1 Juan 2:1 - Bible in Tzotzil de Chamula

¹ Jnich'nabtac, ti jech ta jts'ibaboxuc talel li'e, yo' mu staojuc yav ta xasa' amulic. Ja'uc le'e, mi oy buch'u junucal avu'unic laj sta ti smule, oy jun J'et'esej-c'op cu'untic ta stojol ti Jtotic Diose, ja' ti Jesucristo ti oy stuq'uil yo'ntone.

Tzotzil Zinacantan

¹ Voꞌoxuc ti coꞌol xchiꞌuc jchꞌamaloxuc chcaꞌie, jaꞌ ti achꞌunojic xa li scꞌop Rioxe, ti xꞌelan lajtsꞌibabeic tale, jaꞌ yoꞌ mu xa xasaꞌ o amulique. Mi oy bu ata amulique, naꞌic me ti oy cajcꞌopojeltic ta stojol ti Jtotic Riox ta vinajele, jaꞌ ti Jesucristoe, ti chꞌabal smule.

Bible in Tzotzil de Chenalhó with Deuterocanon

¹ Jnich'nabtac, ti jech ta jts'ibaboxuc tal li'i, yu'un jech mu xasa' amulic. Yan me oy boch'o ta sta smule, oy boch'o chc'opoj cu'untic ta stojol li Jtotic Diose, ja' li Cajvaltic Jesucristoe ti tuc' yo'ntone.

Tzotzil San Andres

¹ Joꞌoxuc li quitsꞌinaboxuc chcaꞌi, joꞌoxuc ti oyoxuc xa ta scꞌob li Cajvaltique, ti jech la jtsꞌibaboxuc batele, yoꞌ mu xa xasaꞌ amulic. Mi o ata amulique, naꞌic me ti oy buchꞌu te chcꞌopoj cuꞌuntic ta stojol li Jtotic Diose, jaꞌ li Jesucristoe. Yuꞌun muꞌyuc smul li stuque.

Tzotzil de Huixtán

¹ Col jnich'nab, ho'oxuc ti ach'unojbeic sc'op ti Cajvaltique, yu'un ti hech laj jts'ibaboxuque yu'un hech mu xa me xasa' amulic. Mi oy ataojic amulic, na'ic me ti ja' chc'opoj cu'untic ti stojol ti Jtotic Diose ti Jesucristoe, ja' ti toj yo'nton stuque.

1 Juan 2:1 Iomraidhean Croise

Salmos 4:4

Xi'anic un, mu xavepajesic ta sa'el ti amulique. Ts'ijlanic ti c'alal puch'uloxuc xae, tuc'ulano ava'iic c'u s'elan oy ti ajol avo'ntonique.

Ezequiel 3:21

Yan mi ta xacajbijubtas ti vinic ti mu ta sa' ti smule, mi mu ta sa' ti smul une, ta to xch'i xc'opoj batel un. Laj yich' ta muc' ti scajbijubtasel laj avac'be sna'e. Mu'yuc atijel ta c'op un.”

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

San Lucas 10:22

“Scotol ti c'usitic oye, laj yac'bun ta coc ta jc'ob ti Jtote. Mu'yuc buch'u sna' buch'u ti Nich'onile, ja' no'ox sna' stuc ti Totile. Mu'yuc buch'u sna' ti Totile, ja' no'ox sna' stuc ti Nich'onile, ti c'otem ta sventa buch'u sc'an ta xac'be sna' ti Totile.”

San Juan 10:15

“Jech c'u cha'al ti Jtot xiyojtiquine, jechun ec, xcojtiquin ti Jtote. Ta xcac' jol jbaquil yu'un ti chijetique.

San Juan 13:33

Mu xa jaluc li' oyun ta atojolique, Cuni nich'nab. Xasa'icun xa un, ja' no'ox ta xcalboxuc ava'iic jech c'u cha'al xichi laj calbe ya'iic ti israeletique: ‘Mu xac'otic ti bu ta xibate.’

