1 Juan 2:16 - Bible in Tzotzil de Chamula

¹⁶ Yu'un ma'uc liquem talel ta stojol Dios ti c'usi ta xac' ti sba banomile, yu'un liquel talel ta stojol ti sba banomil ono'oxe. Xi s'elan ta xac' sc'upijel ti banomile: ja' ti sc'upijel o'ntonale, ti c'usi lec ta xil ti satile, ti xijtoyet xa yu'un ti c'usi oy x'ayan li' ta banomile.

Tzotzil Zinacantan

¹⁶ Li cꞌusitic chal coꞌontic jtuctique, xchiꞌuc ti chpichꞌ o coꞌontic li cꞌusitic oye, xchiꞌuc ti mu xa muchꞌu xistaotic chcaꞌitique, scuenta noꞌox sba balamil, maꞌuc yech tscꞌan yoꞌon ti Jtotic Riox ta vinajele.

Bible in Tzotzil de Chenalhó with Deuterocanon

¹⁶ Yu'un scotol li c'usitic oy li' ta banamile, ja' li c'usi chopol tsc'an jbec'taltique, li c'usi tsc'upin jsatique, li toybail ta sventa c'ulejalile, le'e ma'uc te liquem tal ta stojol li Jtotic Diose; ja' sventa no'ox banamil.

Tzotzil San Andres

¹⁶ Li buchꞌutic mu xichꞌic ta mucꞌ li Diose, jaꞌ noꞌox batem ta yoꞌonic ta spasel li cꞌustic tscꞌan stuquique, schiꞌuc jaꞌ noꞌox batem ta yoꞌonic tscꞌanic li cꞌustic cꞌupil sba chilique, schiꞌuc stoyoj noꞌox sbaic schiꞌuc li cꞌustic oy yuꞌunique. Li Jtotic Diose jaꞌ mu scꞌan mi jech ta jpastic eꞌuc li joꞌotique yuꞌun sventa noꞌox osil balumil.

Tzotzil de Huixtán

¹⁶ Ti crixchanoetique ti li'oyic ti balumile ja' batem ti yo'ntonic ti c'utic tsc'an ti sbec'talique xchi'uc ti c'utic lec chilic ti satique, xchi'uc ti c'utic tstoy sbaic yu'une. Ja' mu sc'an ti Jtotic Diose mi hech to ti jpastic uc hech chaj c'u che'el ti tspasic ti crixchanoetique.

1 Juan 2:16 Iomraidhean Croise

Génesis 3:6

Ti antse c'upil sba laj yil ti sat te'e. Yo'ntonuc xa slo' ya'i yo' jech ta xbijub. Laj xtuch' jbej ti sat te'e, laj slo'. Ts'acal to laj yac'be ti smalale, laj slo' ec.

Génesis 6:2

Jech ti buch'utic c'otic xa ta bats'i xnich'nab ti Diose, laj yilic ti toj c'upil sba ti antsetique. Ja' yu'un un, tey lic st'ujic ti bu junucal ta sc'an ta xiq'uic ta scotole. Laj yic' sbaic xchi'uc ti bu c'ot ta yo'ntonique.

Job 31:1

Calojbe jba mantal ta j'ech'el ti mu xc'upij co'nton yu'un ti tsebal antsetique.

Salmos 73:6

Jech o xal un, c'otem ta yuilic ti stoyobbailique; c'otem ta sc'u'ic ta spasel ti c'usi chopole.

Salmos 78:18

Laj slajeltsaic ta sc'anbel sve'elic ti bu xa c'alal xal ti yo'ntonique.

Salmos 78:30

Le' une, mu'yuc to ta sta lec ti yo'ntonique, naca to ta stic' ta ye ti sve'elique,

Proverbios 27:20

Ti lajebale, ti muquinale, ti sc'upijel o'ntonale mu'yuc spajeb ta xc'anolaj.

Proverbios 6:25

Mu aq'uelojuc aba ta xbic'taj avo'nton yu'un ti sc'upilale, ti ava'binoj aba yu'un ti stse'et ta spase.

Daniel 4:30

ti xi lic yalbe sbae: “C'u xa no'ox yutsil ta xilic ti q'ue smuc'ul bat ti jteclum Babiloniae. Yu'un ta jmuc'ul jtsatsal, meltsaj cu'un ti jech muq'uib ta j'ech'ele yo' jech c'ot ta jtsobvanej jteclum ti bu ta jpas-mantale, yo' jech ta xquicta comel jna'obil ti oy jmuc'ul jtsatsal li'ech'e.”

Números 11:34

Jech o xal ti bu taje, laj yac'beic sbiin Kibrot-hataavae. Yu'un ti bu taje, laj yich'ic muquel ti buch'utic ja' no'ox snopoltaojic ti ve'ele.

Números 11:4

Ta stojolic ti israeletique, ep xa scapoj sbaic ti yantic o ti c'u s'elan ti stalelic yich'ojic talele, ti ve'lil no'ox snopoltaojique. Jech ti israeletique laj xchanbeic yo'ntonic ti x'oc'oletic xa liquel ti xi lic yalique: “¡Ti oc no'ox la c'uxi ta utel ti yacal xa ta xijve' ta beq'uet une!

San Mateo 4:8

Ti pucuje laj yic' batel xtoc ta jun toyol vits ti bu laj yac'be yil scotol yutsilal slequilal ti muc'tiquil lume.

