1 Juan 1:7 - Bible in Tzotzil de Chamula

⁷ Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.

Tzotzil Zinacantan

⁷ Yan mi coꞌol ta jpastic li cꞌusitic lec chil ti Rioxe, coꞌol xa joltic ta jcotoltic. Cꞌusuc noꞌox mulilal oy ta coꞌontic chixchꞌaybotic scotol, jaꞌ ti jchꞌunojtic ti icham ta scoj jmultic ti Xchꞌamale, jaꞌ ti Jesucristoe.

Bible in Tzotzil de Chenalhó with Deuterocanon

⁷ Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

Tzotzil San Andres

⁷ Yan mi jaꞌ noꞌox ta jpasulantic li cꞌustic tscꞌan li Diose, chispasbutic ta jmoj coꞌontic jcotoltic schiꞌuc chispoquilanbutic coꞌontic ta schꞌichꞌel li Snichꞌone, jaꞌ li Jesucristoe.

Tzotzil de Huixtán

⁷ Mi jcotoltic ti jpasilantic ti c'u che'el chijyalbucutic ti Diose hech yu'un jun chijc'otucutic ti ho'ucutique yu'un jun nijc'otucutic xa xchi'uc ti Diose. Mi oy jmul laj jtatique, ti Diose chispocbucutic c'uc no'ox ti sbolil ti co'ntontique yu'un laj yac' ti milel yu'un jmultic ti Snich'one.

1 Juan 1:7 Iomraidhean Croise

Salmos 104:2

sac jaman no'ox xojobal ti c'u'iletique. Co'ol s'elan jlic muc' ta poc' laj alich'an ti vinajele.

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Salmos 56:13

yu'un laj apojun ti bu naca xa mu lilaj ta milele, yu'un laj atic' aba ti mu'yuc xilaje, yo' li' to xvic'vun ti jsat ta sq'uelel ti saquilal osil ta stojol ti Diose.

Salmos 89:15

Ch'ul Dios, mu'yuc c'usi sna' ti jteclum ti xmuyubajic no'ox ti sna' slequil-c'optaote, ti ta xanavic ta squeoval axojobale.

Salmos 97:11

Xojobin no'ox yutsil ti buch'u stuc'ulanoj sbae; ti muyubajele c'otem ta sventa ti buch'u oy yutsil slequil yo'ntone.

Isaías 2:5

Batic, steclum Jacob, xanavcutic ech'el ti bu xtixlajan xojobal ti Diose.

Isaías 33:24

Yu'un mu'yuc junuc jnaclej ti xi ta xale: “Jchamel lajelun ta xca'i.” Yu'un ti Diose laj stubbe smul scolo' ti jnaclejetic ta Sione.

Isaías 6:7

Ech' snabanbun ta que, ti xi laj yalbune: “A'yio ava'i, ti ac'al ti laj yich' nabanel ta avee, c'ot ta tubbel ti achopolale, ti ch'aybil c'ot ti amul acolo'e.”

Amós 3:3

Mi jmoj xlotetic ta jun bee, yu'un jmoj ti snopobil yu'unique.

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

San Mateo 6:12

Ch'aybuncutic ti c'usi mu lecuc ta jpascutique jech c'u cha'al ta jch'aybecutic ti buch'u ta sa' smul ta jtojolcutique.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 12:35

Xi ti Jesuse: —Li' to oy ta atojolic ti saquilal osile. Ja' no'ox un, mu xa jaluc li' oye. Xanavanic ta stojol ti saquilal osile yo' to li' oy ta atojolique, yo' mu ch'ayaluc avo'ntonic xastaoxuc ti ic'al osile. Yu'un ti buch'u ta xanav ta ic'al osile, mu sna' bu ta xbat.

San Juan 5:4

C'otem ta yo'ntonic ta xch'unel ti ta xyal talel ta vinajel jun ánjel ti ta xtal syuq'uilan ti vo' snom stae. Jech ti buch'u ba'yel ta sts'aj sba ochele, ta xcol yu'un ti c'usiuc no'ox ti xchamelique.

