1 Juan 3:16 - Bible in Tzotzil de Chamula

¹⁶ Jna'tic lec c'u s'elan ma' ti c'uxul o'ntonale, yu'un ti Jesucristoe laj xa yac' sba ta milel cu'untic. Jechuc me co'ntontic ta scoltael ti jchi'iltique, manchuc mi ta xcac' jol jbaquiltic yu'un.

Tzotzil Zinacantan

¹⁶ Ti Jesucristoe iyacꞌ quiltic cꞌu xꞌelan ta jcꞌan jbatic yuꞌun iyacꞌ sba ta milel yoꞌ xicuxiotic o ta sbatel osile. Jaꞌ noꞌox yech tscꞌan ta jcꞌan jbatic uc. Muc ta alel mi jaꞌ lilajotic oe.

Bible in Tzotzil de Chenalhó with Deuterocanon

¹⁶ Li Jesucristoe laj yac' quiltic c'u x'elan li c'anvaneje, yu'un laj yac' sba ta milel ta jventatic. Ja'uc me jechutic ta sc'anel ec li jchi'iltique, ac'o me chijlajutic ta milel ta scojic.

Tzotzil San Andres

¹⁶ Li Jesucristoe iyacꞌ quiltic li cꞌu sba ta jcꞌuxubinan jbatique yuꞌun iyacꞌ sba ta milel ta jcojtic. Jaꞌuc me jechucutic eꞌuc, acꞌo me jcoltatic li jchiꞌiltactique manchuc mi te chijlaj ta milel ta scojic.

Tzotzil de Huixtán

¹⁶ Hech ti jna'tic ti c'uxucutic ti yo'nton ti Jesucristoe yu'un laj yac' sba ti milel ti jventatic. Hechuc me ac'o jpastic hech chaj c'u che'el laj spas ti Cristoe ac'o jcoltatic yantic manchuc mi te chijlaj ti milel yu'un.

1 Juan 3:16 Iomraidhean Croise

San Mateo 20:28

Ti vu'un co'ol j'elantique, mu'yuc tal mosovinvancun, tal cac' jba ta tunel, tal cac' jba ta milel yo' ta jtojbe scolelic ti mu albajuc yepal oyique.

San Juan 10:11

“Vu'unun ma' ti lequil j'il-chije. Ti lequil j'ilchije ta xac' sba ta milel ta sventa ti xchijtaque.

San Juan 10:15

“Jech c'u cha'al ti Jtot xiyojtiquine, jechun ec, xcojtiquin ti Jtote. Ta xcac' jol jbaquil yu'un ti chijetique.

San Juan 13:34

Xi ta xcalboxuc comel sc'oplal ti ach' mantale: J'ech'el c'uxuc xava'i abaic ta jujun tal jech c'u cha'al laj c'uxubinoxuque. Jechuc c'uxuc xava'i abaic ta jujun tal.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Romanos 16:4

Jutuc xa mu lajic ta milel ti stuquique yo' licol ti vu'une. Ma'uc no'ox vu'un ti coliyal xichie, yu'un jech ta xalic scotol ti jyanlum jch'unolajeletique.

Romanos 5:8

Ja'uc ti Diose laj yac' ta ilel ti c'ux ta xijya'iotique, yu'un laj yac' ta milel ti Cristo ta jcojtic ti c'alal jsa'mulilotique.

2 Corintios 4:12

Ti jech chapal sc'oplal xu' xichamcutic ta sventa ta xi'abtejcutic ta atojolique, yacal xa ta xataic ec ti acuxlejalique.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Efesios 5:25

Viniquetic ti vo'oxuc nupul ts'acaloxuque, c'uxubino ti avajnilique jech c'u cha'al ti Cristo ta xc'uxubin ti jch'unolajeletique, yu'un laj yac' sba ta milel ta sventaic.

Filipenses 2:17

Ac'o mi ta xmal ti jch'ich'el yo' ta xc'ot ta ts'aquiel ti co'ol s'elan matanal ta xavac'beic Dios ta sventa ta xc'ot ta avo'ntonic ta xch'unele, ximuyubaj xa, ta xataic ec ti xamuyubajic xa cu'une.

Filipenses 2:30

Yu'un jutuc xa mu laj yac' sjol sbaquil ta sventa ti ta xtun yu'un ti Cristoe, yu'un sjunul yo'nton laj sts'ic svocol ti laj yac' sba ta tunel cu'une, c'alal mu xu' avu'unic ta xtal acoltaicune.

1 Tesalonicenses 2:8

Ti jech toj ech'em c'uxoxuc ta co'ntoncutique, ma'uc no'ox laj calcutic ava'iic ti sc'op Diose, yu'un laj jip laj jten ti jcuxlejcutic ta aventaic yo' lec oyoxuque, yu'un mu tuch'bajoxuc ta co'ntoncutic.

SUN TITO 2:13

ti jech to li' yacalotic ta smalael ti muc' ta c'ac'al sc'ac'alil ti spatobil co'ntontic ti xi s'elan ta xc'ot ta pasele: ti jun yutsil xojobin no'ox ta xcha'sut talel ti Jcoltavanej Dios cu'untique, xchi'uc ti Cajvaltic Jesucristoe.

1 Pedro 1:18

Yu'un ti Diose laj scoltaoxuc loq'uel talel ti bu mu xtun ti acuxlejalic ti laj yac'boxuc comel ti amolmuc'totique. Xana'ic lec, ti stojol ti acoltaelique, ma'uc laj yich' tojel ta oro ta plata ti sna' xlaje.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

1 Juan 2:6

Ti buch'u ta xal ti junic xchi'uc ti Diose, jechuc cuxiuc jech c'u cha'al cuxi ti Jesucristoe.

1 Juan 2:9

Mi oy buch'u ta xal ti oy ta saquilal osile, ti xti'et to sjol ta stojol ti xchi'ile, jbel sc'oplal oy to ta ic'al osil.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.