San Mateo 5:28

Ta xcalboxuc ava'iic, buch'uuc no'ox ta sq'uel jun ants ti oy ta yo'nton ta sc'upin ya'ie, co'ol s'elan laj xa sc'upin ta x'ile yu'un ti Diose.

San Lucas 4:5

Laj taj une, ic'bil batel yu'un ti pucuj ta jun toyol vits ti bu ta ora no'ox laj yac'be yil scotol yutsilal ti lumetic oy ta sjoylej banomile.

Romanos 13:14

Ja' lec, maco abaic ta sventa smuc'ul stsatsal ti Cajvaltic Jesucristoe yo' mu staojuc yav c'upil ta xava'i ta spasel stalel ti lum ach'ele.

1 Corintios 10:6

Scotol ti va'i s'elan taje, ta xac' ta na'el ti mu jechuc jpastic ti xbat ta co'ntontic yu'un ta spasel ti c'usi chopole jech c'u cha'al laj spas ti stuquique.

Gálatas 5:17

Yu'un ti talelale, contra xil sbaic xchi'uc ti Ch'ul Espíritue. Ti Ch'ul Espíritue, contra xil sbaic xchi'uc ti talelale. Contra xil sbaic ta jujun tal. Jech o xal mu xc'ot ta pasel avu'unic ti c'usi ta xac'anique.

Gálatas 5:24

Ti buch'utic c'otemic ta yu'untac ti Cristo Jesuse, laj xa yaq'uic ta jipanel ta curus ti stalelique, xchi'uc ti svocol yu'un ti sc'upijel yo'ntonique.

Efesios 2:3

Ja' jech to ox j'elantic jcotoltic ta vo'ne, cac'ojbetic yipal ta spasel ti c'usi ta xal ti o'ntonale, ti naca jsa' no'ox batel jmultic yo' ta xc'ot ta pasel ti c'usi lec ta xa'i ti lum ach'ele. Ti jech taj une, xijtun o ti co'ol xquich'tic tsots tsitsel yu'un Dios jech c'u cha'al ta xich'ic ti yane.

SUN TITO 2:12

Ti yutsil slequil yo'nton ti Dios taje ta xac' jna'tic ti ac'o quictatic comel ta spasel ti c'usi chopole xchi'uc ti sc'upijel o'ntonal yu'un ti sba banomile, ti jtamticuc batel ti lequil cuxlejal li' ta sba banomile, ti lecuc oyotique, ti oyuc stuq'uil jol co'ntontique, ti jun co'ntontic ta yich'el ta muc' ti Diose,

SUN TITO 3:3

Yu'un ta vo'ne ti vo'otic eque, toj alticotic, toyobbaotic ta stojol ti Diose. Ch'ayemotic ta be. Ochemotic ta mosovil yu'un ti c'usi lec ta xa'i ti co'ntontique. Ja' cuxulotic ta spasel ti c'usi chopole, ti it'ix o'ntone, ti soquet to ox ti joltique, ti chopol xquilan jbatic ta jujun tale.

Santiago 3:15

Ti jech bijilil taje ma'uc liquem talel ta stojol ti Diose, sbijil no'ox banomil, sbijil no'ox jnaclejetic, yu'un ja' xa sbijil stuc ti pucuje.

Santiago 4:16

Ja'uc le'e, xatoyetic xa xchi'uc ti ac'opique. Yu'un scotol ti jech toyobbail taje, chopol ta j'ech'el.

Josué 7:21

Laj quil ta scotol ti c'usi laj jtamcutic ta Jericoe, ja' jlic poc' ti c'upil sba ti liquem talel ta Babiloniae, lajunvinic (200) ta sep plata taq'uin, xchi'uc jtel oro ti x'ech' jutuc ta o'lol kilo ti yalale. C'upij co'nton yu'un ti jaytos taje. Laj quich' comel. Laj jombe xch'enal ta yut caxibal na, laj jmuc ti taq'uine.

1 Pedro 1:14

Ti jech jch'unej mantal nich'nabiloxuque, mu xa me jechuc staoj yav ta q'uelel acuxlejalic jech c'u cha'al ta vo'ne ti c'alal mu'yuc to ox avojtiquinojic ti Diose.

1 Pedro 2:11

Ti jech j'ech'el-beoxuc li' ta banomile, Jchi'iltac, ta jc'anboxuc vocol ta atojolic ti mu xavac'be abaic ti c'usi ta sc'an ti sc'upijel avo'ntonic ti contra xil sbaic xchi'uc ti ach'ulelique.

2 Pedro 2:10

Yu'un ti Diose jbel sc'oplal ta stsits ti buch'utic ta xac'be sbaic ti c'usi chopol ta sc'an ti yo'ntonique, ti ta sbajic ti yich'oj tsots yabtel ti Cajvaltique. Yu'un tsots yo'ntonic, mu tabaj ye sti'ic ti c'usitic ta xalique. Mi ja'uc xi'ic ta xchopol-c'optael ti buch'u tsots yich'oj yabtelic ti oy ta cajal toyole.

2 Pedro 2:18

Yu'un cajal xa ye sti' xa'i sba xchi'uquic ti c'usi xloc' ta yeic ti c'alal mu'yuc c'usi ta xich' tael yu'une. Ta scoj ti bic'tajem yo'ntonic ta pasel ti c'usi sc'an ti lum ach'ele, naca sc'unibtasbe yo'nton ti buch'utic ta xictaic ya'iic comel ti bu chopol stamojic batele.