1 Juan 1:9 - Bible in Tzotzil de Chamula

⁹ Ta sventa ti oy stuq'uil yo'nton ti Diose, mi jamal ta xcalbetic Dios ti jmultique, jpat co'ntontic ta stojol ti ta xch'ay ti jmul jcolo'tique, xchi'uc ta spoc ta stus loq'uel scotol c'usiuc no'ox mu stac' q'uelel ti c'usi ta jpastique.

Tzotzil Zinacantan

⁹ Yan mi jamal chcalbetic jmultic ti Rioxe, chiyacꞌotic ta pertonal. Cꞌusuc noꞌox mulilal oy ta coꞌontic chixchꞌaybotic scotol. Yuꞌun onox yech yaloj ti jaꞌ chiyacꞌbotic o pertonal yuꞌun jmultic ti ijchꞌuntic ti jaꞌ istoj jmultic ti Jesucristoe.

Bible in Tzotzil de Chenalhó with Deuterocanon

⁹ Yan me jamal chcalbetic Dios li jmultique, chispasbutic perdón, chispocbutic loq'uel scotol sbolil co'ntontic. Yu'un li stuque tuc' yo'nton, melel c'usi chal.

Tzotzil San Andres

⁹ Yan mi jamal chcalbetic li Dios li cꞌusi jmultique, chispasbutic perton. Chispocbutic scotol li schoplejal coꞌontique. Yuꞌun iyacꞌ ta milel ta scoj jmultic li Snichꞌone, jaꞌ yuꞌun xuꞌ xa chiscoltautic li Diose. Yuꞌun yaloj onoꞌox ti jaꞌ ta sventa Snichꞌon chispasbutic perton yuꞌun li jmultique.

Tzotzil de Huixtán

⁹ Ti c'alal ti jta ti jmultique, mi jamal chcalbetic ti Diose, ja' chixch'aybucutic. Chispocbucutic c'uc no'ox ti sbolil ti co'ntontique. Yu'un laj yac' ti milel yu'un jmultic ti Snich'one hech xu' chiscoltaucutic ti Diose. Hech chc'ot ti pasel ti hech ono'ox yalojbucutic ti Diose ti chixch'aybucutic ti jmultique.

1 Juan 1:9 Iomraidhean Croise

1 Reyes 8:30

Ts'etano ani' achiquin ti xivocolet liquele, xchi'uc ti ateclumal ti li' xvocoletic liquel ti c'alal ta xajtacutic ta c'oponele. Ta vinajeluc to ti bu nacalote, a'yio ti jc'opojel ti'inele. C'otuc ta pasel avu'un ti ch'aybiluc c'otuc ti jmul jcolo'cutique.

1 Reyes 8:47

ti bu chucbil batic ta lum une, ti mi ta xlic ya'i sbaic ta atojol ti chopol ti c'usi laj spasique, ti ta xlic c'opojuc ti'inuc ta atojol une, ti laj ya'i sbaic ti oy smul ta atojol ta scoj ti chopol laj spasique,

Nehemías 1:6

avocoluc un cha'e, c'ac'al ac'ubaluc, ts'etan achiquin ta ya'yiel ti jc'opojel jti'inel ta atojol sventa ti avajtuneltac israeletique. Ta xca'i ta co'ntoncutic laj jta jmulcutic ta atojol ti vu'uncutic israeluncutique. ¡Ti vu'un xchi'uc ti c'u yepal ti cuts' calale, laj xa jsa' ti jmulcutique!

Salmos 19:12

¿Mi oy la buch'u ta xil stuc ti bu chopol ta xbat yu'une? Ch'ayo jpimil jtoyobbail, Cajval, mu xquil bu chopol ta xbat cu'un.

Salmos 32:5

Mu jutebuc laj jmac que jti' yu'un ti jmule, ti c'usi chopol jpasoje; c'ot ta co'nton ti jamal laj calbot ava'i ti jmule, laj ach'aybun ti jmul une, Dios.

Éxodo 34:7

Yu'un sbatel osil staoj yav ta xcac' ta ilel ti syail xc'uxul co'ntone. Ta jch'ay ti toyobbail yu'un ti mulil colo'ile. Ja' no'ox un, mu teyuc no'ox jq'ueloj ti buch'u jech ono'ox ti smule. Yu'un ta ono'ox cac'be stoj xtoc ti c'usi chopol ta spasic ti totil me'iletique, ti c'usi ta spasic ti alab nich'nabiletique, ti momiletique, xnich'nab ti momiletique, xchi'uc smom ti momiletique.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

Isaías 45:21

C'opojanic un, vinajesic talel ca'itic, ti xi xajac'olanbe abaic ta jujun tal mi lec xava'iique: ¿Buch'u laj scaj'al talel ta vo'ne ti va'i s'elane? ¿Mi yu'un oy xa ono'ox buch'u laj yal ta vo'ne? ¿Mi mu ja'uc vu'un ti Diosune? Mu'yuc xa ta tael yan Dios. Ma' ti yu'un oy to yan Dios ta tsalvanej ta pojvanej jech c'u cha'al ti vu'une, mu'yuc xa.

