1 Juan 2:8 - Bible in Tzotzil de Chamula

⁸ Manchuc mi jech un, co'ol s'elan ach' mantal ta jts'ibaboxuc talel ta atojolic. Yu'un jbel sc'oplal vinaj ta stojol ti Cristo jech c'u cha'al ta xvinaj ta atojolique. Yu'un xojobin xa talel ti saquilal osil ta atojolique, laj xa avictaic comel ti ic'al osile.

Tzotzil Zinacantan

⁸ Coꞌol xchiꞌuc achꞌ mantal yaꞌel yuꞌun tsots scꞌoplal. Ti Jesucristoe iyacꞌ iluc ti chcꞌanvane. Jaꞌ noꞌox yech avacꞌojic xa iluc ti cꞌanvanemoxuque yuꞌun chcom xa avuꞌunic li cꞌusitic chopole, jaꞌ xa chapasic li cꞌusitic leque.

Bible in Tzotzil de Chenalhó with Deuterocanon

⁸ Pero li c'usi ta jts'ibaboxuc li'i ja' ach' mantal ta xc'ot avu'unic. Chvinaj ta sventa Cristo ti ja' melele, xchi'uc chvinaj ta aventaic ec li vo'oxuque. Yu'un ta xjelov xa batel li ic' osile; ja' xa xojoban tal li sac osile.

Tzotzil San Andres

⁸ Ti liꞌ chajtsꞌibabeique, jaꞌ ta xcꞌot ta achꞌ mantal avuꞌunic yuꞌun jaꞌ tsots scꞌoplal. Yuꞌun mi ta jcꞌuxubinan jbatique, jaꞌ chcom cuꞌuntic li cꞌustic chopole. Jaꞌ xa ta xquichꞌbetic yoꞌon li Jesucristoe yuꞌun toj cꞌuxutic ta yoꞌon.

Tzotzil de Huixtán

⁸ Jun to ach' mantal yu'un tsots sc'opilal, hech yu'un chajcha't'abesboxuc ti avo'ntonic yan vuelta. Yu'un mi chijc'uxubinvan, chcom cu'untic ti c'usi chopole. Ja' ti jts'aclitic ti Jesucristoe hech chaj c'u che'el ic'uxubinvane.

1 Juan 2:8 Iomraidhean Croise

Salmos 27:1

Ti Dios une, sac jaman no'ox ta jtojol, jpojvanej cu'un, ¿mi oy la buch'u ta xac'bun xi'el? Ti Diose ta stic' sba ta jpojel un, ¿buch'u la ta xixi' yu'un un?

Salmos 36:9

Yu'un ti xcuxlejale, j'ech'el oy ta avoc ta ac'ob ta sbainel; ta axojobal ta xquilcutic ti saquilal osil une.

Salmos 84:11

Yu'un ti Ajvalil Diose ta xac'botic ti saquil osile, ta stic' sba ta jpojeltic. Ti Diose mu tuch'baj ta xa'i, ta xac' ta ich'el ta muc' ti buch'u ta stuc'ulan sbaique, mu'yuc c'usi ta xjaltabatic jutebuc.

Isaías 9:2

Ti jnaclejetique, ti mu to ox xilic ti saquilal osil ti bu stamojic batele, sac jaman no'ox ti banomil lic yilique. Ech'em no'ox yutsil xchijlajan yutsil ti banomil laj yilic ti mu xilic to ox ti saquilal osile.

Malaquías 4:2

Ja'uc ti vo'oxuc une, ti nijil chimiloxuc ta yich'elun ta muq'ue, jech ti pojel c'uxubinel cu'une xtixet no'ox vulel ta atojolic co'ol s'elan xojobal ti c'ac'ale, yu'un ja' ach'iel ac'opojelic ti xtixet no'ox vulel ta atojolique. Jech ti vo'oxuque, natic no'ox xabitic ta muyubajel jech c'u cha'al ti ch'iom vacaxetic c'alal ta xloc' batel ta scorrale.

San Mateo 4:16

scotol ti jnaclejetic taje, ti oyic ta ic'al osile, laj yilic saquilal osil un. Ti buch'utic oyic ta squeoval ti chamel lajebale, c'ot ta stojolic un ti saquilal osile.”

