1 Juan 3:12 - Bible in Tzotzil de Chamula

¹² Mu me jechuc co'ntontic jech c'u cha'al ti Caine, ti laj smil ti yits'in ta scoj stotinoj ti pucuje. ¿C'u cha'al laj smil un? Yu'un ti c'usi ta spas ti Caine, toj chopol ta j'ech'el, ja'uc ti yits'ine, lec ti c'usi ta spase.

Tzotzil Zinacantan

¹² Mu me xapasic chac cꞌu chaꞌal ispas ti Caine. Ti Caine xchꞌamal pucuj, yechꞌo ti ismil ti yitsꞌine. Ti ismile, yuꞌun jaꞌ chopol cꞌusitic tspas ti stuque; ti yitsꞌine jaꞌ lec ti cꞌusitic tspase.

Bible in Tzotzil de Chenalhó with Deuterocanon

¹² Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.

Tzotzil San Andres

¹² Mu me xapasic jech chac cꞌu chaꞌal la spas li Caine. Li Caine ta scꞌob pucuj oy, jaꞌ tscoj ti la smil li yitsꞌine. ¿Mi xanaꞌic cꞌu chaꞌal la smil li yitsꞌine? La smil yuꞌun jaꞌ chopol li cꞌustic tspas li stuque, jaꞌ lec li cꞌustic tspas li yitsꞌine.

Tzotzil de Huixtán

¹² Hech yu'un mu me xapasic hech chaj c'u che'el laj spas ti Caine. Yu'un ti Caine oy ti sc'ob pucuj, hech yu'un laj smil ti yits'ine. Yu'un ja' toj ti c'utic laj spas ti yits'ine.

1 Juan 3:12 Iomraidhean Croise

Génesis 4:25

Ti Adane lic xchi'in yan velta ti yajnile. Laj yil jun squerem. Laj yac'be sbi Set. Yu'un xi laj yale: “Ti Diose laj yac'bun yan jquerem ti ja' xq'uexol ti Abele, ti laj ta milel yu'un ti Caine.”

2 Samuel 13:22

Ja'uc ti Absalone, yo'nton no'ox sna', mi ja'uc oy c'usi laj yalbe jset'uc ti Amnone, ac'o mi soquet sjol yu'un ta j'ech'el ti ilbajinbat ti yixlel ti Tamar sbie.

Salmos 37:12

Ti buch'u mu'yuc xch'ulel xa'i sbae, yacal ta sa'be smelol ta yilbel svocol ti buch'u stuc'ulanoj sbae, ta sti'emal xa sjol xnelet no'ox sat ta xq'uele yu'un.

Salmos 38:20

Ta jtoj ta jol yu'unic ti c'usi lec laj jpasbeique; yu'un oy ta co'nton ta spasel ti c'usi lec une, ta scontrainicun o xchi'uc.

Proverbios 27:4

Ti sti'emal scapemale, jsoquesvanej j'ac'-ti'ol ta j'ech'el, ja'uc ti buch'u xojol ta it'ixale, mu'yuc xpoxil.

Proverbios 29:10

Ti j'ac'vanej ta milele, xchi'uc ti buch'utic mu'yuc xch'ulel xa'i sbaique, juteb ta yo'ntonic ac'o chamuc ti buch'u oy stuq'uil yo'ntone.

Proverbios 29:27

Ti buch'u oy stuq'uilique mu ts'icbaj ta xa'iic ti buch'u mu'yuc xch'ulel xa'i sbaique, jech ec ti buch'u mu'yuc xch'ulel xa'i sbaique mu ts'icbaj ta xa'iic ti buch'u oy stuq'uilique.

San Mateo 13:19

Ti ts'unobal c'ot ta bee, ta svinajesbe smelol ti oy jlom ta xa'iic ti ventainel yu'un Dios ti oy ta vinajele. Tal ti pucuj ta stojolique, laj spojbe loq'uel ta yo'nton ti c'usi laj ya'iique.

San Mateo 13:38

Ti yav ts'unobale, ja' ti jnaclejetic oyic ta sbejel banomile. Ti lequil ts'unobale, ja' ti buch'utic ta xich'ic ta muc' ti ventainel yu'un ti Diose. Ti trigo t'ule, ja' ti buch'utic ventainbilic yu'un ti pucuje.

San Mateo 23:35

Jech o xal cajal ta xc'ot ta abaic ti lajic ta milel scotol ti lequil tuq'uil viniquetique, ti lic ono'ox talel ta stojol ti Abel ti oy slequil stuq'uile, ti vul c'alal ta stojol ti Zacarías xnich'on ti Berequiase, ti vo'oxuc laj amilic ta yut ch'ulna ta sts'el ti altare.

