Yoona 9:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ “Ku yet ta hwa zi̱ nyia̱ ta̱m a̱tyu a̱ ta̱m nung a̱ni, neet nang mam ni̱ sai. A̱tyetuk na khwat, da̱nang a̱yin si̱ mi̱n nyia̱ ta̱m a̱ni bah.

Yoona 9:4 Iomraidhean Croise

Matyu 20:7

“Ba̱ si̱ nwuak gu shim nyia̱, ‘Zi̱ shya̱ a̱tyu a̱ na kyiak zi̱t ta̱m a̱ni bah.’ “A̱tyu byia̱ a̱byin a̱na̱p wu si̱ nyia̱ ma̱ng a̱mba, ‘Ndei, nyin meang, nyi nat nyi nyia̱ ta̱m ma̱ a̱byin a̱na̱p nung ka.’

Ma̱rkut 3:3

Huhwa Yesu si̱ nyia̱ ma̱ng a̱tyu nang bwak hu khwu a̱ni, “Doot, a bai konyan á̱ li ang!”

Yoona 10:32

A̱jawa, Yesu si̱ nyia̱ ma̱ng a̱mba, “N ka̱n nyia̱ a̱tan nta̱m ma̱ a̱di̱di̱t nang A̱tyia̱ nung wu nwuak nung n nyia̱ a̱ni a̱zaghyi nyin. Zang huhwa nang n nyia̱, nang nyi nchat mang nung ma̱ng nfang na?”

Yoona 10:37

“Ki̱ nta̱m A̱tyia̱ nung nia nang n nyia̱ bah, nyi yok nwuak fwuo da̱ nung bah.

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 17:4

“N wa ka̱n nwuak ang shi mi̱ swanta hu, mat si̱sak ji nang n ku ntyak ta̱m hu nang á̱ ku nwuak nung n nyia̱ a̱ni.

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

Yoona 5:19

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.

Yoona 5:36

“A̱mgba̱m ma̱ng a̱nia, n byia̱ nkyang na̱ shei a̱chuchuk wu kpa̱sai tazwa nung, na̱ lan si̱ Yoona hu ma̱ng shi a̱ni. Huhwa yet nta̱m na nang n nyia̱ a̱ni; nta̱m na nang A̱tyia̱ nung wu ku nwuak nung n nyia̱ a̱ni. Nta̱m ni̱nia lyiat da̱ a̱kwonu nung. A̱wot na̱ si̱ tak nyin nang A̱tyia̱ nung wu wa ku nta̱m nung.

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

Nta̱m A̱yaata̱m 4:20

Zi̱ si̱ mi̱n tyia̱ nywang tazwa kyang nang zi̱ fa̱k, zi̱ si̱ bu li a̱ni bah.”

A̱ga̱la̱tiyawa 6:10

Mat a̱nia, kuzang jen ki̱ zi̱ shya̱ a̱wat, ku myim zi̱ nyia̱ a̱mgba̱m á̱niet ba a̱tan nta̱m. Á̱niet ba nang zi̱ na beang swak a̱ni, bibya yet á̱niet khwi Kristi ba.

A̱fisawa 5:16

Nyi nyia̱ a̱tan nta̱m ma̱ng kuzang a̱wat nang nyi byia̱ a̱ni, mat jen ji yet a̱ka̱tuk wa.

A̱kolosiyawa 4:5

Nyi ni̱ swan swat mumwang dundung ma̱ng á̱niet ba̱ nwai yet á̱niet khwi Kristi ba a̱ni. A̱wot nyi nyia̱ ta̱m ma̱ng a̱wat nang nyi shya̱ a̱ni, nyi mbeang baa.