1 Juan 1:2 - Bible in Tzotzil de Chamula

² Ti Buch'u yich'oj ta sventa ti cuxlejale, laj yac' sba ta ojtiquinel ta jtojolcutic. Yu'un laj quilcutic, xchi'uc ta xcalcutic ava'iic sc'oplal ti Buch'u yich'oj ta sventa ti cuxlejal sbatel osile. Yu'un xchi'inoj to ox sbaic xchi'uc ti Dios Totile. Laj yac' sba ta ilel ta jtojolcutic avi tana li' une.

Tzotzil Zinacantan

² Yuꞌun oy spat xocon ti cꞌalal iꞌaye, yechꞌo ti iquilticotique. Yechꞌo un chcalticotic avaꞌiic ti jaꞌ chacꞌ jcuxlejaltic ta sbatel osile. Tey onox xchiꞌuc ti Jtotic Riox ta vinajele, pero ay yacꞌ sba iluc liꞌ ta sba balamile.

Bible in Tzotzil de Chenalhó with Deuterocanon

² Li Cuxlejale laj xa yac' sba ta otquinel; laj quilcutic li vu'uncutique, ja' yu'un ta xcalbecutic sc'oplal. Ta xcalcutic ava'yic c'u x'elan li Boch'o sventainoj cuxlejal sbatel osile. Te ono'ox xchi'uc sbaic xchi'uc li Jtotic Diose. Laj xa yac' sba ta ilel ta jtojolcutic.

Tzotzil San Andres

² Yuꞌun iyichꞌ sbecꞌtal jech chac cꞌu chaꞌal li joꞌotique, jaꞌ yuꞌun iquilcutic. Jaꞌ yuꞌun ta xcalcutic avaꞌiic li cꞌu sba yoꞌon li buchꞌu sventainoj li cuxlejal sventa sbatel osile. Te onoꞌox schiꞌuc sbaic schiꞌuc li Jtotic Diose, pero a yacꞌ sba ta ilel ta jtojolcutic.

Tzotzil de Huixtán

² Laj yac' sba ti q'uelel ti ja' j'ac'cuxlejale. Laj quiltutic. Hech yu'un chajcholboxuc ava'yic c'u x'elan ti j'ac'cuxlejal sbatel osile, ja' ti te ono'ox xchi'inoj ti Jtotic Diose. Patil tal yac' sba ti q'uelel ti jtojoltutic.

1 Juan 1:2 Iomraidhean Croise

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 1:4

Ja' ta sventa ayan talel ti cuxlejale. Ti cuxlejal taje, ja' c'ot ta saquilal osil yu'un ti jnaclejetic ta banomile.

San Juan 10:28

Sbatel osil ta xcac'beic xcuxlejalic, mi ja'uc ta xch'ayic, mu'yuc buch'u xispojbun ta coc ta jc'ob.

San Juan 14:6

Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

San Juan 15:27

Ta xavalbeicun jc'oplal ec un, yu'un ta sliquebal ono'ox laj achi'inicun talel.

San Juan 16:28

Lilic talel ta stojol ti Jtote yo' lital li' ta banomile. Avi tana un, ta xquicta comel ti banomile, ta xisut batel ti bu oy ti Jtote.”

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 17:5

Avi tana une, Tot, ac'bun quich' ti jlequilal ti oy ta atojol jech c'u cha'al quich'oj to ox c'alal mu'yuc to ox meltsajem ti banomile.

San Juan 19:35

Ti buch'u laj sts'iba ti c'op li'e, ja' jun ti laj yile, yu'un melel. Sna' ti ja' melel ti c'usi ta xale yo' jech ta xc'ot ta avo'ntonic ta xch'unel ec.

San Juan 21:14

Yoxcojal xa taje ti laj yac' sba iluc ti Jesús ta stojol ti yajchanc'optac ti c'alal cha'cuxiem xae.

San Juan 3:13

“Mi junuc oy buch'u muyem batel sq'uel ti c'usi oy ta vinajele. Ja' no'ox yiloj ti Buch'u liquem talel ti bu taje. Ti xcaltique, ja' ti vu'un co'ol j'elantique.

San Juan 7:29

Ti vu'une xcojtiquin ti Buch'u laj stacun talele. Yu'un liquemun talel ta stojol.

San Juan 8:38

Ja' no'ox ta xcal ti c'u s'elan laj yac'bun jna' ti Jtote. Ti vo'oxuque ja' ta xapasic c'u s'elan ta xa'albatic yu'un ti atotique.

Hechos 1:22

Ti viniquetic taje yilojic c'alal ac'bat yich' vo' ti Jesús yu'un ti Juane xchi'uc ti c'alal to imuy batel ta vinajele. Tsots sc'oplal un cha'e, yich'uc t'ujel junuc ti buch'u yilojic taje yo' jech jmoj ta jchi'incutic ta yalel ti cha'cuxi ti Jesuse.”

Hechos 10:41

Mu ta sjunuluc jteclum laj yac' sba iluc. Ja' no'ox laj yac' sba iluc ta jtojolcutic ta sventa ti jech ono'ox nopbil jc'oplalcutic yu'un Dios ti ta xic'otcutic ta yajrexticoe. Yu'un jmoj live'cutic, laj cuch'cutic vo' xchi'uc ti Jesús c'alal cha'cuxiem xae.