San Juan 14:16

Ta jc'anbe ti Jtote ti ac'o stacbucoxuc talel jun Jpat-o'ntonal ti j'ech'el xi s'elan ta xchi'inoxuque:

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

San Juan 21:5

Xi laj yal ti Jesuse: —Jmas choyetic, ¿mi mu'yuc laj ataic jcotuc ti choye? Xi laj staq'uic ti yajchanc'optaque: —Ch'abal.

San Juan 5:14

Laj taj une, ti vinique tae ta ch'ulna yu'un ti Jesuse, ti xi albate: —Ti li'e, colemot xa. Mu xa xasa' amul yo' jech mu xc'ot ta atojol ti x'ech' to chopole.

San Juan 5:36

Ja'uc le'e, oy Buch'u x'ech' to ta svinajesbun ti jc'oplale. Ti c'u s'elan ta jpase, ta svinajes ti ja' laj yac'bun jbain ta spasel yu'un ti Jtote, xchi'uc ta svinajes ti tacbilun yu'un ti Jtote, ti ja' mu sta laj svinajesbun jc'oplal ti Juane.

San Juan 6:27

Ma'uc xavabtelanic ta sa'el ti ave'elic ti sna' xlaje. Ja' ac'beic yipal ta sa'el ti ve'lil ti mu sna' xlaje, ti ta xac' cuxlejal sbatel osile. Vu'un ta xcac' ti ve'lile, ti vu'un co'ol j'elantique. C'ot ta jventa yu'un ti Jtot ti ja' Diose.

San Juan 8:11

Xi laj stac' ti antse: —Mu'yuc chquil, Yojtot. Xi laj yal ti Jesuse: —Mi ja'uc vu'un ta xcac' atoj ti amule. Avi li'e, batan. Mu xa xasa' yan amul.

Hechos 7:52

¿Buch'u junucal ti j'alc'opetic ti mu'yuc laj yilbajinic ti amolmuc'totique? Laj smilic ti buch'utic laj yalbeic sc'oplal ti ta xtal ti Buch'u oy slequil yutsil yo'ntone. Tal tana un ti Buch'u oy slequil yutsil yo'ntone. Laj avaq'uic ta c'abal, laj amilic.

Romanos 5:10

C'alal yajcontraotic to ox ti Diose, laj jtatic ti jun co'ntontic xchi'uc ta sventa cham ti Xnich'one. Avi tana un ti jech laj xa jtatic ti jun xa co'ntontic xchi'uc ti Diose, oy lec smelol ta j'ech'el ti ta xijcolotic ta sventa ti laj yac' xcuxlejal ta jtojoltique.

Romanos 6:15

Ti jech mu'yuc xa oyotic ta yoc ta sc'ob ti oy c'usi tsots sc'oplal albile, ti jech oyotic ta stojol ti yutsilal slequilal yo'nton ti Diose, xcaltic unbi, cac'betic yipal ta spasel ti mulile. ¡Bu xata!

Romanos 8:34

¿Mi oy la buch'u xu' ta xchapanbat smul ti c'alal cham ti Cristo ta sventae? Ma'uc no'ox un, yu'un cha'cuxiem xa, oy xa ta sbats'i c'ob ti Diose yo' ta sc'anbe vocol ta jtojoltic.

1 Corintios 15:34

Cha'tamic lec ti cuxlejale. Mu xasa' amulic. Oy jlom avu'unic mu xojtiquinic ti Diose. Ti jech ta xcalboxuc taje, yo' jech xaq'uexavic.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Gálatas 4:19

Jnich'nabtac, ta xquich' jvocol avu'unic xtoc, co'ol s'elan jech c'u cha'al ants ti liquem xc'uxul xch'ut yu'un ti yol ta svoq'uese. Jech o jvocol ta xquich', ja' to ti c'uxi x'ayan xcuxlej Cristo ta atojolique.

