Yoona 9:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nang Yesu sweap, a̱ si̱ kin di a̱tyok nang á̱ ku byin ma̱ng a̱fi̱fan a̱ni.

Yoona 9:1 Iomraidhean Croise

Matyu 20:30

Á̱niet a̱fi̱fan a̱feang ku swan da̱ a̱beam vak ka nang gu kai a̱ni. Nang ba̱ nfa̱k Yesu wa sweap a̱ni, ba̱ si̱ ta̱ngam nwunwuat mba hu mi̱ chet nyia̱, “A̱tyoli, Nggwon Da̱wuda, fa̱k kunak zi̱t!”

Matyu 9:27

Nang Yesu nghwon a̱li nggwon neam ka a̱ni, á̱niet a̱fi̱fan a̱feang si̱ khwi ngguu, á̱ yei mi̱ chet nyia̱, “Nwan nggwon Da̱wuda, fa̱k kunak nzi̱t!”

Ma̱rkut 9:21

Yesu si̱ lyip a̱tyia̱ nggwon wu, nyia̱ “Neet zang jen kya nang nggwon ka nswuo a̱bung ma̱ng a̱ka̱tuk ntswa wuni?” A̱tyia̱ wu si̱ nwuak gu shim nyia̱, “Neet nang ka̱ yet a̱da̱dei nggwon.

Luka 8:43

A̱byii̱k a̱ghyang ku shya̱ mami á̱kpa á̱niet ka, nang gu ka̱n nyia̱ a̱lyia̱ swak ma̱ a̱feang nang gu tyong a̱sok kuzang jen. A̱wot da̱ nggu, a̱ shya̱ a̱tyu a̱ na choot gu a̱ni bah.

Yoona 5:5

A̱tyok a̱ghyang ku shya̱ a̱ja nang gu nyia̱ ma̱ng zwan a̱lyia̱ nswak ntat ma̱ a̱ni̱nai.

Yoona 8:59

Nang ba̱ nfa̱k a̱nia a̱ni, ba̱ si̱ kyiak nfang, ba̱ na mmang guu. Yesu si̱ tyia̱ ghyuai a̱ ghwut mi̱ didyaat A̱li Nwuat Za̱nang A̱gwaza hu.

Yoona 9:2

Huhwa mman ta̱m Yesu na si̱ lyip gu nyia̱, “A̱tyu tyiet, a̱nyan wa ku nyia̱ a̱ka̱tuk nyia̱ wu, a̱ ku tyia̱ á̱ si̱ mbyin a̱tyu wuni ma̱ng a̱fi̱fan ba? Nggu wa ku nyia̱ a̱ka̱tuk nyia̱ wu, ke á̱niet mbyin nggu bibya?”

Nta̱m A̱yaata̱m 14:8

Jen nang Bulut ma̱ng Ba̱nabat nshya̱ ma̱ a̱keang Listra ka a̱ni, ba̱ si̱ myim ma̱ng a̱yin nang gu swan a̱byin. A̱ si̱ mi̱n chong bah. Mat a̱ti̱tak ba ta̱luk neet di̱ mbyin.

Nta̱m A̱yaata̱m 28:4

Nang á̱niet Ma̱lita ba ndi zwak ji, ji̱ lya̱u di̱ mbwak Bulut hu a̱ni, ba̱ si̱ shei ma̱ng á̱ghyang mba nyia̱, “A̱tyu wuni yet a̱tyu hyaai á̱niet wa za̱m! Byi̱ri̱ng ma̱ng shot a̱khwu nggu hu mi̱ kyai a̱sa̱khwot hu, nyi li! A̱gwaza a̱ Teang A̱ka̱tuk nzi̱t wu a̱ni, na ghwon gu, gu swuan bah!”

Nta̱m A̱yaata̱m 4:22

da̱nian a̱yaata̱m ba ku shei a̱gba̱ndang a̱lama a̱ tyei á̱niet ba ba̱ fa̱k a̱ga̱de; di̱ si̱sak nang ba̱ ku nchoot a̱ta̱luk a̱ti̱tak a̱ ku nyia̱ a̱lyia̱ swak naai ma̱ng kyang a̱ni.

Nta̱m A̱yaata̱m 9:33

A̱jawa gu si̱ nshya̱ a̱tyok nang á̱ ngyei Iniyat a̱ni; nang gu ka̱n nyia̱ a̱lyia̱ a̱ni̱nai nang gu myian da̱ a̱gbaat mat ta̱luk a̱ti̱tak.