Hechos 2:32

Lec un cha'e, ti Jesuse, cha'cuxesat yu'un ti Diose. Taj une, rexticouncutic yu'un.

Hechos 3:15

Ja' jech laj avaq'uic ta milel ti jventainej j'ac'-cuxlejale. Ja'uc le'e, cha'cuxesat yu'un ti Diose. Taj une, rexticouncutic yu'un.

Hechos 5:32

Ti jech taje, rexticouncutic xchi'uc ti Ch'ul Espíritu ti ac'batic yich'ic yu'un Dios ti buch'utic ta xch'unbeic ta spasbel ti c'usi lec ta xile.

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

Gálatas 4:4

Ja'uc ti c'alal laj sta ti yoraile, ti Diose laj stac talel ti Xnich'one, voc' talel ta stojol jun ants, bats'i israel vul, ventainbil c'ot ta xch'unel ti oy c'usi tsots sc'oplal albil yu'un ti Moisese,

1 Timoteo 3:16

Ti c'usi c'otem ta co'ntontic ta xch'unele, vinaj ti ja' melele, yu'un cajal sc'oplal ta j'ech'el, laj to c'op ma' ti lo'il no'oxe: Ti Diose co'ol s'elan vinic laj yac' sba iluc, vinajesbat sc'oplal yu'un ti Ch'ul Espiritue, ile yu'un ti ánjeletique. Buyuc no'ox ta muc'tiquil lumetic, pucbat sc'oplal, ch'unbil c'ot ta sbejel banomil, ich'bil ta muc' c'ot ta vinajel.

2 Timoteo 1:10

Avi tana une, vinaj ti syail xc'uxul yo'nton Dios ta sventa ti vul ta loq'uel ti Jcoltavanej Jesucristoe, ti tal stubbe yip stsatsal ti lajebale. Yu'un ta sventa ti colebal lequil ach' c'ope, laj xa yac' ta na'el ti laj xa jtatic ti jcuxlejaltic ti mu sna' xlaje.

SUN TITO 1:2

ti ja' spatobil yo'ntonic ta stael xcuxlejalic sbatel osile. Ti Diose mu sna' sjut c'op, yu'un c'alal mu'yuc to ox meltsajem ti banomile, yaloj ono'ox ta xac' ti cuxlejale.

1 Pedro 5:1

Ti jech quich'oj cabtel ta sbainel ti jch'unolajeletique, xchi'uc ti rexticoun ti c'u s'elan laj yich' svocol ti Cristoe, xchi'uc ti oy ta jventa ta yich'el ti slequil ti c'alal ta xvul ta loq'uele, xi ta jbijubtas ti jchi'iltac ti buch'utic co'ol quich'oj cabtelcutic ta sbainel ti jch'unolajeletic ti oy ta tsobobbail avu'unique:

1 Juan 1:1

Ta jts'ibaboxuc talel sc'oplal ti Buch'u oy xa ono'ox c'alal lic ayanuc talel scotol ti c'usitic oye. Yu'un laj quil ta jsatcutic, xchi'uc laj ca'ibecutic ti sc'opojele. Ti laj quilcutic laj jpiccutic taje, ja' sc'oplal ti Buch'u yich'oj ta sventa ti cuxlejale.

1 Juan 2:25

Yu'un xi ono'ox laj yalbe sc'oplal ta j'ech'el ti Jesucristoe: “Ta xavich'ic ti cuxlejal sbatel osile.”

1 Juan 3:5

Ti vo'oxuque ana'ojic xa lec ti tal ta banomil ti Jesucristoe yo' jech tal stub xch'ay ti mulile, ac'o mi mu'yuc smul ti stuque.

1 Juan 3:8

Ja'uc ti buch'u ta sa'ilan ti smule, ventainbil yu'un ti pucuje, yu'un ti pucuje, ta sliquebal ono'ox talel, laj sa'ilan ti smule. Ja' sventa tal Xnich'on ti Diose yo' jech ta slilinbe yabtel ti pucuje.

1 Juan 4:14

Vu'uncutic quilojcutic, xchi'uc jamal ta xcalcutic sc'oplal ti Jtotic Diose, ti laj stac talel ti Xnich'one yo' jech tal spoj scolta ti jnaclejetic ta banomile.

1 Juan 4:2

Xi s'elan ta ojtiquinel ti buch'u yich'oj Xch'ul Espíritu ti Diose: scotol ti buch'u ta xal ti tal yich' sbec'tal ti Cristo jech c'u cha'al jun vinique, yich'ojbe Xch'ul Espíritu ti Diose.

1 Juan 5:11

Ti c'op taje, ja' ta xac' ta na'el ti laj xa yac'botic jcuxlejaltic sbatel osil ti Diose. Ti cuxlejale taje oy ta stojol ti Xnich'one.

1 Juan 5:13

Ti vo'oxuc ti c'otem ta avo'nton ta xch'unel ti Xnich'on Diose, ta jts'ibaboxuc talel ti jvun li'e yo' xana'ic ti oy acuxlejalic sbatel osile.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.