Yoona 8:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Nang ba̱ nfa̱k a̱nia a̱ni, ba̱ si̱ ya̱bam á̱ vwuot a̱nyanyin kyiak neet da̱ a̱niet khwop si̱ nat da̱ a̱shushyuo. Ba̱ si̱ ghwon Yesu a̱ja ma̱nyin nggu ma̱ng a̱byii̱k wu.

Yoona 8:9 Iomraidhean Croise

Luka 13:17

A̱lyiat Yesu na si̱ tyia̱ á̱niet ba̱ nyia̱ fi̱p ma̱ng a̱nggu a̱ni, ba̱ si̱ fa̱k nsum. A̱wot a̱mgba̱m á̱kum á̱niet ka si̱ gwai ba̱t ma̱ng a̱tsatsak nkyang nang gu nyia̱ a̱ni.

Yoona 8:10

Yesu si̱ doot a̱ yong a̱ka̱tsak, a̱ si̱ nyia̱ ma̱ng a̱byii̱k wu a̱ni, “A̱yang a̱li, á̱niet ba ba̱ ta̱bat ang a̱ni, ba̱ shya̱ a̱ji? Á̱ mbyia̱ a̱tyo nyiung mami mba a̱ yong a̱ nyia̱ ang shi̱ri̱ya a̱ni baa?”

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 8:2

Da̱ a̱tsotson tat ka, Yesu si̱ bu bwuok a̱ nat mi̱ didyaat A̱li Nwuat Za̱nang A̱gwaza hu. A̱mgba̱m á̱kpa á̱niet ka si̱ bai da̱ a̱vwuo nggu. A̱ si̱ bwuok a̱ swan a̱byin, a̱ si̱ tyiet mbaa.

Yoona 8:3

A̱jawa a̱cha̱chet a̱yaagwak tyiet doka A̱gwaza ma̱ng A̱fa̱risawa ba, ba̱ si̱ bai ma̱ng a̱byii̱k nang á̱ ta̱bat gu di̱ katnaan. Ba̱ si̱ tyia̱ a̱byii̱k wu si̱ yong a̱ka̱wa̱tyia̱ á̱niet ka.

Yoona 8:8

Yesu si̱ bu beak a̱byin, a̱ si̱ ya a̱son ma̱ng lyuut hu.

A̱romawa 2:15

A̱chyet mba ka tak nang á̱ ndyuut doka A̱gwaza ji mi̱ nfwuo mba na. Mat a̱di̱dam mi̱ nfwuo mba wu ni̱ kpaat mbaa, a̱ hyia̱ ma̱ng mba ku ba̱ nyia̱ tsotswat ku ba̱ nyia̱ a̱ka̱tuk.

A̱romawa 2:22

Nwan a̱tyu a̱ nyia̱ á̱ yok katnaan a̱ni, a katnaan a? Nwan a ni̱ lak kyuak ntong a̱zaghyi nghwughwu a̱yaagwaza sang swuan a̱ni, a ni̱ shya̱ kpangti̱n ma̱ng nkyang nang á̱ nyiin ma̱ á̱tutu a̱yaagwaza sang swuan mba a̱ni a?

1 Yoona 3:20

Ku nang nfwuo nzi̱t na nkpaat zi̱t, na̱ si̱ bat zi̱t a̱bun, zi̱ lyen nang A̱gwaza nshi a̱ swak si̱sak nang zi̱ nfwuong mi̱ nfwuo nzi̱t na a̱ni. A̱wot a̱ si̱ lyen kuzang kyang.