1 Juan 1:3 - Bible in Tzotzil de Chamula

³ Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

Tzotzil Zinacantan

³ Yechꞌo un chcalticotic avaꞌiic ti cꞌusi iquilticotique xchiꞌuc ti cꞌusi liyalboticotique yoꞌ coꞌol jchꞌuntic oe, yoꞌ coꞌol xa o joltic ta jcotoltique. Li voꞌoticotique coꞌol xa jolticotic xchiꞌuc ti Jtotic Riox ta vinajele xchiꞌuc ti Xchꞌamale, jaꞌ ti Jesucristoe.

Bible in Tzotzil de Chenalhó with Deuterocanon

³ Jech ta xcalcutic ava'yic li c'usi laj quilcutique xchi'uc li c'usi laj ca'icutique, yu'un jech chijpasutic ta jun, jech chac c'u cha'al jun oyuncutic xchi'uc li Jtotic Diose xchi'uc li Xnich'one, ja' li Jesucristoe.

Tzotzil San Andres

³ Jaꞌ yuꞌun ta xcalcutic avaꞌiic li cꞌusi iquilcutique schiꞌuc li cꞌusi icaꞌicutique yoꞌ jech jmoj coꞌontic. Li joꞌoncutique ta melel jmoj xa coꞌoncutic schiꞌuc li Jtotic Diose schiꞌuc li Snichꞌone, jaꞌ li Jesucristoe.

Tzotzil de Huixtán

³ Yu'un laj xa quiltutic ti ho'ontutique, yu'un laj xa ca'ibetutic ti sc'ope, hech yu'un chajcholboxuc ava'yic uc yu'un hech jun chijc'otucutic ti stojol ti Diose. Yu'un ti ho'ontutique jun nic'otutic xa ti mero melel xchi'uc ti Jtotic Diose xchi'uc ti Snich'one, ja' ti Jesucristoe.

1 Juan 1:3 Iomraidhean Croise

Job 13:1

Scotol taje, laj quil ta jba ta jsat; laj ca'i ta jni' ta jchiquin.

Salmos 2:7

Ta jcaj'al ti xi s'elan snopoj ti Diose: ti xi laj yalbune: “Tana li'e, lanab cu'un ta ch'util, lac'ot ta jnich'on.

Salmos 22:22

Ta xcalbe ya'i ac'oplal ti jvinquileltaque, ta jlequil-c'optaot ti bu ta stsob sbaique.

Isaías 66:19

Xi s'elan senyail ta xcac' iluque: ta xjatavic loq'uel cu'un jlomuc ti ta jtaquic batel ta muc'tiquil lume: jech c'u cha'al ta lum Tarsis, ta lum Libia, ta lum Lidia, ta jteclumetic ti bu sna'ic xach'el ti yolobe, ta lum Tubal, ta lum Grecia, xchi'uc ta yan lumetic ti oy ta namal muc'tic nabe, ti mu'yuc ya'binojic ti jc'oplal ta j'ech'ele, ti mu ja'uc yilojic ti cutsilal jlequilale, ti ta xlic yalbeic ya'iic ti cutsilal jlequilal ta stojolique.

Números 10:32

Mi ta xachi'inuncutic batele, ja' co'ol cu'untic scotol ti c'usi lec ta xloc' ta yo'nton ti Dios ta xiyac'buncutique.

San Juan 17:11

“Mu li'uc ta xicom ta sba banomile. Ti stuquique li' ta xcomic ta sba banomile, yu'un ta xtal jchi'inot. Jch'ul Tot, ti buch'utic laj avac'bune, chabio ta sventa ti amuc'ul atsatsale, ja' ti amuc'ul atsatal ti laj xa avac'bune, yo' jech co'oluc yo'ntonic jech c'u cha'al ti vo'otique.

San Juan 17:21

Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

San Juan 17:25

Jch'ul Tot, ti oy alequilal avutsilale, ti buch'utic sventainojic ti sba banomile mu xayojtiquinic. Ti vu'une xacojtiquin. Ti jayib li' oyique laj xa sna'ic ti vo'ot laj atacun talele.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 19:35

Ti buch'u laj sts'iba ti c'op li'e, ja' jun ti laj yile, yu'un melel. Sna' ti ja' melel ti c'usi ta xale yo' jech ta xc'ot ta avo'ntonic ta xch'unel ec.