Romanos 13:12

Po'ot xa x'ech' ti ac'ubale, yu'un ta xa sacub talel ti osile. Jech o xal un, quictatic ta spasel ti c'usitic sventa ic'al osile. Lapic ti amacobbailic ta spasel ta sventa ti saquil osile jech c'u cha'al junuc soldado ti slapoj ti smacobbaile.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

Efesios 1:7

Ti jech mu albajuc syail xc'uxul yo'nton ti Diose, laj spoj laj scoltaotic ta sventa ti laj smal xch'ich'el ti Xnich'one, yo' jech ta jtatic ti ch'aybil ti jmultic ta xc'ote.

Efesios 5:8

Ta vo'ne ti vo'oxuque, oyoxuc to ox ta ic'al osil ti naca vocol xale. Avi tana li'e, oyoxuc ta saquilal osil ta sventa ti junoxuc xchi'uc ti Cajvaltique. Jech o xal un, ac'beic yipal ta spasel jech c'u cha'al ti buch'utic oy ta saquilal osile.

1 Timoteo 6:16

Yu'un stalel o ti jech stalel o cuxule, ti xojobin no'ox ti bu oye, ti mu'yuc buch'u xu' ta xnopaj ech'el ti bu oye. Mi ja'uc jun vinic yiloj ti Diose, mi ja'uc xu' sq'uel xtoc. Yu'un sbatel osil c'otem ta sventa ti ich'biluc ta muc' xchi'uc ti smuc'ul stsatsale. Jechuc.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.

1 Pedro 1:19

Yu'un ja' ta sventa ta yutsil xch'ul ch'ich'el ti Cristo ti laj yich' aq'uel ta matanal jech c'u cha'al jcot uni chij ti mu'yuc yic'obale, ti mu'yuc jutebuc xchopolale.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

1 Juan 1:5

Xi s'elan ma' ti laj quich'cutic chanubtasel yu'un ti Jesucristoe, ti ta xcalcutic ava'iic ta atojolique: sac jaman no'ox xojobal yutsilal ti Diose, mi jutebuc oy ic'al osil ta stojol.

1 Juan 5:6

C'alal tal ti Jesucristoe, vinaj sc'oplal ti c'alal laj yich' ti vo'e, xchi'uc ti laj smal ti xch'ich'ele. Ma'uc no'ox vinaj sc'oplal ti laj yich' ti vo'e, ti laj smal ti xch'ich'ele, jech xtoc ti Ch'ul Espíritu ti ja' melel ti c'usi ta xale, ja' laj sva'an sba ta rextico ta yalbel ti sc'oplale.

1 Juan 5:8

Ti li' ta banomile, oy oxib rextico ti xi ta xac' ta na'el ti sc'oplale: ti Ch'ul Espíritue, ti vo'e, ti ch'ich'e. Ti oxib taje, jmoj c'usi ta xac' jna'tic

2 Juan 1:4

Ximuyubaj xa avu'un c'alal laj ca'ibe sc'oplal ti oy jun chib avalab ti jech yacalic ta spasel jech c'u cha'al ti melel ti yalojbotic ti Jtotic Diose.

3 Juan 1:4

Mu'yuc xa bu jech yan muyubajel ta xca'i ti c'alal laj ca'ibe sc'oplal ti jnich'nabe, ti staoj yav c'otem ta yo'ntonic ta xch'unel ti bu ja' melele.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 12:11

Laj stsalic ti jchi'iltique, ta sventa xch'ich'el ti jcot ta Uni Chije, xchi'uc ti laj sva'an sbaic ta yalel ti xch'ul c'op yu'une. Mu'yuc laj xi'taic mi ta xac' o ti sjol sbaquilic xchi'uque, yu'un chapalic lec manchuc mi ta xchamic.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.