem talel ta vinajele.

1 Corintios 2:9

Le'e, ja' c'ot ta pasel jech c'u cha'al ti xi ta xal ti ch'ul c'ope: “Ti c'usi mu'yuc to ilbile, ti c'usi mu'yuc to a'yinbile, ti c'usi mu'yuc to nopbile, chapal xa yu'un Dios ta sventa ti buch'utic c'ux ta xa'ie.”

2 Corintios 3:18

Jech ti vo'otique mu'yuc xa smac ti jsatique. Ta xcac'tic iluc yutsilal ti Cajvaltique jech c'u cha'al ta xac' xojobal ti nene. Yacal ta xijc'ot jech c'u cha'al ti Cristoe, yu'un yantic ta xquich'tic batel ti yutsilal slequilale. Taje, ja' yabtel ti Ch'ul Espíritu ta co'ntontic ti jmoj yo'ntonic xchi'uc ti Cajvaltique.

2 Corintios 4:17

Ti jvocoltic li' ta banomile mu jaluc, ta x'ech' sc'ac'alil, ta xjoybij ta jlequilaltic ti jun yutsil sbatel osile, xloc' venta.

Gálatas 3:26

Ta sventa ti c'otem ta o'ntonal ta xch'unel ti Jesucristoe, yalab xnich'naboxuc ti Dios ta sventa ti jech oyoxuc xa ta stojol ti Jesucristoe.

Gálatas 4:6

Yo' ta xac' ta ilel ti xnich'nabotic xae, ti Diose laj yac' talel ta co'ntontic Xch'ul Espíritu ti Xnich'one. Ta sventa ti Ch'ul Espíritue, xi ta xcaltic yu'une: “Jch'ul Tot Cajval.”

Filipenses 3:21

Ti jech mu'yuc yutsil slequil ti jbec'tal jtacopaltique, ta xtal sjeltabotic yo' jech ta xquich'tic jbec'taltic jech c'u cha'al ti stuc ti jun yutsil slequil ta j'ech'ele. Ta xc'ot ta pasel un, ta sventa ti smuc'ul stsatsale, yu'un oy ta yoc ta sc'ob scotol ti c'usitic oye.

Colosenses 3:4

Yu'un ja' xa c'otem ta acuxlejalic ti Cristoe. C'alal ta xcha'sut talele, jmoj ta xavinajic xchi'uc ti jun avutsilal alequilique.

Hebreos 9:28

Ja' jech ti Cristoe, jcoj no'ox aq'ue ta milel yo' jech ta xch'aybe smul scotol. Ts'acal to ta xtal xtoc un, ma'uc ti ta xtal stub ti mulile, ja' no'ox ta xtal scolta ti buch'utic smalaojique.

2 Pedro 1:4

Ta sventa taje, laj jtatic yu'un ti oy c'usitic jbel sc'oplal yaloj ta xac'botique, ti cajal ech'em sc'oplal ta j'ech'ele, sventa yo' ta xavich'beic c'u s'elan stalel stuc ti Diose, yo' ta xavictaic comel ta spasel ti c'usi naca soquesvanej xal o ti yac'oj joltic ta spasel li' ta banomile.

1 Juan 2:28

Avi tana une, Jnich'nab, junucoxuc ta stojol ti Cristoe yo' jech jun co'ntontic ta stojol ti c'alal ta xvul ta loq'uele, yo' mu xijq'uexav ta stojol c'alal ta xtale.

1 Juan 2:7

Ma'uc ach' mantal ti ta jts'ibaboxuc talel ti sc'oplale, Jchi'iltac, ja' ono'ox ti mantal ti oy ta atojolic ta sliquebale. Ti mantal taje, ja' ono'ox ti laj ava'iic talel sc'oplal ta vo'nee.

1 Juan 3:1

A'yio ava'iic, mu no'ox albajuc yepal syail xc'uxul yo'nton ti Jtotic Diose, ti laj sbisotic ta xnich'one, jech o xal xnich'nabotic ta melel. Jech o xal un, ti buch'utic sventainojic ti sba banomile, mu xa'ibeic smelol ti jech xnich'nabotic ti Diose, yu'un mu xojtiquinic ti Diose.

1 Juan 3:10

Xvinaj lec buch'utic xnich'nabtac ti Diose, xchi'uc buch'utic xnich'nabtac ti pucuje. Ti buch'utic mu'yuc c'usi lec ta spase, ti mu'yuc ta xc'uxubin ti yane, ma'uc xnich'on Dios.

1 Juan 3:21

Mi mu'yuc ta xac' jna'tic ti co'ntontic ti oy c'usi quechel mac cu'untique, Jchi'iltac, jpat co'ntontic ta stojol ti Diose.

1 Juan 5:1

Scotol ti buch'u c'otem ta yo'nton ta xch'unel ti ja' Cristo ti Jesuse, ja' xnich'on Dios ec. Ti jech c'ux ta xa'i ti Totile, c'ux ta xa'ibe xnich'nab ti Totil taje.

Apocalipsis 2:28

Ja' jech xtoc ta xcac'be yich'ic ti muc' ta c'anal ti ta xvinaj jujun sob ic'lumane.

Apocalipsis 22:4

Ta xilbe sba ti satique, xchi'uc yich'ojbeic sbi ti Dios ta sti'baique.