Yoona 9:34 - A̠lyiat A̠gwaza na di̠n Tyap: A̠li̠ka̠uli A̠fai

³⁴ A̱cha̱chet A̱yahudawa ba si̱ nyia̱, “Nwan a̱tyu nang á̱ byin mami a̱ka̱tuk nyia̱, a̱wot a si̱ shi mami a̱ka̱tuk a̱ni; nwan wa chat tyiet zi̱t a?!” Huhwa ba̱ si̱ vwuong nggu, á̱ ghwut ndyo mi̱ tutu a̱tung A̱yahudawa hu.

Yoona 9:34 Iomraidhean Croise

Luka 11:45

A̱tyo nyiung mami a̱yaagwak lyen doka A̱gwaza ba si̱ nyia̱ ma̱ng Yesu, “A̱tyu tyiet, a mun tok nzi̱t mami a̱lyiat nang a lyiat a̱ni!”

Luka 14:11

Mat a̱nia, a̱tyu a̱ nwuak a̱pyia̱ nggu shi a̱ swak á̱ghyang á̱niet a̱ni, A̱gwaza na ghyuai nggu. A̱wot a̱tyu a̱ ghyuai a̱pyia̱ nggu a̱ni; nggu wa A̱gwaza na tyia̱ gu shi hu.”

Luka 18:17

“N tak nyin a̱tsak a̱lyiat; konyan wa da̱ a̱ san Tyok A̱gwaza hu nang a̱da̱dei nggwon a̱ni bah, a̱ si̱ mi̱n mak nwuo ma̱ nhu bah.”

Luka 6:22

A̱gwaza tyei nyin a̱li̱ba̱rka, nyin á̱niet nang á̱ lak li; á̱ si̱ bu khap nyin zan mami á̱niet; á̱ si̱ bu nyia̱ nyin lihyat; á̱ si̱ tyam nyin nang á̱ka̱tuk á̱niet a̱ni; mat nyi khwi nung, Nggwon A̱tyubishyi.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 8:41

Nyi nyian kyang nang a̱tyia̱ nyin wu nyia̱ wa a̱ni.” Ba̱ si̱ nyia̱, “A̱gwaza wa ma̱ a̱pyia̱ nggu yet A̱tyia̱ nzi̱t wu! Á̱ tyei nzi̱t di̱n vak katnaan bah. A̱gwaza wa ma̱ a̱pyia̱ nggu tyei nzi̱t, zi̱ yet mman gu nia za̱m!”

Yoona 9:2

Huhwa mman ta̱m Yesu na si̱ lyip gu nyia̱, “A̱tyu tyiet, a̱nyan wa ku nyia̱ a̱ka̱tuk nyia̱ wu, a̱ ku tyia̱ á̱ si̱ mbyin a̱tyu wuni ma̱ng a̱fi̱fan ba? Nggu wa ku nyia̱ a̱ka̱tuk nyia̱ wu, ke á̱niet mbyin nggu bibya?”

Yoona 9:22

Á̱niet mbyin a̱tyu a̱ ku byia̱ a̱fi̱fan ba a̱ni si̱ hyia̱ a̱lyiat nani, mat ba̱ ku fa̱k a̱wun a̱cha̱chet a̱yaakwak a̱son A̱yahudawa ba. Mat ba̱ ku la̱p á̱ sak nyia̱ ka̱ ba̱ shya̱ a̱yin a̱ si̱ shim nyia̱ Yesu wa yet Kristi, a̱tyu nang A̱gwaza kup gu tyok a̱ni; nang ba̱ fwuong a̱ni, á̱ na ti̱n nggu á̱ ghwut ndyo mami tutu a̱tung A̱yahudawa ka.

Yoona 9:35

Nang Yesu ku nfa̱k nkhang nyia̱ á̱ ka̱n vwuong a̱tyu a̱ ku byia̱ a̱fi̱fan ba, á̱ ghwut ndyo mi̱ tutu a̱tung A̱yahudawa hu a̱ni; a̱ si̱ chat gu a̱ shya̱. Huhwa gu nyia̱ ma̱ng a̱nggu a̱ni, “A nwuak fwuo di̱ Nggwon A̱gwaza kaa?”