Hechos 13:32

“C'otem ta jventacutic ta yalel ava'iic ti xi s'elan ti lequil c'ope, ti c'u s'elan albilic yu'un Dios ti jmolmuc'totique.

Hechos 13:41

‘A'yio ava'iic, jna'levanejetic, ch'ayal avo'ntonic xacham xalajic, yu'un oy c'usi yacalun ta spasel ti jech cuxuloxuc li'e, ti mu ch'unbaj ta xava'iic mi oy buch'u ta xalbote’ ”, xi ti Pabloe.

Hechos 2:42

Scotolic mu syanijesic ti c'u s'elan ta xchanubtasatic yu'un ti jcholc'opetique. Ta xch'acbe sbaic ti c'usi x'ayan yu'unique, ta spasel sna'obil ti Cajvaltique, xchi'uc jmoj ta svol sbaic ta c'opojel ti'inel.

Hechos 20:27

yu'un laj calboxuc ava'iic c'u s'elan snopoj ti Dios ta atojolique, ti mu'yuc laj jmuc jutebuque.

Hechos 4:20

Ti vu'uncutique mi ja'uc xquicta jbacutic ta yalel ma' ti c'usi quilojcutique, ti c'usi ca'yiojcutique.

Romanos 15:27

Lec laj ya'iic ti jech laj spasique. Oy razon ti jech ta spasique, yu'un oy yilic ta stojolic ti israelal jch'unolajeletique. Yu'un ti lequil ach' c'op ti ac'batic yu'un ti Diose, laj yaq'uic batel ta stojol ti jyanlumetique. Jech o xal un, ja' yabtelic ti ta scoltaic batel ti israelal jch'unolajeletic ti c'usi oy yu'unique.

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

1 Corintios 1:9

Ti c'u s'elan yaloj ti Dios ta spase, ta xc'ot ta pasel yu'un, yu'un ja' ta sventa stuc laj xa yic'oxuc talel yo' pas ta jun acuxlejalic xchi'uc ti Xnich'one, ja' ti Cajvaltic Jesucristo cu'untique.

1 Corintios 15:1

Ti jech co'ol jchi'il jbatic avi tana li'e, ta jc'an ta xavules ta avo'ntonic ti colebal lequil ach' c'op laj calboxuque, ti laj ach'unique, ti staoj yav jun avo'ntonic ta stojole.

2 Corintios 13:14

Ich'beic slequilal yutsilal ti Cajvaltic Jesucristoe, xchi'uc ti syail sc'uxul yo'nton ti Diose, xchi'uc ti sva'anojuc o sba ti Ch'ul Espíritu ta atojolique. Jechuc.

Efesios 3:6

Xi s'elan ma' ti c'usi mu xvinaj to oxe: ta sventa ti lequil ach' c'ope, ti jyanlumetique co'ol ta xich'ic ti xrextoic jech c'u cha'al ta xich'ic ti israeletique, yu'un junic xa ta stojol ti Cristoe, jmoj ta xa'ac'batic ti c'usi yaloj Dios ta xac' ta sventa ti Cristo Jesuse.

Filipenses 1:7

Xloc' venta ti jech ta jnop ta atojolic acotolique, yu'un oyoxuc ta co'nton, yu'un avac'oj avoc ac'obic ta yabtelanel ta sventa ti c'uxubinel laj yac'botic ti Diose, manchuc mi tiq'uilun ta chuquel, mi yacalun ta spaquel jc'oplal ta stojol ti jchapanvanejetique, mu ja'uc xquicta jba ta yalel ti lequil ach' c'ope.

Filipenses 2:1

Ja' yu'un un cha'e, mi laj yac' yip avo'ntonic ti Cristoe, mi ta spat avo'ntonic yu'un ti syail xc'uxul o'ntonale, mi oy ta atojolic ti Ch'ul Espíritue, mi c'ux ta xava'i abaique, mi ta xacolta abaique, xmuyubaj xa co'nton ta xca'i avu'unic.