San Mateo 27:23

—¿C'usi chopol laj spas ti vinic li'e? —xi laj yal ti Pilatoe. —Jipano ta curus —xi cha'avanic ti stuquique.

San Mateo 5:37

Liquem talel ta stojol pucuj ma' ti jutbilal c'ope. Jech o xal alic, mi jech, yu'un jech; mi mo'oj, yu'un mo'oj.

San Lucas 11:51

Yu'un lic ono'ox talel ta stojol Abel, vul c'alal to ta Zacarías ti laj smilic ta sts'el ti altar ti ta ch'ulnae. Ja' yu'un un, ti jnaclejetic avi tana li'e, ta x'ich'bat yeic yu'un Dios ti jech lajic ti j'alc'opetic ta vo'nee.

San Juan 10:32

Xi laj yal ti Jesuse: —Ta sventa smuc'ul stsatsal ti Jtote, ep ti c'usi laj jpas ta aba ta asatique. ¿C'usi jtosucal yo' ta xavac'beicun ti ton yu'un une?

San Juan 8:40

Manchuc mi ta xcalboxuc ava'iic ti ja' chanubtasbilun yu'un ti Diose, ta xamilicun ava'iic. Ti Abrahame mu jechuc laj spas jech c'u cha'al le'e.

San Juan 8:41

Ja'uc ti vo'oxuque, ja' jech ta xapasic jech c'u cha'al ta spas ti atotique. Xi laj yalique: —Ti vu'uncutique ma'uc tsobbilal ololuncutic, yu'un oy jun jtotcutic, ja' ti Diose.

Hechos 7:52

¿Buch'u junucal ti j'alc'opetic ti mu'yuc laj yilbajinic ti amolmuc'totique? Laj smilic ti buch'utic laj yalbeic sc'oplal ti ta xtal ti Buch'u oy slequil yutsil yo'ntone. Tal tana un ti Buch'u oy slequil yutsil yo'ntone. Laj avaq'uic ta c'abal, laj amilic.

1 Tesalonicenses 2:14

C'alal laj avich'ic ilbajinel yu'un ti avinquilelique, Jchi'iltac, jech c'ot ta atojolic jech c'u cha'al ti buch'utic c'otemic ta yu'untac Dios ti oyic ta Judeae, ti ja' yu'untac ti Cristo Jesuse, yu'un laj yich'ic ilbajinel ec yu'un ti xchi'iltac ja' ti israeletique.

Hebreos 11:4

Ti jech c'otem ta yo'nton ta xch'unel ti Abele, x'ech' to yutsil laj yac'be smoton ti Diose, ja' mu sta ti Caine. Jech o xal ti Abele laj sta ti lec x'ile yu'un ti Diose, xchi'uc tsacbat ich'bat ti matanal ti laj yaq'ue. Manchuc mi chamem xa ti Abele, staoj to yav ta xvinajesbat sc'oplal ti jech c'otem ta yo'nton ta xch'unele.

Hebreos 12:24

Lanopajic xtoc ta stojol ti Jesuse, ti ja' j'et'esej-c'op yu'un ti ach' tratee. Lanopajic ta stojol xch'ich'el Jesús ti laj smale, ti ja' x'ech' to yutsil ta xac' ta na'ele, ti ja' mu sta sc'oplal xch'ich'el ti Abele.

1 Pedro 4:4

Avi tana ti stuquic une, labal ta xa'iic ti c'alal ta xilic ti mu'yuc xa ta xachi'inic ta spasel ti c'usi chopole, xchi'uc chopol ta xc'opojic ta atojolic.

1 Juan 3:8

Ja'uc ti buch'u ta sa'ilan ti smule, ventainbil yu'un ti pucuje, yu'un ti pucuje, ta sliquebal ono'ox talel, laj sa'ilan ti smule. Ja' sventa tal Xnich'on ti Diose yo' jech ta slilinbe yabtel ti pucuje.

Judas 1:11

¡Mu xa ono'ox cha'bel ma' ti stuquic une! Laj xa xchanbeic yo'nton ti Caine. Ta scoj ti oy ono'ox ta yo'ntonic ta spas ya'iic canal taq'uine, ch'ayic ta be jech c'u cha'al ti Balaame, ti Coree. Ta xchamic ta scoj ti stoyobbailique.

Apocalipsis 17:6

Laj quil un ma' ti antse, yacubem xchi'uc xch'ich'eltac ti buch'utic yu'untac ti Diose, xchi'uc xch'ich'eltac ti buch'utic laj yich'ic milel ta sventa ti jamal laj yalbeic sc'oplal ti Jesuse. Ch'ayal c'ot co'nton yu'un ti jech laj quile.