Yoona 9:40

Nang A̱fa̱risawa ba̱ shya̱ ndung ma̱ng Yesu nfa̱k a̱nia a̱ni, ba̱ si̱ nyia̱ ma̱ng a̱nggu a̱ni, “Nzi̱t mameang, zi̱ yet á̱niet a̱fi̱fan byaa?”

1 A̱korontiyawa 5:13

A̱gwaza wa na nyia̱ á̱niet ba̱ nwai yet á̱niet khwi ba a̱ni shi̱ri̱ya. A̱wot da̱ á̱niet khwi ba, nyi nyia̱ ma̱nang á̱ ndyuut ma̱ A̱lyiat A̱gwaza na a̱ni nyia̱, “Ku yet ta hwa, nyi vwuong a̱ka̱tuk a̱yin a̱wa ghwut ndyo mami nyin.”

A̱ga̱la̱tiyawa 2:15

“Nzi̱t a̱feang, zi̱ neet mi̱ kwai A̱yahudawa ji a̱ni, zi̱ sang doka ji nang Nnwap na̱ nwai yet A̱yahudawa a̱ni bah, á̱si̱ nang A̱yahudawa ba kyiak nang á̱niet a̱ka̱tuk nyia̱ a̱ni.

A̱fisawa 2:3

A̱mgba̱m zi̱t, zi̱ ku swan tangka̱i a̱ka̱tuk nswat a̱hwa dundung ma̱ng á̱kum á̱niet swanta ba. Zi̱ ni̱ khwi shyuo nvam nzi̱t ji, ma̱ng si̱ a̱di̱dam a̱ka̱tuk za̱kwa nzi̱t wu. Mat za̱kwa a̱ka̱tuk nyia̱ nzi̱t ji, A̱gwaza si̱ mwai lyen ma̱ng a̱nzi̱t, ma̱nang á̱kum á̱niet swanta ba a̱ni.

1 Bitut 5:5

Ma a̱nia wa, nyin nfi̱ng á̱niet na, ku yet ta hwa nyi khwi tyok á̱niet khwop á̱niet hu. A̱wot a̱mgba̱m nyin, nyi beang á̱ghyang kuzang jen. Nyi yok nyia̱ gba̱p a̱pyia̱ bah, ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱gwaza lak gba̱p a̱pyia̱ á̱nietbishyi. A̱wot a̱ si̱ fa̱k shok á̱niet ba̱ ghyuai pyipyia̱ mba da̱ a̱vwuo nggu a̱ni.”

3 Yoona 1:10

Mat a̱nia, ki̱ n mbai da̱ a̱vwuo nyin, n na tyai á̱ka̱tuk nkyang nang Diyotari̱fi̱t nyia̱ a̱ni kpa̱sai, ma̱ng á̱ka̱tuk a̱hyiak nang gu mbat nzi̱t a̱ni. A̱wot si̱ a̱hwa maai gu bah, a̱ bu ni̱ lak san á̱na̱nyiuk ba, ba̱ yet á̱niet tyiet ba̱ chong á̱ shei A̱sham nkhang ka a̱ni. A̱wot kyang ku swak a̱nia ma̱ng yet a̱ka̱tuk a̱ni, huhwa yet; a̱ bu ni̱ vwuong á̱niet khwi ba ba̱ chat san á̱niet tyiet bani a̱ni. A̱ bu ni̱ chat a̱ fi̱n á̱niet khwi a̱bya ba̱ chat beang á̱niet tyiet ba a̱ni, á̱ ghwut ndyo mami sot á̱niet khwi ji.

3 Yoona 1:9

N wa ka̱n dyuut sot á̱niet khwi ma̱ a̱keang nyin ji wusika. A̱wot Diyotari̱fi̱t ni̱ lak shim tyok nzi̱t hu, mat a̱ ni̱ chat yet a̱kwak a̱son á̱niet khwi.

Tyai Á̱zanson 13:17

Á̱ mbyia̱ a̱tyu a̱ na san ku a̱ lyap kyang di̱ mi̱n zwunzwuo a̱ja a̱ni bah; si̱ mi̱ a̱tyu a̱ byia̱ zwunzwuo ji yet a̱lyoot a̱ka̱tuk nyam a̱yit a̱ yet a̱son ka, ku zwunzwuo ji fa la̱mba a̱lyoot a̱ka̱tuk nyam a̱yit a̱ja a̱ni.