Filipenses 3:10

Ti c'usi ta jc'ane, ac'o cojtiquin ti Cristoe, ca'iuc ta jtojol smuc'ul stsatsal ti cha'cuxie, ti co'oluc quich' jvocol jech c'u cha'al c'alal cham ti stuque,

Colosenses 1:13

Yu'un ti Diose laj spojotic loq'uel ta yoc ta sc'ob ti ic'al osil ti q'uelel ta jtojoltique. Laj xa yic'otic ochel ti bu ta xventainvan ti xc'uxubinbil Nich'one,

1 Tesalonicenses 1:10

Ta xalic xtoc ti amalaojic ta xcha'sut talel ta vinajel ti Jesuse, ti ja' Xnich'on Diose, ti Buch'u cha'cuxesat yu'un ti Diose, ti Jpojvanej cu'untic yo' mu xquich'tic ti tsots tsitsel ti ta to xtale.

1 Timoteo 6:2

Mi oy buch'u ja' jch'unolajel ti yajvalique, ma'ucuc xalic ta yo'ntonic ti ja' yamal xa sc'oplal ta xich'ic ta muc' ti jech co'ol jch'unolajeletique. Ja'uc le'e, x'ech'uc to ac'o yac' sbaic ta tunel ta stojol, yu'un ti bu yac'oj sbaic ta tunele, ja' jun jch'unolajel ti c'uxubinbile. Ti va'i s'elan taje, ja' jech xaval, ja' jech xachanubtasvan.

Hebreos 2:12

Yu'un xi ta xal ti ts'ibabil ta ch'ul c'ope: “Ta xcalbe ya'iic ac'oplal ti jchi'iltac ta voq'uele. Ta jq'uejintabot q'uejimoletic ti bu ta stsob sbaique.”

Hebreos 3:1

Ja' yu'un un, Jchi'iltac, ti ic'biloxuc yu'un Dios yo' jech ta xac'otic ta yu'untaque, oyuc ta avo'ntonic sc'oplal ti Cristo Jesús ti ja' jun jcholc'ope, ti ja' c'otem ta jun Banquilal Palee. Col no'ox yal ti ja' sventa ti oy c'usi jch'unojtique.

Hebreos 3:14

Yan mi staoj yav jpatoj co'ntontic xijcham xijlaj jech c'u cha'al ta sliquebe, oy c'usi ta xij'ac'bat unbi jech c'u cha'al laj yich' ti Cristoe.

1 Pedro 5:1

Ti jech quich'oj cabtel ta sbainel ti jch'unolajeletique, xchi'uc ti rexticoun ti c'u s'elan laj yich' svocol ti Cristoe, xchi'uc ti oy ta jventa ta yich'el ti slequil ti c'alal ta xvul ta loq'uele, xi ta jbijubtas ti jchi'iltac ti buch'utic co'ol quich'oj cabtelcutic ta sbainel ti jch'unolajeletic ti oy ta tsobobbail avu'unique:

2 Pedro 1:16

Ti laj calcutic ava'iic ti ta xtal xchi'uc smuc'ul stsatsal ti Cajvaltic Jesucristoe, mu jeche'uc no'ox lo'il ti nopbile. Yu'un laj quilcutic ta jba ta jsatcutic yutsilal slequilal ti Cajvaltique.

1 Juan 1:1

Ta jts'ibaboxuc talel sc'oplal ti Buch'u oy xa ono'ox c'alal lic ayanuc talel scotol ti c'usitic oye. Yu'un laj quil ta jsatcutic, xchi'uc laj ca'ibecutic ti sc'opojele. Ti laj quilcutic laj jpiccutic taje, ja' sc'oplal ti Buch'u yich'oj ta sventa ti cuxlejale.

1 Juan 1:5

Xi s'elan ma' ti laj quich'cutic chanubtasel yu'un ti Jesucristoe, ti ta xcalcutic ava'iic ta atojolique: sac jaman no'ox xojobal yutsilal ti Diose, mi jutebuc oy ic'al osil ta stojol.

1 Juan 1:7

Mi oyotic ta saquilal osil jech c'u cha'al ti Dios oy ta saquilal osile, va'i unbi, co'ol co'ntontic jcotoltic. Ja' jech xtoc xch'ich'el ti Xnich'one, ja' ti Jesucristoe, ta spoc ti c'usiuc no'ox mulil ti oy ta jtojoltique.