Yoona 9:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Ba̱ si̱ bu nyia̱ ma̱ng a̱tyu a̱ ku byia̱ a̱fi̱fan ba a̱ni, “Nwan a nyia̱ a̱ khwuk ang á̱ghyi; yihwa nang a na hyia̱ da̱ nggu?” Nggu meang, a̱ si̱ nyia̱ ma̱ng a̱mba, “A̱tyu a̱wa yet a̱ta̱m a̱kwonu A̱gwaza wa!”

Yoona 9:17 Iomraidhean Croise

Matyu 21:11

A̱wot susot á̱kpa á̱niet ji si̱ nwuak shim nyia̱, “A̱tyu wuni wa yet Yesu, a̱ta̱m a̱kwonu A̱gwaza, a̱ neet Na̱za̱ra̱t mi̱ fam a̱byin Ga̱lili a̱ni!”

Luka 24:19

Yesu si̱ bu lyip ba, nyia̱ “Zang ntangka̱i nkyang nia?” Ba̱ si̱ bu nyia̱ ma̱ng a̱nggu, “Nkyang na na̱ shya̱ Yesu a̱ neet ma̱ a̱keang Na̱za̱ra̱t ka a̱ni. A̱ ku yet a̱tsak a̱ta̱m a̱kwonu A̱gwaza wa. A̱ si̱ nyia̱ nkyang a̱ri̱bi̱di na̱ byia̱ chet a̱ni. A̱wot a̱ si̱ yet a̱gba̱ndang a̱tyu tyiet wa a̱zaghyi A̱gwaza mbeang a̱mgba̱m á̱nietbishyi ba.

Yoona 4:19

A̱nap wu si̱ nyia̱ ma̱ng Yesu a̱ni, “A̱tyoli, n fi̱k nang a ngyet a̱ta̱m a̱kwonu A̱gwaza wa!

Yoona 6:14

Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 9:15

Mat a̱nia, A̱fa̱risawa ba si̱ bu lyip a̱tyu a̱ ku byia̱ a̱fi̱fan ba a̱ni, si̱sak ji nang á̱ nkhwuk gu á̱ghyi ba a̱ni. A̱ si̱ nyia̱ ma̱ng a̱mba a̱ni, “A̱ ku nu mbyin, a̱ si̱ nkwon nung ndyo ma̱ á̱ghyi ba. A̱wot n si̱ nkwi á̱ghyi ba. Huhwa mbyia̱ nang n nwuan a̱vwuo na ma̱nini.”

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 2:22

“Nyin á̱niet Isi̱rela, nyi myiai a̱fufwuo, nyi fa̱a̱k! Yesu a̱tyu Na̱za̱ra̱t wa nang A̱gwaza tak nyin kpa̱sai, a̱ si̱ ta̱m ma̱ng a̱nggu. A̱gwaza tak si̱ huni, di̱ tyia̱ Yesu a̱ nyia̱ kuzang tangka̱i a̱ri̱bi̱di, nkyang a̱ga̱de, ma̱ng a̱lama; ma̱nang nyin ma̱ á̱pyia̱ nyin ndyen a̱ni.