1 Juan 3:13 - Bible in Tzotzil de Chamula

¹³ Jchi'iltac, mu me toj ch'ayeluc xc'ot avo'ntonic yu'un ti buch'utic sventainojic ti sba banomil ti xti'et sjolic ta atojolique.

Tzotzil Zinacantan

¹³ Voꞌotic ti jchiꞌil jbatic ta xchꞌunel li scꞌop Rioxe, mu me chopluc xavaꞌiic mi scꞌacꞌaloxuc yoꞌon ti muchꞌutic mu to ta xchꞌunique.

Bible in Tzotzil de Chenalhó with Deuterocanon

¹³ Quermanotac, mu me ch'ayeluc chc'ot avo'ntonic me chopol chayiloxuc li cristianoetic ti oyic ta sventa banamile.

Tzotzil San Andres

¹³ Li joꞌoxuc li coꞌol quichꞌojtic ta mucꞌ li Cajvaltique, mu me xchꞌay o avoꞌonic mi chopol chayilic li buchꞌutic mu xichꞌic ta mucꞌ li Cajvaltique.

Tzotzil de Huixtán

¹³ Quermanotac, mu me xch'ay avo'ntonic c'alal mi chayilintaoxuc ti crixchanoetique.

1 Juan 3:13 Iomraidhean Croise

Proverbios 29:27

Ti buch'u oy stuq'uilique mu ts'icbaj ta xa'iic ti buch'u mu'yuc xch'ulel xa'i sbaique, jech ec ti buch'u mu'yuc xch'ulel xa'i sbaique mu ts'icbaj ta xa'iic ti buch'u oy stuq'uilique.

Eclesiastés 5:8

Mu ch'ayaluc xc'ot avo'nton yu'un mi ta xavil jun muc' ta lum ilbajinbilic ti me'un mu'nate, ti mu xa xich'ic ta muc' ti lequil tuq'uil chapanele, xchi'uc ti oy c'usi tsots sc'oplal sc'an xich' pasele. Yu'un ti buch'u cajal yabtel yich'oje, ta xmucbat smul yu'un ti xjelav to cajal yabtel yich'oje. Xchibalic un ta xmucbat smul yu'un ti buch'u spajeb xa tsots yabtel yich'oje.

San Mateo 10:22

Ta jventa, scotolic contra ta xayiloxuc. Ti buch'u mu'yuc xchibaje, ti staoj o yav yo'nton xcham xlaje, ta xcol.

San Mateo 24:9

“Ti vo'oxuque ta xa'aq'ueic ta c'abal. Ta xavich'ic ilbajinel. Ta xavich'ic milel. Buch'uuc no'ox xti'et sjol ta atojolic ta jventa.

Marcos 13:13

Ta jventa buch'uuc no'ox ta xayich'ic ta contra. Mu lecuc ta xayilic. Ja'uc ti buch'u mu stsiq'ues yo'nton ti oy sc'oplal ta xcham xlaje, ta xil lequilal.

San Lucas 21:17

Scotol ti jnaclejetic ta sba banomile xti'et sjolic ta atojolic ta jventa.

San Lucas 6:22

“Yan yutsil ti vo'oxuc c'alal contrainbiloxuque, c'alal tacbiloxuc loq'uele, c'alal ilbajinbiloxuque, c'alal chopol c'optabil abiic ta jventa ti co'ol j'elantique.

San Juan 16:2

Yu'un ta xavich'ic jipel loq'uel ta ch'ul na. Xu' ta xc'ot ta pasel ti oy buch'u ta xasmiloxuc ti ta snopic ti ja' jech ta xtunic yu'un ti Diose.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

San Juan 17:14

Yu'un laj xa calbe ya'i ti ac'ope. Ja'uc le'e, contrainbilic yu'un ti jnaclejetic ta banomile, yu'un mu co'oluc yo'ntonic xchi'uc ti buch'utic oyic ta banomile, jech c'u cha'al ti vu'un mu co'oluc co'nton xchi'uque.

San Juan 3:7

Ti xi s'elan ta xcalbote, mu lo'iluc no'ox xava'i, yu'un acotolic tsots sc'oplal sc'an xacha'voq'uic ta ach'.

San Juan 7:7

Yu'un ti buch'utic co'ol avo'ntonic xchi'uque, mu'yuc xti'et sjolic ta atojolic. Ja'uc ti vu'une ta xiscontrainicun, ja' ti jamal ta xcalbe ya'iic ti c'usi chopol ta spasique.

Hechos 3:12

C'alal jech laj yil ti Pedroe, xi laj yale: —Jchi'iltac, ¿c'u cha'al toj elom ta xava'iic? ¿C'u cha'al ta xaq'ueluncutic ta jmec? ¿Mi yu'un ta xanopic ta jtsatsalcutic ta jlequilalcutic ti jech cole, ti jech ta xanav xa ti vinic li'e?

Romanos 8:7

Ti buch'u ta stalel stuc ta snopilan ti c'usi ta spasique, ta xc'otic ta yajcontra ti Diose, yu'un mu sc'an ta xich'ic ta muc' ti oy c'usi tsots sc'oplal albil yu'un ti Diose, mu ja'uc xtojobic ta xch'unel.

2 Timoteo 3:12

Yu'un ti buch'utic ta xc'uxul yo'ntonic ta xac' sbaic ta tunel ta stojol ti Cristo Jesuse, ta ono'ox xich' svocolic yu'un ti ilbajinele.

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

Apocalipsis 17:7

Va'i un, ti anjele xi laj yalbune: “¿C'u cha'al ch'ayal c'ot avo'nton yu'un? Ta xcal ava'i c'usi smelol ta xac' ta na'el sc'oplal ti ants le'e, xchi'uc sc'oplal ti jti'oval chon scajlebinoj batele, ja' ti jti'oval chon ti oy vucub sjole xchi'uc ti lajuneb xulube.