Yoona 9:39 - A̠lyiat A̠gwaza na di̠n Tyap: A̠li̠ka̠uli A̠fai

³⁹ Yesu si̱ nyia̱, “N bai mi̱ swanta hu, da̱nian n ka nghai á̱niet. M bai da̱nian á̱niet di̱ ba̱ nwuan a̱vwuo a̱ni bah, ba̱ ka shya̱ nwuan hu; a̱wot á̱niet ba̱ dam nyia̱ ba̱ nwuan a̱ni, ba̱ ka tyia̱ á̱niet a̱fi̱fan.”

Yoona 9:39 Iomraidhean Croise

Matyu 11:5

Á̱niet a̱fi̱fan shyat nwuan a̱vwuo. Á̱niet a̱ti̱tak ba̱ ta̱luk a̱ni si̱ chong. Á̱ si̱ choot á̱niet gbap, ba̱ si̱ tyia̱ za̱za̱rak. A̱yaashi̱lan si̱ nwuo fwuong a̱vwuo. Á̱ ya̱ngam á̱niet ba̱ ka̱n kwi a̱ni ma̱ng swuan. A̱wot á̱ si̱ bu shei á̱kunak na A̱sham Nkhang ka.

Matyu 15:14

Mat a̱nia, nyi bwung baa. Ba̱ yet á̱niet a̱fi̱fan bya. A̱wot ba̱ kwak á̱niet a̱fi̱fan shán mameang. A̱wot ka̱ a̱tyu a̱fi̱fan kwak a̱tyu a̱fi̱fan shan, a̱mgba̱m ba a̱feang, ba̱ na kwa mi̱ bwong.”

Matyu 6:23

A̱wot ka̱ tswa a̱li ang ji byia̱ shi̱shi̱p, a̱mgba̱m vam ang hu na yet lyin hwa. A̱wot ki̱ sai hu nang a fa a byia̱ a̱ni yet lyin hwa za̱m, zang tangka̱i a̱gba̱ndang dyin hwa a̱hwa!

Luka 1:79

Da̱nian ku ka sai tazwa á̱niet ba̱ shya̱ mi̱ ndyin ma̱ng a̱ghwaghwu a̱khwu a̱ni; a̱ bu tyia̱ nzi̱t di̱n vak swat nyinyang.”

Luka 13:30

A̱wot ku myim nyi lyen si̱ huni: Á̱ghyang á̱niet ba̱ yet a̱ngaan ka ma̱nini a̱ni; bibya na yet a̱son ka di̱n jen a̱ja. Ma a̱nia wa, á̱ghyang á̱niet ba̱ yet a̱son ka ma̱nini a̱ni; bibya na yet a̱ngaan ka di̱n jen a̱ja.”

Luka 2:34

A̱jawa Simiyon si̱ nang mba a̱nu. A̱ si̱ tak á̱zanson tazwa nggwon ka da̱ a̱vwuo Ma̱ryamu a̱yang nggwon wu nyia̱, “Á̱ sak nggwon kani, ka̱ tyia̱ á̱niet ma̱ a̱di̱di̱t mi̱ Isi̱rela ba̱ kwa. A̱wot ka̱ bu na yet kyang a̱gwai da̱ a̱vwuo á̱ghyang á̱niet ma̱ a̱di̱di̱t. A̱gwaza bu na ta̱m nggwon nggu kani, ka̱ ka yet a̱lama a̱ neet da̱ a̱vwuo A̱gwaza a̱ni. A̱mgba̱m ma̱ng a̱nia, á̱niet ma̱ a̱di̱di̱t na lak li nkaa.

Luka 4:18

“Tswa A̱gwaza ji shya̱ da̱ nung; mat A̱gwaza khai nung n shei A̱sham Nkhang ka da̱ a̱vwuo á̱kunak. A̱ si̱ ta̱m nung n shei ma̱ng á̱niet ba̱ shya̱ mi̱ khwo a̱ni, nang á̱ nkai mba á̱ ghwon; n bu nshei á̱niet a̱fi̱fan nang ba̱ na nshya̱ nwuan a̱vwuo; a̱wot n bu nshei á̱niet á̱ ya̱shuk a̱ni, nang á̱ na nkai mba á̱ ghwon;

Luka 7:21

Da̱ a̱cha̱chaat njen a̱wa, Yesu ku shya̱ di̱ choot á̱niet ma̱ a̱di̱di̱t ba̱ ku nyia̱ ma̱ng kuzang tangka̱i nzwan a̱ni. A̱ si̱ kam á̱ka̱tuk ntswá, ba̱ si̱ ghwut. A̱wot a̱ si̱ teak á̱ghyi á̱niet a̱fi̱fan ma̱ a̱di̱di̱t, ba̱ si̱ shya̱ nwuan á̱vwuo.

