Yoona 9:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ A̱tyu a̱ ku byia̱ a̱fi̱fan ba a̱ni, si̱ nyia̱, “N fa̱k a̱ga̱de da̱ a̱lyiat nyin na! Nyi lyen a̱vwuo ka nang gu neet a̱ni bah. A̱mgba̱m ma̱ng a̱nia, nggu wa khwuk nung á̱ghyi ba!

Yoona 9:30 Iomraidhean Croise

Matyu 11:5

Á̱niet a̱fi̱fan shyat nwuan a̱vwuo. Á̱niet a̱ti̱tak ba̱ ta̱luk a̱ni si̱ chong. Á̱ si̱ choot á̱niet gbap, ba̱ si̱ tyia̱ za̱za̱rak. A̱yaashi̱lan si̱ nwuo fwuong a̱vwuo. Á̱ ya̱ngam á̱niet ba̱ ka̱n kwi a̱ni ma̱ng swuan. A̱wot á̱ si̱ bu shei á̱kunak na A̱sham Nkhang ka.

Matyu 21:42

A̱jawa Yesu si̱ lyip ba nyia̱, “Nyi ka̱n fang A̱lyiat A̱gwaza na nang á̱ lyuut a̱ni baa? Nyia̱, ‘A̱fang ka nang á̱niet nok ba lak a̱ni, kikya nang á̱ kpaat da̱ a̱ta̱m kuntyin nok ka. Si̱ huni yet ta̱m A̱gwaza hwa. A̱wot ku yet kyang a̱ga̱de hwa da̱ a̱vwuo nzi̱t.’

Ma̱rkut 6:6

A̱ si̱ fa̱k a̱ga̱de ba̱t tazwa nwai nwuak a̱chuchuk mba hu!

Luka 7:22

Yesu si̱ nwuak mman ta̱m Yoona a̱nia shim nyia̱, “Nyi bwuok nat, nyi si̱ tak ma̱ng Yoona nta̱m nung na nang nyi fa̱k nyi si̱ bu li a̱ni: Á̱ teak á̱niet a̱fi̱fan á̱ghyi. Á̱niet nang a̱ti̱tak ba kwi a̱ni, si̱ nwuo a̱chyet. Á̱ si̱ choot á̱niet gbap, ba̱ si̱ tyia̱ za̱za̱rak. A̱yaashi̱lan si̱ nwuo fwuong á̱vwuo. Á̱niet ba̱ ka̱n kwi a̱ni, si̱ doot ma̱ng swuan. A̱wot á̱ si̱ bu shei á̱kunak na A̱sham Nkhang ka.

Yoona 12:37

A̱mgba̱m ma̱ng a̱cha̱chet nkyang a̱ga̱de ma̱ a̱di̱di̱t nang Yesu ku nyia̱ a̱zaghyi A̱yahudawa ba a̱ni, ba̱ si̱ nwuak fwuo da̱ nggu bah.

Yoona 3:10

Yesu si̱ nwuak gu shim nyia̱, “A̱wot nwan mameang, a yet a̱gba̱ndang a̱tyu tyiet Isi̱rela wu a̱ni; a̱wot a lyen nkyang nani baa?

Yoona 9:29

Zi̱ lyen nang A̱gwaza ku ndyiat ma̱ng Musa! A̱wot a̱tyu wuni, zi̱ lyen a̱vwuo ka nang gu neet a̱ni bah!”

Yoona 9:31

Zi̱ lyen á̱niet ba̱ nyia̱ a̱ka̱tuk a̱ni, A̱gwaza fwuong mba bah. A̱ fwuong á̱niet ba̱ nwuat gu shi. A̱wot ba̱ si̱ khwi kyang hu nang gu chat ba̱ nyia̱ a̱ni.

2 A̱korontiyawa 4:6

Mat A̱gwaza wa ku hyia̱ nyia̱, “Yok sai hu, ku sai mi̱ ndyin hu!” Nggu wa bu tyia̱ sai huni ku sai mi̱ nfwuo nzi̱t na, mat zi̱ ka lyen a̱kyenkyai shi A̱gwaza wu ma̱ a̱ghyi Yesu Kristi ba, a̱ ya á̱ghyi ma̱ mya̱myat a̱myat nang á̱ nwuan a̱ni.