Yoona 8:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Ba̱ ku lyip gu a̱lyiat nani, da̱nian ba̱ tya̱ra̱m nggu, ba̱ ka shya̱ kyang hu nang ba̱ na ntyap guu, ba̱ tyia̱ nggu a̱bun a̱ni. A̱mgba̱m ma̱ng a̱nia, Yesu si̱ beak, a̱ si̱ lyuut a̱byin ma̱ng ga̱swuong.

Yoona 8:6 Iomraidhean Croise

Matyu 10:16

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Matyu 15:23

A̱wot Yesu si̱ kaat ma̱ng a̱nggu bah. A̱jawa mman ta̱m Yesu na si̱ nyia̱ ma̱ng Yesu, “Ma̱sa̱kut A̱tyoli, tyia̱ a̱byii̱k wuni a̱ nkat! Mat a̱ ya a̱son ma̱ng tyei nkun a̱ shyui nzi̱t a̱fufwuo ma̱ng a̱nak nggu ka.”

Matyu 16:1

Á̱ghyang á̱tuk A̱fa̱risawa ma̱ng A̱sa̱ndukiyawa si̱ bai ba̱ mak Yesu. Ba̱ si̱ chat gu tak mba kyang a̱ga̱de ku yet a̱lama ku neet Ma A̱gwaza tswazwa, ku na tak tyok nggu hu kpa̱sai a̱ni.

Matyu 19:3

A̱fa̱risawa á̱ghyang si̱ bai da̱ a̱vwuo Yesu, ba̱ ka mak gu. Ba̱ si̱ lyip gu nyia̱, “Doka ji shim a̱tyok a̱ tyat nyeang ma̱ng a̱byii̱k nggu wu di̱ kuzang tangka̱i ta̱fwat a?”

Matyu 22:18

A̱wot nang Yesu ndyen mumwang yet a̱yaabang a̱byin mba hu a̱ni, a̱ si̱ nyia̱ ma̱ng a̱mba, “Nyin a̱yaabang a̱byin, yihwa mbyia̱ nyi chat tya̱ra̱m nung?

Matyu 22:35

A̱tyo nyiung mami mba, a̱ ku yet a̱gwak lyen doka wa, a̱ si̱ kwan a̱ tya̱ra̱m Yesu ma̱ng lyip huni, nyia̱,

Matyu 26:63

A̱wot Yesu si̱ ya a̱son mi̱ swan nyonywang. A̱gba̱ndang pris wu si̱ nyia̱ ma̱ng a̱nggu, “N chat a shyi da̱ a̱lyoot A̱gwaza, a̱ byia̱ swuan a̱ni, tak ma̱ng a̱nzi̱t a̱tsak a̱lyiat. Nwan wa yet Kristi wu, A̱gwam nang A̱gwaza kup gu tyok a̱ni a? Nwan wa bu yet Nggwon A̱gwaza kaa?”

Ma̱rkut 10:2

A̱fa̱risawa á̱ghyang si̱ bai da̱nian ba̱ ka mak Yesu. Ba̱ si̱ lyip gu nyia̱, “Doka ji̱ shim a̱tyok a̱ tyat nyeang ma̱ng a̱byii̱k gu a?”

Ma̱rkut 12:15

A̱wot nang Yesu ndyen mumwang yet a̱yaabang a̱byin mba hu a̱ni; huhwa gu nyia̱ ma̱ng a̱mba, “Yihwa mbyia̱ nyi nchat nyi tya̱ra̱m nung? Nyi bai ma̱ng a̱nung kurum hu, n di.”

Ma̱rkut 3:2

Huhwa á̱ghyang á̱niet ba̱ lak li Yesu a̱ni, ba̱ si̱ tyia̱ nggu á̱ghyi ba̱ li ke a̱ na choot a̱tyu nang bwak hu khwu a̱ni a̱tuk Mam Fwung A̱yahudawa ka; ba̱ ka shya̱ kyang nang ba̱ na ntyap gu a̱ni.

Ma̱rkut 8:11

Nang A̱fa̱risawa á̱ghyang nfa̱k nkhang nyia̱ Yesu bai a̱ni, ba̱ si̱ bai da̱ a̱vwuo Yesu. Ba̱ si̱ ta̱bat fwuang ma̱ng a̱nggu. Ba̱ chat mak gu. A̱wot ba̱ si̱ nyia̱ ma̱ng a̱nggu, gu nyia̱ mba kyang a̱ga̱de ku neet Ma A̱gwaza tswazwa ku yet a̱lama a̱ tak tyok nggu hu a̱ni.

Luka 10:25

Á̱ghyang á̱tuk, a̱gwak lyen doka Musa a̱ghyang si̱ doot a̱ yong a̱ si̱ kwan a̱ tya̱ra̱m Yesu ma̱ng lyip huni nyia̱, “A̱tyu tyiet, yihwa n na nyia̱, n shya̱ swuan sang sangba̱p ji?”

Luka 11:16

Á̱ghyang á̱niet si̱ kwan ba̱ tya̱ra̱m Yesu. Ba̱ si̱ chat gu nyia̱ mba kyang a̱ri̱bi̱di ku yet a̱lama a̱ neet Ma A̱gwaza tswazwa ku tak ma̱ng a̱mba tyok hu nang gu byia̱ a̱ni.

Yoona 8:2

Da̱ a̱tsotson tat ka, Yesu si̱ bu bwuok a̱ nat mi̱ didyaat A̱li Nwuat Za̱nang A̱gwaza hu. A̱mgba̱m á̱kpa á̱niet ka si̱ bai da̱ a̱vwuo nggu. A̱ si̱ bwuok a̱ swan a̱byin, a̱ si̱ tyiet mbaa.

1 A̱korontiyawa 10:9

Ma a̱nia wa, zi̱ yok mak A̱gwaza bah, ma̱nang á̱ghyang á̱niet ma̱ a̱mba ku nyia̱ a̱ni. A̱ si̱ tyia̱ zwák si̱ tyam mba, ba̱ si̱ kwi.