Jeremías 3:13

Ja' no'ox un, ojtiquino ti achopolale, xchi'uc ti toyobbaot ta stojol ti Ajvalil Dios avu'une, ti yoquilal avu'un ta sa'el ti xch'ayobil ajol ti mu xavojtiquinan ti ta xata ta scotol ta yolon ti limlim te'tique, xchi'uc ti mu xa xavich' ta muc' ti c'usitic albil cu'une. Ti vu'un Diosune, mu lo'iluc ta xcal.’ ”

Jeremías 33:8

Ti yepal xa ti smulic ta scontrainelune, ta jmes ta jtusic. Ta jch'aybeic ti yepal no'ox ti xchopolalic laj spasic ti laj stoy sba xchi'uquic ta jtojole.

Lamentaciones 3:23

Naca ach' ti c'usi ta xc'ot ta pasel yu'un jujun c'ac'ale. Mu'yuc c'usi stac' jco'oltastic ti slequil yutsilale.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Ezequiel 37:23

Laj c'op ma' ti ta xlic soques sbaic ta yich'el ta muc' ti c'usitic meltsanbil ta c'abal ti spajebal mu stac' albel sc'oplal ti xlic xcaj no'ox ta sa'el ep ta tos ti mulile. Ta jva'an jba ta spojelic ti c'usitic mu'yuc stuq'uil laj spasique. Ta jmesbe ta jtusbe ti smulique. Ta xc'otic ta calab jnich'nab. Ta xic'ot ta Dios yu'unic.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

San Mateo 3:6

C'alal jamal ta xalic ti smulique, ti Juane ta xac'be yich' vo' ta uc'um Jordán.

Marcos 1:5

Sjunul ti Judea banomile, ti Jerusalene batic ta ya'yibel sc'op ti Juane. Ti buch'u jamal ta xal ti smulique, ta x'ac'bat yich'ic vo' yu'un ti Juan ta uc'um Jordane.

San Lucas 22:57

—Jun me'tic, mu xcojtiquin ma' ti buch'u taje —xi laj sjut c'op ti Pedro ta stojol ti antse.

San Juan 17:25

Jch'ul Tot, ti oy alequilal avutsilale, ti buch'utic sventainojic ti sba banomile mu xayojtiquinic. Ti vu'une xacojtiquin. Ti jayib li' oyique laj xa sna'ic ti vo'ot laj atacun talele.

Hechos 19:18

Scotol ti c'u yepal c'ot ta yo'ntonic ta xch'unele, lic yalic ta jamal ti c'usi mu stac' alel ti c'usi laj xa spasic ta ba'yele.

Romanos 3:26

Ti jech c'ot ta pasel taje, yu'un oy sts'iquemal xcuchemal yu'un ti Diose, ti oy slequil yo'ntone yo' ta svinajes avi tana li'e ti c'u s'elan ta tael ti lec xij'ile yu'un ta sventa ta xc'ot ta o'ntonal ta xch'unel ti Jesuse.

1 Corintios 1:9

Ti c'u s'elan yaloj ti Dios ta spase, ta xc'ot ta pasel yu'un, yu'un ja' ta sventa stuc laj xa yic'oxuc talel yo' pas ta jun acuxlejalic xchi'uc ti Xnich'one, ja' ti Cajvaltic Jesucristo cu'untique.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

Efesios 5:26

Jech laj spas ti Cristoe yo' jech ta xc'otic ta yu'untac Dios c'alal pocbil tusbil c'otic yu'un ti sc'ope.

Deuteronomio 7:9

Ja' yu'un un cha'e, t'abuc lec ta avo'ntonic ti Dios ti ja' Ajvalil avu'unique, ja' ti bats'i Dios ti jbel sc'oplal ta xc'ot ta pasel yu'un ti strate ta stojol ti jaylajun-chop totil me'il chlaj ech'icuque, ta sventa ti buch'utic mu tuch'baj ta o'ntonal ta xa'iique, xchi'uc ti ta xch'unbat ti smantaltaque.

1 Timoteo 1:15

Scotolicuc, c'otuc ta yo'ntonic ta xch'unel, yu'un ja' melel: Yu'un ti Cristo Jesuse tal ta banomil yo' tal spoj scolta ti jsa'muliletique, Ta scotol taje, vu'un ti banquilal jsa'mulilun to oxe, ja' mu sta ti yane.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 10:23

Staojuc yav co'ntontic ta smalael ti oy c'usi quechel sc'oplal ta xquich'tic ta sventa ti jch'unojtique, ti ma'ucuc xijna'etotique, yu'un ti Diose jbel sc'oplal ta xc'ot ta pasel ti c'usi yaloj ta jtojoltique.

Hebreos 11:11

Ti jech c'otem ta yo'nton ta xch'unel ti Sarae, manchuc mi yayil xa, mi ech'em xa yorail ta x'alaj, ac'bat to yip yo' ta xc'ot ta me'il. Ayan to yol c'alal ma'uc xa yoraile ta sventa ti c'ot ta yo'nton ta xch'unel ti mu stselbuj sc'op ti Dios ti c'usi yaloje.

Hebreos 6:10

Yu'un ti Diose oy stuq'uil yo'nton, mi ja'uc xch'ay ta yo'nton ti ta sventa syail xc'uxul avo'ntonic oy c'usi lec laj apasic ti laj avaq'uic iluc ta scoltael ti jch'unolajeletique, ti jech to yacal ta xapasic avi tana li'e.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

Apocalipsis 15:3

Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.