Yoona 12:31

Ma̱nini kya nang á̱ na nyia̱ á̱niet mi̱ swanta ba shi̱ri̱ya, a̱wot á̱ bu vwuong A̱ta̱nyeang swanta kani.

Yoona 12:46

N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Yoona 3:19

“Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 8:15

Nyin, nyi nyia̱ shi̱ri̱ya nang á̱niet mi̱ swanta a̱ni. Nung, n nyia̱ shi̱ri̱ya tazwa a̱yin bah.

Yoona 9:25

A̱ si̱ nyia̱ ma̱ng a̱mba a̱ni, “Ke a̱ yet a̱tyu a̱ka̱tuk wa wo, nung n dyen bah. Kyang nyiung hwa nang n dyen. N ku ngyet a̱tyu a̱fi̱fan gbangbang. A̱wot di̱ yong huni, n nwuan a̱vwuo!”

Nta̱m A̱yaata̱m 26:18

Nwan wa na tat ba á̱ghyi ba, da̱nian ba̱ ka ghwut mi̱ ndyin, ba̱ nat da̱ a̱vwuo sai; a̱wot a tyia̱ ba̱ ghwut mi̱ ntyok A̱ta̱nyeang ba̱ nwuo Tyok A̱gwaza hu. A̱jawa A̱gwaza na chi a̱ka̱tuk nyia̱ mba wu. A̱wot ba̱ na shya̱ a̱vwuo nswat dundung ma̱ng á̱niet ba̱ yet á̱si̱ A̱gwaza a̱ni; bibya á̱ khap á̱ sak da̱nian ba̱ ka nwuak fwuo da̱ nung.’

2 A̱korontiyawa 2:16

Da̱ a̱vwuo á̱niet ba̱ shya̱ di̱n vak a̱khwu a̱ni, swam a̱myia̱ huni nyui a̱bwui swam a̱khwu wa. A̱wot da̱ a̱vwuo á̱niet ba̱ shya̱ san a̱ni, A̱sham Nkhang nzi̱t ka yet swam a̱myia̱ nyinyang na̱ nwuat swuan a̱ni. A̱wot a̱nyan wa maai a̱ nyia̱ tangka̱i ta̱m nang si̱ huni a̱ni?

A̱fisawa 5:14

Mat sai hu ni̱ tyia̱ á̱ li kuzang kyang kpa̱sai. Huhwa mbyia̱ á̱ nnyia̱, “Nwan a̱tyu a̱ khat nda a̱ni, shyip! Doot ma̱ng swuan ma̱ á̱niet ba̱ ka̱n kwi a̱ni! A̱wot Kristi na tyia̱ sai ku teak tazwa ang!”

2 A̱ta̱solonikawa 2:10

A̱ na laai á̱niet ba̱ shya̱ di̱n vak a̱khwu a̱ni, di̱ kuzang tangka̱i a̱ka̱tuk nvak, mat ba̱ lak chat san a̱tsatsak a̱lyiat wu, nang ba̱ na nshya̱ swuan sang sangba̱p a̱ni.

1 Bitut 2:9

A̱wot nyi li a̱nia bah, mat nyi yet kwai nang A̱gwaza khai a̱ni. Nyi yet a̱yaapris a̱gba̱ndang A̱gwam, a̱za̱za̱rak nwap, ma̱ng á̱niet ba̱ yet a̱si̱ A̱gwaza a̱ni. Mat a̱nia, nyi na tak á̱ghyang á̱niet a̱cha̱chet a̱tan nkyang a̱ga̱de nang A̱gwaza nyia̱ a̱ni. Mat A̱gwaza yorong nyin a̱ ghwut ndyo mi̱ ndyin a̱ nat ndyo ma̱ a̱kyenkyai sai nggu wu.

1 Yoona 2:11

A̱wot a̱tyu a̱ lak li a̱na̱nyiuk nggu wu a̱ yet a̱tyu khwi Yesu a̱ni, mami ndyin kya nang gu ni̱ nshya̱. A̱ si̱ bu swan mi̱ ndyin. Tangka̱i a̱tyu a̱hwa lyen vak nang gu na nkai a̱ni bah, mat lyin hu tyia̱ a̱ si̱ kwa a̱fi̱fan.