1 Juan 3:11 - Bible in Tzotzil de Chamula

¹¹ Xi s'elan ma' ti lequil c'op laj ava'iic talel ta sliquebale: c'uxuc xava'i abaic ta jujun tal.

Tzotzil Zinacantan

¹¹ Ti cꞌalal lic achꞌunic li scꞌop Rioxe, avaꞌiic ti tscꞌan ti coꞌolcoꞌol ta jcꞌan jbatic ta jcotoltique.

Bible in Tzotzil de Chenalhó with Deuterocanon

¹¹ Yu'un ja' jech li chanubtasel laj ava'yic tal ta sliquebale. Ja' ti ac'o jc'anan jbatic ta jcotoltique.

Tzotzil San Andres

¹¹ Li scꞌop Dios li avaꞌiic li cꞌalal lic achꞌunique, ta xal ti acꞌo jcꞌuxubinan jbatique.

Tzotzil de Huixtán

¹¹ Hech chal ti sc'op ti Diose ti laj ava'yic c'alal lic ach'unique: C'ux me xava'i abaic, ti xchie.

1 Juan 3:11 Iomraidhean Croise

San Juan 13:4

Ti jech yacal ta xve'ic ta mexae, va' xi liquel ta sloq'uel ti xcha'lomal sc'u'e, tsac xut jlic poc' ti laj sc'am ta xchucbenale.

San Juan 15:12

Ti jmantale xi s'elane: C'uxuc xava'i abaic ta jujun tal jech c'u cha'al laj jc'uxubinoxuque.

Gálatas 6:2

Cuchbo abaic ti avocolic ta jujun tale. Mi jech ta xapasique, ta xc'ot ta pasel avu'unic ti jbel smantal ti Cristoe.

Efesios 5:2

Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

1 Tesalonicenses 4:9

Ja'uc ti sc'oplal syail xc'uxul o'ntonal ta sventa ti achi'il abaique, mu xa tsotsuc sc'oplal ta xcalboxuc talel ta vun. Yu'un ja' stuc Dios laj xa yac'boxuc ana'ic c'u s'elan ta xac'uxubin abaic ta jujun tal.

1 Timoteo 1:5

Smelol ti mantal taje, ja'uc ti c'otuc ta o'ntonal ti c'uxuc xca'i jbatic ta jujun tal ti loq'uem ayanem ta slequilal o'ntonale, ti oyuc stuq'uil ti snopbenale, xchi'uc ti jamaluc lec ti o'ntonal ta xch'unel ti Cajvaltique.

1 Pedro 1:22

Avi tana ti jech tac'al c'ot ta avo'ntonic ta xch'unel ti lequil ach' c'op ti bu ja' melele, coltabiloxuc yu'un ti Ch'ul Espíritu ti jech mesbil pocbil xa lac'otic, yo' jech c'ux ta xava'iic ti jch'unolajeletique. Yu'un tsots sc'oplal, c'uxuc ta xava'i abaic ta sjunul avo'ntonic, ta sjunul avipic.

1 Pedro 3:8

Ja' yu'un un, ta xcalboxuc ava'iic acotolic, junuc avo'ntonic cuxianic, co'oluc junuc ti snopbenal avu'unique, ti c'uxuc xava'i abaic ta sventa ti jech jch'unolajeloxuque. Ta yutsiluc avo'ntonic, nijano chimano abaic.

1 Pedro 4:8

Ma'uc no'ox taje, tsots sc'oplal ti yepaluc oyuc ti syail xc'uxul avo'ntonic ta jujun tale. Yepal no'ox mulil ta xch'ay yu'un ma' ti syail xc'uxul o'ntonale.

1 Juan 1:5

Xi s'elan ma' ti laj quich'cutic chanubtasel yu'un ti Jesucristoe, ti ta xcalcutic ava'iic ta atojolique: sac jaman no'ox xojobal yutsilal ti Diose, mi jutebuc oy ic'al osil ta stojol.

1 Juan 4:11

Mi jech laj xc'uxubinotic ti Diose, Jchi'iltac, jech o xal un, jechuc me c'uxuc xca'i jbatic ta jujun tal.

1 Juan 4:21

Yu'un ti Cajvaltic Jesucristoe xi laj yalbotic comel ti smantale: “Ti buch'u c'ux ta xa'i ti Diose, ac'o c'uxuc ta xa'i xtoc ti xchi'iltaque.”

1 Juan 4:7

Tsots sc'oplal ti c'uxuc xca'i jbatic ta jujun tale, Jchi'iltac, yu'un ti syail xc'uxul o'ntonale, ja' liquem talel ta stojol ti Diose. Buch'uuc no'ox ti oy syail xc'uxul yo'ntone, ja' xnich'on Dios, xchi'uc xojtiquin ti Diose.

2 Juan 1:5

Ti jech c'uxoxuc ta co'ntone, Jchi'iltac, ta jc'anboxuc vocol ta atojolic, ti x'ech'uc to me c'uxuc xca'i jbatic ta jujun tal. Ti jech ta jts'iba talel ti jvun ta atojolique, ma'uc jun ach' mantal; ja' ono'ox ti mantal laj ava'iic talel ta sliquebale.