Yoona 9:35 - A̠lyiat A̠gwaza na di̠n Tyap: A̠li̠ka̠uli A̠fai

³⁵ Nang Yesu ku nfa̱k nkhang nyia̱ á̱ ka̱n vwuong a̱tyu a̱ ku byia̱ a̱fi̱fan ba, á̱ ghwut ndyo mi̱ tutu a̱tung A̱yahudawa hu a̱ni; a̱ si̱ chat gu a̱ shya̱. Huhwa gu nyia̱ ma̱ng a̱nggu a̱ni, “A nwuak fwuo di̱ Nggwon A̱gwaza kaa?”

Yoona 9:35 Iomraidhean Croise

Yoona 20:31

A̱mgba̱m ma̱ng a̱nia, á̱ lyuut nkyang nani da̱nian nyi ka nwuak a̱chuchuk nang Yesu wa ngyet Kristi, A̱tyu nang A̱gwaza kup gu tyok a̱ni, ma̱ng Nggwon A̱gwaza; a̱wot mami nwuak fwuo nyin hu da̱ nggu, nyi ka shya̱ swuan mami a̱lyoot gu.

1 Yoona 5:13

N dyuut nyin nkyang nani, nyin á̱niet ba nyi nwuak a̱chuchuk di̱ chet a̱lyoot Nggwon A̱gwaza ka a̱ni, da̱nian nyi ka lyen za̱m nang nyi mbyia̱ swuan sang sangba̱p ji.

Yoona 10:36

to, ka̱ nung nang A̱tyia̱ wu ja̱u, a̱wot a̱ si̱ bu ta̱m ndyo mi̱ swanta hu a̱ni, lihyat hwa nang n dyiat A̱gwaza wu ndyo nang n nyia̱, ‘N gyet Nggwon A̱gwaza kya’ a̱ni a?

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

1 Yoona 5:10

Konyan wa nwuak fwuo di̱ Nggwon A̱gwaza ka, a̱ lyen mi̱ fwuo nggu hu nang sheda huni ngyet a̱chuchuk wa. Ma a̱nia wa, konyan wa da̱ a̱ nwuak fwuo da̱ A̱gwaza bah, ku fa, a̱ tyia̱ A̱gwaza a̱tyu bwoi a̱ka̱laa. Mat nang gu nwai nwuak a̱chuchuk da̱ a̱lyiat nang A̱gwaza tak tazwa Nggwon nggu ka a̱ni.

1 Yoona 5:5

Nggu a̱nyan wa maai a̱ swuo chet swanta hu? Si̱ ma̱ a̱tyu a̱ nwuak a̱chuchuk nang Yesu wa ma̱nyin nggu ngyet Nggwon A̱gwaza ka a̱ni.

1 Yoona 4:15

Konyan wa khwuk a̱nu a̱ si̱ tak kpa̱sai nang Yesu wa ngyet Nggwon A̱gwaza ka, a̱tyu a̱wa swan di̱ mun á̱pyia̱ ma̱ng A̱gwaza. A̱gwaza si̱ ma mun a̱pyia̱ ma̱ng a̱nggu.

A̱romawa 10:20

A̱wot Ishaya a̱ta̱m a̱kwonu A̱gwaza, si̱ bu gbang a̱lyia̱, a̱ si̱ hyia̱ kyang nang A̱gwaza hyia̱ ma̱ a̱pyia̱ nggu, nyia̱, “Á̱niet ba di̱ ba̱ ku chat nung á̱ shya̱ a̱ni bah, bibya si̱ wa shya̱ nung. N ku tyai a̱pyia̱ nung kpa̱sai da̱ a̱vwuo á̱niet da̱ ba̱ lyip nung a̱ni bah.”

A̱romawa 1:4

A̱wot tazwa za̱kwa A̱gwaza nang Yesu byia̱ a̱ni, á̱ si̱ tyai nggu kpa̱sai nang nggu ngyet a̱tsatsak Nggwon A̱gwaza wa, di̱n jen nang chet A̱za̱za̱rak Ntswa hu ku nta̱ngam nggu ma̱ng swuan ma̱ á̱niet ba̱ ka̱n kwi a̱ni. Nggu wa yet Yesu Kristi A̱tyoli nzi̱t wu!

Nta̱m A̱yaata̱m 9:20

A̱wot mi̱ di̱ yong a̱hwa, Sha̱wulu si̱ kin nwuo shei A̱sham Nkhang Yesu ka ma̱ á̱tutu a̱tung A̱yahudawa ba. A̱ si̱ nyia̱, “Yesu wa yet Nggwon A̱gwaza ka za̱m!”

Nta̱m A̱yaata̱m 8:36

Nang ba̱ nshya̱ da̱ a̱chyet ka ndung a̱ni, ba̱ si̱si̱ shya̱ a̱sa̱khwot. A̱jawa a̱tyu Ha̱basha wu si̱ nyia̱ ma̱ng Filibut, “Di a̱sa̱khwot nia na! Yihwa na nvwong á̱ nyia̱ nung ba̱ptisman ji?”

