1 Juan 2:3 - Bible in Tzotzil de Chamula

³ Mi ta jch'unbetic smantal ti Diose, jna'tic lec unbi ti xcojtiquintic leque.

Tzotzil Zinacantan

³ Ti mi ta jchꞌunbetic cꞌusi chiyalbotic ti Rioxe, jnaꞌojtic ti quichꞌojtic xa ta muqꞌue.

Bible in Tzotzil de Chenalhó with Deuterocanon

³ Me ta jch'unbetic li smantaltac Diose, jech ta jna'tic o ti xcotquintic xae.

Tzotzil San Andres

³ Mi ta jchꞌunbetic li smantaltac li Diose, jaꞌ jnaꞌtic o ti xcojtaquintic xa li Diose.

Tzotzil de Huixtán

³ Yu'un ti jc'an ti jch'umbetic smantal ti Diose, hech ti jna'tic ti yol snich'onucutique.

1 Juan 2:3 Iomraidhean Croise

Salmos 119:32

Yu'un cac'ojbe xa yipal ta spasel batel ti amantaltaque, yu'un mu no'ox albajuc laj avac'bun ti smuyubajel co'ntone.

Salmos 119:6

Yu'un mi ta jch'un ta spasel scotol ti c'usi sc'an ti amantaltaque, mu xc'ot ta jtojol ti nijilun ta xicom ta q'uexlale.

Isaías 53:11

C'alal mi ech' xa ox ta stojol ti mu albajuc vocolajele, ja' to ta xlic sac jamtajuc ti osil banomil ta xa'ie, laj yil ta sq'uelel ti mu'yuc c'usi sna' ta j'ech'ele. Ti lequil yajtunel Diose, ep buch'u ta sta scolel yu'un, ja' ti laj sbainbe ta xcuchbel ti smul scolo'ique.

San Lucas 6:46

“¿C'u cha'al, ‘Cajval, Cajval’, xachiic c'alal mu'yuc ta xapasic ti c'usi ta xcale?

San Juan 14:15

“Mi c'ux ta xava'iicune, ta xach'unic ti jmantal unbi.

San Juan 15:10

Mi ta xavich'ic ta muc' ta xch'unel ti jmantale, oy ta atojolic ti syail xc'uxul co'ntone, jech c'u cha'al ta jch'unbe smantal ti Jtote, staoj yav oy ta jtojol ti syail xc'uxul yo'ntone.

San Juan 15:14

Mi ta xapasic ti c'usi ta xcalboxuque, lec xquil jbatic.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

2 Corintios 4:6

Yu'un ja' laj yal stuc ti Diose ti xojobinuc ti luz ta ic'al osile. Jech xtoc laj yac' xojobinuc ta co'ntontic ti luze yo' jech ta xcojtiquinbetic yutsilal slequilal ti Dios ti xojobin no'ox yutsil ta stojol ti Jesucristoe.

Hebreos 5:9

Ti c'alal laj spas scotol ti c'usi oy ta yo'nton ti Diose, c'ot ta banquilal Jcoltavanej yu'unic sbatel osil ti buch'utic ta xc'ot ta yo'ntonic ta xch'unele.

1 Juan 2:13

Ti jech ta jts'ibaboxuc talel li'e, totil me'iletic, yu'un laj xa avojtiquinic ti Buch'u oy xa ono'ox c'alal lic meltsajuc talel scotole. Ti jech ta jts'ibaboxuc talel li'e, querem tsebetic, yu'un laj xa apech'ic ta teq'uel ti pucuje. Ti jech ta jts'ibaboxuc talel li'e, Jnich'nabtac, yu'un laj xa avojtiquinic ti Jtotic Diose.

1 Juan 3:14

Ti vo'otique, lijelavotic xa batel ta lajebal chamebal, lij'ochotic xa batel ta sventa cuxlejal. Jna'tic lec un, yu'un c'ux ta xca'itic ti jchi'iltique. Ti buch'u mu'yuc c'ux ta xa'i ti xchi'ile, chamem.

1 Juan 3:19

Ti jech taj une, ta jna'tic ti ja' melel ti c'usi ta xcaltique, xchi'uc ta xca'itic ti jun co'ntontic va'alotic ta stojol ti Diose.

1 Juan 3:6

Ja' yu'un un cha'e, scotol ti buch'u junic xchi'uc ti Jesucristoe, ma'uc xa ta sa'ilan ti smulique. Scotol ti buch'utic ta sa'ilan ti smulique, mu'yuc yiloj, mu sna'be yo'nton ti Jesucristoe.

1 Juan 4:13

Svinajeb ti oyotic ta stojol ti Diose, ti oy ti Dios ta jtojoltique, ja' ti laj yac'botic ti Ch'ul Espíritu yu'une.

1 Juan 4:7

Tsots sc'oplal ti c'uxuc xca'i jbatic ta jujun tale, Jchi'iltac, yu'un ti syail xc'uxul o'ntonale, ja' liquem talel ta stojol ti Diose. Buch'uuc no'ox ti oy syail xc'uxul yo'ntone, ja' xnich'on Dios, xchi'uc xojtiquin ti Diose.

1 Juan 5:19

Jna'tic ti yu'unotic ti Diose. Jna'tic ti pasbilic ta mantal yu'un pucuj scotol ti jnaclejetic ta banomile.

1 Juan 5:2

C'alal c'ux ta xca'itic ti Diose, ti ta jpastic ti c'usi ta sc'ane, ta jna'tic unbi ti c'ux ta xca'itic xnich'nabtac ti Diose.

1 Juan 5:3

Ti jech c'ux ta xca'itic ti Diose, ja' smelol ta xich' ch'unbel ti smantale, yu'un ti smantaltaque mu vocoluc ta ch'unel.

Apocalipsis 12:17

Ti jech taj une, ti muc' ta tsajal jti'oval chone, x'ech' to cap sjol ta stojol ti antse, ba stsac ta leto snitilultac ti antse, ti buch'utic ti c'otem ta pasel yu'unic smantaltac ti Diose, xchi'uc ti buch'utic jamal ta xalic ti c'otem ta yo'ntonic ta xch'unel ti Jesucristoe.

Apocalipsis 14:12

Ti buch'utic ja' yu'untac ti Diose, sc'anuc xa no'ox yip yo'ntonic ti c'otem ta ch'unel yu'unic ti smantaltaque, xchi'uc ti jun yo'ntonic ta stojol ti Jesuse.

Apocalipsis 22:14

Yan yutsil ti buch'utic laj yaq'uic ta chuq'uel ti sc'u'ique yo' xu' ta slo' ti sat te' ta xac' ti cuxlejale, yo' ta x'ochic batel ta sti'tac ti jteclume.