Yoona 9:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ A̱cha̱chet a̱yaakwak a̱son A̱yahudawa ba si̱ bu yorong a̱tyu a̱ ku byia̱ a̱fi̱fan ba a̱ni, ba̱ si̱ nyia̱, “Fa̱k a̱wun A̱gwaza, a hyia̱ a̱tsatsak a̱lyiat! Nzi̱t, zi̱ lyen nang a̱tyu wuni a̱ choot ang a̱ni; ngyet a̱tyu a̱ka̱tuk nyia̱ wa.”

Yoona 9:24 Iomraidhean Croise

Ma̱rkut 15:27

Ba̱ si̱ kpang á̱niet á̱tsaai a̱feang dundung ma̱ng Yesu; a̱tyo nyiung a̱zayak, a̱tyo nyiung a̱za myian nggu ka.

Luka 15:2

Huhwa A̱fa̱risawa ba ma̱ng a̱yaagwak tyiet doka A̱gwaza ba si̱ kwop a̱dyii̱ng nyia̱, “A̱tyu wuni mun a̱pyia̱ ma̱ng á̱niet á̱ka̱tuk nyia̱, a̱ tsa bu ngya nkyayak dundung ma̱ng a̱mba!”

Luka 19:7

A̱wot á̱niet ba si̱ fa̱k a̱lyia̱ ya. Ba̱ si̱ kwop a̱dyii̱ng nyia̱, “Yesu nat a̱ yet a̱nietchen a̱mali a̱tyu nang á̱ lyen gu yet a̱tyu a̱ka̱tuk nyia̱ ba̱t a̱ni!”

Luka 7:39

Nang a̱tyu A̱fa̱risawa wu a̱ yei Yesu ya kyayak hu ndi a̱nia a̱ni, a̱ si̱ nwuo a̱di̱dam mi̱ fwuo nggu hu nyia̱, “Kwot! Ka̱ a̱tyu wuni wa yet a̱tsak a̱ta̱m a̱kwonu A̱gwaza wa, si̱ a̱ lyen nang tangka̱i a̱byii̱k ku byiam gu a̱ni; ngyet a̱byii̱k a̱ka̱tuk nyia̱ wa!”

Yoona 14:30

“N bu si̱ mi̱n dyiat ma̱ng a̱nyin a̱jojoot a̱lyiat bah, mat A̱ta̱nyeang swanta kani, ka̱ chobai. A̱mgba̱m ma̱ng a̱nia, ka̱ si̱ mi̱n nyia̱ tyok tazwa nung bah.

Yoona 16:2

Ba̱ na ti̱n nyin, á̱ ghwut ndyo mami á̱tutu a̱tung A̱yahudawa ba. A̱wot jen bye bai, nang á̱ghyang á̱niet na nhyaai nyin. Ba̱ nyia̱, ba̱ nyia̱ A̱gwaza wa ta̱m!

Yoona 18:30

Huhwa ba̱ si̱ nwuak gu shim nyia̱, “Ka̱ a̱tyu wuni wa yok bwuo a̱bun bah, si̱ zi̱ bai ma̱ng a̱nggu da̱ a̱vwuo ang ka bah!”

Yoona 19:6

Nang a̱cha̱chet a̱yaapris ma̱ng á̱niet cham A̱li Nwuat za̱nang A̱gwaza ba ndi Yesu a̱ni, ba̱ si̱ koot a̱gugwong mi̱ chet nyia̱, “Á̱ kpang nggu da̱ a̱team a̱khwu!” Huhwa Bilatut si̱ nyia̱ ma̱ng a̱mba, “Nyi nat nyi kpang nggu da̱ a̱team a̱khwu wu ma̱ á̱pyia̱ nyin! Mat nung, n shya̱ nggu ma̱ng a̱bun bah!”

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 8:46

“Mami nyin, a̱nyan wa doot a̱ tak nang gu ka̱n di nang n nyia̱ a̱ka̱tuk nyia̱? Ka̱ a̱tsatsak a̱lyiat wa nang n dyiat, yihwa mbyia̱ nang nyi ndak nwuak fwuo hu da̱ nung?

Yoona 8:49

Yesu si̱ nyia̱, “Nung, n byia̱ a̱ka̱tuk ntswa bah! N nwuat A̱tyia̱ nung wu shi. A̱wot nyin, nyi jhyuai nung.

Yoona 9:16

Huhwa A̱fa̱risawa á̱ghyang si̱ nyia̱, “A̱tyu wuni neet da̱ a̱vwuo A̱gwaza bah. Mat a̱ nyia̱ ta̱m a̱ si̱ tyat doka a̱tuk Mam Fwung ji!” Á̱ghyang á̱niet mameang, ba̱ si̱ nyia̱, “Á̱ na nyia̱ ni wa a̱tyu a̱ka̱tuk nyia̱ gu nnyia̱ ntangka̱i a̱cha̱chet nkyang a̱ga̱de nani?” Huhwa ba̱ si̱ ta̱bat ya fwuang ma̱ng á̱ghyang mba.

Yoona 9:25

A̱ si̱ nyia̱ ma̱ng a̱mba a̱ni, “Ke a̱ yet a̱tyu a̱ka̱tuk wa wo, nung n dyen bah. Kyang nyiung hwa nang n dyen. N ku ngyet a̱tyu a̱fi̱fan gbangbang. A̱wot di̱ yong huni, n nwuan a̱vwuo!”

A̱romawa 8:3

Doka Musa ji ku byia̱ chet nang ji̱ na nsan nzi̱t a̱ni bah, mat lat za̱kwa a̱ka̱tuk nyia̱ nzi̱t ji. Mat a̱nia, A̱gwaza si̱ nyia̱ ta̱m nang doka ji si̱ mi̱n nyia̱ a̱ni bah. A̱ si̱ ta̱m ma̱ng Nggwon nggu ka ka̱ byia̱ tangka̱i vam nang nzi̱t á̱niet a̱ka̱tuk nyia̱ ba byia̱ a̱ni. A̱wot mi̱ vam a̱hwa hwa, nang A̱gwaza ntak kpa̱sai nang tyok a̱ka̱tuk nyia̱ ntyak. A̱gwaza nyia̱ a̱nia, di̱ si̱sak nang gu nnwuak Nggwon nggu ka, ka̱ yet za̱nang da̱nian a̱ka̱tuk nyia̱ nzi̱t wu a̱ni.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

Tyai Á̱zanson 11:13

Mi̱ di̱n jen a̱ja, a̱gba̱ndang tyi̱ri̱m a̱byin si̱ kin hyat fam nyiung mami nfam swak a̱keang na! A̱gba̱ndang tyi̱ri̱m a̱byin wu si̱ hyaai á̱niet chyikwop a̱natat (7,000). A̱wot a̱gba̱ndang a̱wun si̱ ta̱bat kuzang a̱yin. A̱wot ba̱ si̱ shim nang A̱gwaza a̱ swan Tswazwa a̱ni mbyia̱ chet ba̱t!