Efesios 2:18

Ta sventa ti Jesucristoe, ac'o mi israel mi ma'uc, jcotoltic xu' xijnopaj ta stojol ti Jtotic Diose, yu'un jun ti Ch'ul Espíritu quich'ojtique.

Efesios 4:26

Ma'ucuc me xata o amul yu'un mi oy bu la'ilinique. Ma'ucuc me ti sjunul c'ac'al xa'ilete.

1 Timoteo 2:5

Jun no'ox oy ti Diose. Jun no'ox ti Buch'u c'otem ta sventa yo' ta staic ti lec x'ileic yu'un Dios ti jnaclejetic ta banomile. Taje, ja' ta sventa ti Jesucristo ti Buch'u laj yich' sbec'tal stacopale.

1 Timoteo 3:14

Co'ntonuc jc'an ta xtal jq'uelot no'ox ta anil. Manchuc mi jech un, ta jts'ibabot talel ti jvun li'e,

Hebreos 9:24

Yu'un ti Cristoe ma'uc och batel ta ch'ulna ti meltsanbil yu'un ti viniquetique, ti c'alal naca sloc'obbail no'ox ti bats'i ch'ulna ti oy ta vinajele. Yu'un och batel ta vinajel stuc, ti ja' xa ta sva'an sba ta c'opojel ta stojol Dios ta jventatique.

Santiago 1:27

Xi s'elan yutsil ta stojol Jtotic Dios ma' ti oy c'usi ch'unbile, ti mu jutebuc xchopolale: ta stic' sba ta scolta ti me'un ololetique, xchi'uc ta stojol ti me'un antsetic ti oy svocolique, xchi'uc mu soques sba xchi'uc xchopolal ti banomile.

Santiago 3:9

Yu'un ta quetic no'ox, ta xcalbetic slequilal ti Jtotic Diose. Ta quetic no'ox xtoc, ta jchopol-c'optatic ti jnaclejetic ta banomil c'alal ja' sloc'obbail stuc ti Diose.

1 Pedro 2:22

Ti Cristoe, mi jutebuc laj sta ti smule, mi ja'uc oy buch'u laj slo'la.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

1 Juan 3:18

Jnich'nabtac, ma'uc no'ox me ti ta xloc' ta alel cu'untic ti c'ux ta xca'i jbatique, vinajuc ti yabtel ta jtojoltique.

1 Juan 3:5

Ti vo'oxuque ana'ojic xa lec ti tal ta banomil ti Jesucristoe yo' jech tal stub xch'ay ti mulile, ac'o mi mu'yuc smul ti stuque.

1 Juan 3:7

Jnich'nab, mu me buch'u xaslo'laoxuc. Ti buch'u yacal ta spasel ti c'usi leque, oy slequil stuq'uil, yu'un ti Jesucristoe oy slequil stuq'uil ec.

1 Juan 4:4

Jnich'nabtac, yu'unoxuc xa ti Diose, atsalojic xa ti jutc'opetic taje. Ti Buch'u oy ta atojolique, jelavem smuc'ul stsatsal, ja' mu sta ti buch'u oy ta stojolic ti buch'u sventainojic ti sba banomile.

1 Juan 5:17

Scotol ti c'usi mu'yuc smelol stuq'uil ta xich' pasele, mulil ono'ox. Oy mulil ti mu x'ac'van batel ta ch'ayele.

1 Juan 5:21

Jnich'nabtac, q'uejo abaic loq'uel ta stojol ti albil sc'oplal ja' diosetique. Jechuc.

3 Juan 1:4

Mu'yuc xa bu jech yan muyubajel ta xca'i ti c'alal laj ca'ibe sc'oplal ti jnich'nabe, ti staoj yav c'otem ta yo'ntonic ta xch'unel ti bu ja' melele.