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 11:27

A̱jawa Ma̱rta si̱ nwuak Yesu shim nyia̱, “Ii, A̱tyoli, n nwuak a̱chuchuk nwan wa yet Kristi a̱tyu nang A̱gwaza kup gu tyok nang zi̱ fwuong a̱ni; Nggwon A̱gwaza ka nang á̱ ku sak ka̱ na bai mi̱ swanta hu a̱ni.”

Yoona 6:69

A̱wot ma̱ninika, zi̱ nwuak a̱chuchuk, zi̱ si̱ lyen nang nwan wa ngyet A̱za̱za̱rak A̱tyu a̱ neet da̱ a̱vwuo A̱gwaza a̱ni!”

Yoona 5:14

Á̱ si̱ labeang bah, Yesu si̱ myim ma̱ng a̱tyu nang gu ku choot mami didyaat A̱li Nwuat Za̱nang A̱gwaza hu. A̱ si̱ nyia̱ ma̱ng a̱nggu a̱ni, “Di, a choot ma̱ninika! Mat a̱nia, ghwon a̱ka̱tuk nyia̱ ang wu. Kalak a̱bombwuon kyang a̱ swak zwan jini ma̱ng shi a̱ni, na shya̱ ang!”

Yoona 3:36

Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 1:34

N di a̱nia, n tak nyin kpa̱sai nang nggu wa ngyet Nggwon A̱gwaza ka.”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Ma̱rkut 1:1

A̱tyin A̱sham Nkhang kikya ka, tazwa Yesu Kristi [[Nggwon A̱gwaza.]]

Matyu 16:16

Siman Bitut si̱ nwuak gu shim nyia̱, “Nwan wa yet Kristi a̱tyu nang A̱gwaza kup gu tyok a̱ni. A bu yet Nggwon A̱gwaza a̱ shya̱ mi̱ swuan a̱ni.”

Matyu 14:33

A̱wot mman nta̱m na si̱ kyuak Yesu ntong. Ba̱ si̱ nyia̱, “A̱tsak a̱lyiat, a yet Nggwon A̱gwaza kya za̱m!”

Matyu 4:3

Di̱n jen a̱ja, A̱ta̱nyeang ka si̱ bai da̱ a̱vwuo Yesu, ka̱ si̱ nyia̱, “Ka̱nang a yet Nggwon A̱gwaza kya chi̱k, tyia̱ nfang nani na̱ bwuak á̱ tyia̱ burodi, a yaa.”

Yoona 9:22

Á̱niet mbyin a̱tyu a̱ ku byia̱ a̱fi̱fan ba a̱ni si̱ hyia̱ a̱lyiat nani, mat ba̱ ku fa̱k a̱wun a̱cha̱chet a̱yaakwak a̱son A̱yahudawa ba. Mat ba̱ ku la̱p á̱ sak nyia̱ ka̱ ba̱ shya̱ a̱yin a̱ si̱ shim nyia̱ Yesu wa yet Kristi, a̱tyu nang A̱gwaza kup gu tyok a̱ni; nang ba̱ fwuong a̱ni, á̱ na ti̱n nggu á̱ ghwut ndyo mami tutu a̱tung A̱yahudawa ka.

Yoona 9:34

A̱cha̱chet A̱yahudawa ba si̱ nyia̱, “Nwan a̱tyu nang á̱ byin mami a̱ka̱tuk nyia̱, a̱wot a si̱ shi mami a̱ka̱tuk a̱ni; nwan wa chat tyiet zi̱t a?!” Huhwa ba̱ si̱ vwuong nggu, á̱ ghwut ndyo mi̱ tutu a̱tung A̱yahudawa hu.

3 Yoona 1:10

Mat a̱nia, ki̱ n mbai da̱ a̱vwuo nyin, n na tyai á̱ka̱tuk nkyang nang Diyotari̱fi̱t nyia̱ a̱ni kpa̱sai, ma̱ng á̱ka̱tuk a̱hyiak nang gu mbat nzi̱t a̱ni. A̱wot si̱ a̱hwa maai gu bah, a̱ bu ni̱ lak san á̱na̱nyiuk ba, ba̱ yet á̱niet tyiet ba̱ chong á̱ shei A̱sham nkhang ka a̱ni. A̱wot kyang ku swak a̱nia ma̱ng yet a̱ka̱tuk a̱ni, huhwa yet; a̱ bu ni̱ vwuong á̱niet khwi ba ba̱ chat san á̱niet tyiet bani a̱ni. A̱ bu ni̱ chat a̱ fi̱n á̱niet khwi a̱bya ba̱ chat beang á̱niet tyiet ba a̱ni, á̱ ghwut ndyo mami sot á̱niet khwi ji.