1 Juan 2:7 - Bible in Tzotzil de Chamula

⁷ Ma'uc ach' mantal ti ta jts'ibaboxuc talel ti sc'oplale, Jchi'iltac, ja' ono'ox ti mantal ti oy ta atojolic ta sliquebale. Ti mantal taje, ja' ono'ox ti laj ava'iic talel sc'oplal ta vo'nee.

Tzotzil Zinacantan

⁷ Voꞌotic ti jchiꞌil jbatic ta xchꞌunel li scꞌop Rioxe, maꞌuc achꞌ mantal ti chajtsꞌibabeic tale. Jaꞌ onox ti avaꞌyojic ti cꞌalal lic achꞌunic li scꞌop Rioxe, jaꞌ ti acꞌu jcꞌan jbatique.

Bible in Tzotzil de Chenalhó with Deuterocanon

⁷ Vo'oxuc ti lec jc'anojoxuque, muc ach' mantaluc ta jts'ibaboxuc tal li'i. Ja' ono'ox li mantal la'albatic ta sliquebale; ja' li vo'one mantal ti ava'yojic ono'oxe.

Tzotzil San Andres

⁷ Joꞌoxuc li cꞌuxoxuc ta coꞌone, maꞌuc achꞌ mantal li liꞌ chajtsꞌibabeic batele. Jaꞌ onoꞌox li mantal li avaꞌiojic li cꞌalal lic avichꞌic ta mucꞌ li Cajvaltique, jaꞌ ti acꞌo jcꞌuxubinan jbatique.

Tzotzil de Huixtán

⁷ Ho'oxuc ti c'uxoxuc ti co'ntone, ma'uc ach' mantal chajts'ibaboxuc. Ja' no'ox chajcha't'abesboxuc ti avo'ntonic ti mantal ti vo'one xa ava'yojique c'alal lic ach'umbeic sc'op ti Cajvaltique. Ja' ti c'ux chava'i abaique.

1 Juan 2:7 Iomraidhean Croise

Levítico 19:18

“Mu me ja'uc xapas ti ta xa xapac ava'i sutele. Mi ja'uc ti xti'et xa xcapet xa ajol ta stojol ti avinquilele. C'uxubino ti avinquilel jech c'u cha'al ta xac'uxubin abae. Yu'un vu'un ti Ajvalilune.

Levítico 19:34

Biso ta junuc achi'ilic. Oyuc syail xc'uxul avo'nton ta stojol, yu'un co'ol oy ach'ulelic. Ma'uc no'ox taje, yu'un jyanlum la'ech'ic ta Egipto. Yu'un vu'un ti Ajvalil Diosun avu'unique.

San Mateo 5:43

“Ava'binojic xtoc xi albatic ti amolmuc'totique: ‘C'uxubino ti buch'u lec xavil abaic achi'uque, contraino ti avajcontrae.’

San Juan 13:34

Xi ta xcalboxuc comel sc'oplal ti ach' mantale: J'ech'el c'uxuc xava'i abaic ta jujun tal jech c'u cha'al laj c'uxubinoxuque. Jechuc c'uxuc xava'i abaic ta jujun tal.

Hechos 17:19

Va'i un, yic'ojic batel ta tsobobbail ti sbiinoj ti bu nopem xa'i ta sbijubtas sbaique, ti xi laj sjac'beique: —¿Mi xu' xavac' ta na'el c'usi ti ach' chanubtasel avich'oj talel ta jtojolcutique?

Deuteronomio 6:5

“Ta sjunuluc avo'nton, ta sjunuluc ach'ulel, ta sjunuluc avip, c'uxuc xava'iic ti Ajvalil Dios avu'une.

Hebreos 6:9

Ti jech jchi'il jbatique, manchuc mi jech laj calcutic, mu jechuc avo'ntonic. Jna'cutic ti jbel sc'oplal atamojic batel sbelel ti coltaele.

1 Juan 2:24

Jech o xal un, bejbunuc o ta avo'ntonic ti lequil ach' c'op ti laj ava'iic talel ta sliquebale. Mi jech xbejbun o ta avo'ntonic ti c'u s'elan laj ava'iic talel ta ba'yele, junoxuc xchi'uc ti Nich'onile, xchi'uc ti Dios Totile.

1 Juan 3:11

Xi s'elan ma' ti lequil c'op laj ava'iic talel ta sliquebale: c'uxuc xava'i abaic ta jujun tal.

1 Juan 3:2

Xnich'nabotic xa Dios, Jchi'iltac. Mu'yuc to quilojtic ti c'u s'elan ta jtatique. C'alal mi tal ti Jesucristoe, jna'tic xa ti jech ta xijc'ot jech c'u cha'al ti stuque, yu'un ta xquiltic ti c'u s'elane.

1 Juan 3:21

Mi mu'yuc ta xac' jna'tic ti co'ntontic ti oy c'usi quechel mac cu'untique, Jchi'iltac, jpat co'ntontic ta stojol ti Diose.

1 Juan 3:23

Ti smantale, ja' ti c'otuc ta o'ntonal ta xch'unel ti Jesucristo ti ja' Xnich'one, xchi'uc ti c'uxuc xca'i jbatic ta jujun tal jech c'u cha'al laj yalbotique.

1 Juan 4:1

Jchi'iltac, mu xach'unbeic scotol ti ta xalic ti ja' liquem talel ta stojol ti Diose. A'yibeic yo'nton ba'yel yo' jech ta xvinaj mi ja' Ch'ul Espíritu yu'un Dios ti oy ta stojolique, mi ma'uc. Yu'un ti banomil avi tana li'e, nojem ta epal jutc'opetic.

1 Juan 4:11

Mi jech laj xc'uxubinotic ti Diose, Jchi'iltac, jech o xal un, jechuc me c'uxuc xca'i jbatic ta jujun tal.

1 Juan 4:21

Yu'un ti Cajvaltic Jesucristoe xi laj yalbotic comel ti smantale: “Ti buch'u c'ux ta xa'i ti Diose, ac'o c'uxuc ta xa'i xtoc ti xchi'iltaque.”

1 Juan 4:7

Tsots sc'oplal ti c'uxuc xca'i jbatic ta jujun tale, Jchi'iltac, yu'un ti syail xc'uxul o'ntonale, ja' liquem talel ta stojol ti Diose. Buch'uuc no'ox ti oy syail xc'uxul yo'ntone, ja' xnich'on Dios, xchi'uc xojtiquin ti Diose.