Yoona 9:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Huhwa ba̱ si̱ nyia̱ ma̱ng a̱nggu a̱ni, “A nyia̱ nini wa, á̱ghyi ang ba si̱ nkhwuk?”

Yoona 9:10 Iomraidhean Croise

Ma̱rkut 4:27

Á̱ kwai á̱ doot, zwá yak ji̱ si̱ ta, ji̱ si̱ laai. Da̱ a̱nggu, a̱ lyen si̱sak ji á̱ nnyia̱ a̱ni bah.

Yoona 3:9

Nikodimut si̱ bu lyip Yesu nyia̱, “Ku na nyia̱ ni ku ndi a̱nia?”

Yoona 6:1

Nang Yesu ntyak nkyang nani a̱ni, a̱ si̱ bwuok a̱ nat. A̱ si̱si̱ byia̱k a̱ nat a̱ma̱nyi a̱gba̱ndang jok Ga̱lili (nang á̱ bu ngyei “Jok Tiba̱riyat ji” a̱ni.)

Yoona 9:11

A̱tyu a̱ ku yet a̱tyu a̱fi̱fan wu a̱ni, si̱ nwuak ba shim nyia̱, “A̱tyu a̱wa nang á̱ ngyei Yesu wu a̱ni; nggu wa ku ni̱m byin, a̱ si̱ kwon nung ndyo ma̱ á̱ghyi ba. A̱wot a̱ si̱ nyia̱ ma̱ng a̱nung a̱ni, ‘Nat mi̱ jok Si̱luwam, a si̱ kwi á̱ghyi ang ba a̱ja.’ Nung mameang, n si̱ nat, n si̱si̱ nkwi á̱ghyi ba a̱ja. Huhwa mbyia̱ nang n nwuan a̱vwuo na.”

Yoona 9:15

Mat a̱nia, A̱fa̱risawa ba si̱ bu lyip a̱tyu a̱ ku byia̱ a̱fi̱fan ba a̱ni, si̱sak ji nang á̱ nkhwuk gu á̱ghyi ba a̱ni. A̱ si̱ nyia̱ ma̱ng a̱mba a̱ni, “A̱ ku nu mbyin, a̱ si̱ nkwon nung ndyo ma̱ á̱ghyi ba. A̱wot n si̱ nkwi á̱ghyi ba. Huhwa mbyia̱ nang n nwuan a̱vwuo na ma̱nini.”

Yoona 9:21

A̱mgba̱m ma̱ng a̱nia, zi̱ lyen si̱sak nang gu nnyia̱ á̱ghyi gu ba si̱ nkhwuk a̱ni bah. Da̱ nzi̱t, zi̱ lyen a̱tyu a̱ khwuk gu á̱ghyi ba a̱ni bah. Nyi lyip gu, a̱ yet nggwon bah. A̱ maai a̱yin, a̱ na nwuak shim hu ma̱ a̱pyia̱ nggu!”

Yoona 9:26

Ba̱ si̱ bu lyip gu, nyia̱ “Yihwa nang gu nyia̱ ang ndyo? A̱ nyia̱ ni wa, a̱ si̱ nkhwuk ang á̱ghyi ba?”

Yoona 9:9

Á̱ghyang á̱niet si̱ nyia̱, “Nggu wa za̱m!” A̱wot á̱ghyang si̱ nyia̱, “Kaai, á̱niet tai wa!” Huhwa a̱tyu a̱ ku byia̱ a̱fi̱fan ba a̱ni, si̱ hyia̱ ma̱ a̱pyia̱ nggu, nyia̱, “Nung gwa wu za̱m!”

1 A̱korontiyawa 15:35

A̱wot shimba a̱ghyang a̱niet na lyip nyia̱, “Á̱ na nyia̱ ni wa á̱ nta̱ngam á̱niet ba̱ ka̱n kwi a̱ni? Zang ntangka̱i nvam nia nang á̱niet ba̱ ka̱n kwi a̱ni na ndoot ma̱ng swuan?”