Yoona 9:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Nang Yesu nhyia̱ a̱nia a̱ni, a̱ si̱ ta a̱ta̱mpyia̱ a̱byin, a̱ si̱ ni̱m mbyin na. A̱ si̱ khap, a̱ si̱ kwon ma̱ á̱ghyi a̱tyu a̱fi̱fan ba.

Yoona 9:6 Iomraidhean Croise

Ma̱rkut 7:33

Nang Yesu nkhwat gu a̱ ghwut ndyo ma̱ á̱kpa á̱niet ka a̱ni, ba̱ si̱ yong da̱ gbang a̱nyiung. A̱ si̱ tyia̱ ga̱swuong nggu ji ma̱ a̱fufwuo nggu ba. A̱wot a̱ si̱ ta a̱ta̱mpyia̱, a̱ si̱ mbyiam a̱lyem a̱tyok a̱kya.

Ma̱rkut 8:23

Yesu si̱ ta̱bat a̱tyu a̱fi̱fan wu ma̱ng bwak, a̱ si̱ kwak gu a̱ ghwut ndyo ma̱ a̱keang ka. Nang gu nshyup a̱ta̱mpyia̱ nggu na ma̱ á̱ghyi a̱tyu a̱bya a̱ni, a̱ si̱ sak mbwak nggu na da̱ a̱nggu, a̱ si̱ lyip gu nyia̱, “Ka̱ doot a li kyang ma̱ninika a?”

Yoona 9:11

A̱tyu a̱ ku yet a̱tyu a̱fi̱fan wu a̱ni, si̱ nwuak ba shim nyia̱, “A̱tyu a̱wa nang á̱ ngyei Yesu wu a̱ni; nggu wa ku ni̱m byin, a̱ si̱ kwon nung ndyo ma̱ á̱ghyi ba. A̱wot a̱ si̱ nyia̱ ma̱ng a̱nung a̱ni, ‘Nat mi̱ jok Si̱luwam, a si̱ kwi á̱ghyi ang ba a̱ja.’ Nung mameang, n si̱ nat, n si̱si̱ nkwi á̱ghyi ba a̱ja. Huhwa mbyia̱ nang n nwuan a̱vwuo na.”

Tyai Á̱zanson 3:18

Mat a̱nia, n tyia̱ nyin a̱lyiat; nyi san zi̱nariya nang á̱ fwu ma̱ng long a̱ni da̱ a̱vwuo nung, a̱wot nyi ka shya̱ a̱tsatsak nzwá. Nyi bu san a̱sai a̱yaatoot da̱ a̱vwuo nung, nyi nkup ka̱gbang nyin ji. A̱wot nyi bu san kan á̱ghyi, nyi ntyia̱ mi̱ tswá á̱ghyi nyin ji, mat nyi ka nwuan shansham!