San Lucas 1:79

ta yac'bel saquilal osil ti buch'u oyic ti bu spajebal xa ic' ti osile, xchi'uc ta stael lamajemuc ti o'ntonale.”

San Juan 1:9

Talem xa ta banomil ma' ti Buch'u ta xac' ti xojobal ta stojol scotol ti jnaclejetic ta banomile.

San Juan 12:35

Xi ti Jesuse: —Li' to oy ta atojolic ti saquilal osile. Ja' no'ox un, mu xa jaluc li' oye. Xanavanic ta stojol ti saquilal osile yo' to li' oy ta atojolique, yo' mu ch'ayaluc avo'ntonic xastaoxuc ti ic'al osile. Yu'un ti buch'u ta xanav ta ic'al osile, mu sna' bu ta xbat.

San Juan 12:46

Yu'un saquilal osilun lital ta banomil yo' jech ti buch'u ta xc'ot ta yo'nton ta xch'unelune, mu xcom ta ic'al osil.

San Juan 13:34

Xi ta xcalboxuc comel sc'oplal ti ach' mantale: J'ech'el c'uxuc xava'i abaic ta jujun tal jech c'u cha'al laj c'uxubinoxuque. Jechuc c'uxuc xava'i abaic ta jujun tal.

San Juan 8:12

Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

Hechos 17:30

Ti ta vo'nee, ti Diose laj sts'icbe talel sbolil sjol yo'ntonic ti jnaclejetic ta scoj ti mu sna'ique. Avi tana une, ta xalbe ta sbejel banomil ti suticuc talel ta stojole.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Romanos 13:12

Po'ot xa x'ech' ti ac'ubale, yu'un ta xa sacub talel ti osile. Jech o xal un, quictatic ta spasel ti c'usitic sventa ic'al osile. Lapic ti amacobbailic ta spasel ta sventa ti saquil osile jech c'u cha'al junuc soldado ti slapoj ti smacobbaile.

2 Corintios 8:9

Yu'un ti vo'oxuque xana'ic lec, ta sventa ti oy yutsilal slequilal yo'nton ti Cajvaltic Jesucristoe, joybij ta me'un c'alal jc'ulej ono'oxe, yo' jech c'ulej ta xac'otic ta sventa sme'unal ti Cajvaltique.

Efesios 5:8

Ta vo'ne ti vo'oxuque, oyoxuc to ox ta ic'al osil ti naca vocol xale. Avi tana li'e, oyoxuc ta saquilal osil ta sventa ti junoxuc xchi'uc ti Cajvaltique. Jech o xal un, ac'beic yipal ta spasel jech c'u cha'al ti buch'utic oy ta saquilal osile.

2 Timoteo 1:10

Avi tana une, vinaj ti syail xc'uxul yo'nton Dios ta sventa ti vul ta loq'uel ti Jcoltavanej Jesucristoe, ti tal stubbe yip stsatsal ti lajebale. Yu'un ta sventa ti colebal lequil ach' c'ope, laj xa yac' ta na'el ti laj xa jtatic ti jcuxlejaltic ti mu sna' xlaje.

1 Pedro 1:21

Ta sventa ti Cristoe, teq'uel c'ot ta avo'ntonic ti Dios ti laj xcha'cuxes c'alal cham ti Jesucristoe, xchi'uc ti laj yac'be yich' ti slequilal yutsilale. Jech o xal ti vo'oxuc une, teq'uel c'ot ta avo'ntonic, xchi'uc amalaojic ti oy c'usi ta xa'ac'batic yu'un ti Diose.

1 Juan 3:23

Ti smantale, ja' ti c'otuc ta o'ntonal ta xch'unel ti Jesucristo ti ja' Xnich'one, xchi'uc ti c'uxuc xca'i jbatic ta jujun tal jech c'u cha'al laj yalbotique.

1 Juan 4:11

Mi jech laj xc'uxubinotic ti Diose, Jchi'iltac, jech o xal un, jechuc me c'uxuc xca'i jbatic ta jujun tal.

1 Juan 4:21

Yu'un ti Cajvaltic Jesucristoe xi laj yalbotic comel ti smantale: “Ti buch'u c'ux ta xa'i ti Diose, ac'o c'uxuc ta xa'i xtoc ti xchi'iltaque.”